Visiting Teaching Amandzɛɛbɔ, Dzifuu 2016
Yɛrebɔ Mu Atsetse Ebusua Ebusua
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse “Ebusua No: Dawurbɔ a wɔdze ma Wiadze” ase no besi dɛn bɛma wo gyedzi wɔ Nyankopɔn mu enyin na woehyira hɔn a idua visiting teaching do ehwɛ hɔn do no? Ho nsɛm mbordo no, kɔ reliefsociety.lds.org.
Gyedzi, Ebusua, Mboa
“Okun na ɔyer wɔ enyiber asodzi dɛ wɔbɔdɔ na wɔahwɛ hɔn ho na hɔn mba.”1 President Russell M. Nelson, Asomafo Duebien no hɔn Quorum no ne President akã dɛ “Fie no na ɔwɔ dɛ ɔyɛ bea a Nyame kyerɛkyerɛ hɛn ɔdɔ na som.”
“Hɛn Ɔsor Egya pɛ dɛ kunnom na nyernom dzi nokwar ma hɔnho nkorkor na wobu hɔn mba na wɔhwɛ hɔn dɛ wɔyɛ egyapadze a wofi Ewuradze hɔ.”2
Mormon Nwoma mu no, Jacob see dɛ ɔdɔ a kunnom no wɔ ma hɔn nyernom, na ɔdɔ a nyernom no wɔ ma hɔn kunnom, na hɔn beenu no wɔ ma hɔn mba no no kã saintsir a mber bi mu no Lamanfo no seen Nephifo no wɔ tseneneeyɛ mu no (hwɛ Jacob 3:7).
Kwan kor a oye koraa a yebotum dze ɔdɔ na koryɛ aba hɛn efiefi mu no nye yɛbɛkasa ayamuyie mu akyerɛ hɛn ebusua mu mba. Yɛkasa ayamuyie mu a ɔdze Sunsum Krɔnkrɔn no ba. Akyerɛbaa Linda K. Burton, wiadze mfɛndzanan Relief Society president no, ebisa hɛn dɛ yensusu dɛ: “Mpɛn ahen na yɛgye enyim ‘kã nsɛm dɛw kyerɛ hɛnho’?”3
Kyerɛwsɛm a Ɔkã ho
Atseasefo ho Nsɛm
Elder D. Todd Christofferson a ɔkã Asomafo Duebien no hɔn Quorum ho no kyɛɛ ne mbafober sũahu a no werɛ nnkefir da, dɛ ɔdɔ ho hia tsitsir wɔ ebusua mu. Ber a ɔno na no nuambanyin no yɛ mbanyimbasiaba no, hɔn nã kɛyɛɛ kõannkɔ eduryɛ a wɔkãa no sekan ara yie a ɔmaa ɔtsee yaw kɛse ber ɔdze ne nsa enyimfa reyɛ adze no. Nna wɔwɔ mbanyimba wɔ ebusua no mu ntsi, na adzetow dɔɔsõ ara yie, na sɛ ne maame rotow adze no, ɔtaa gyaae na ɔkɔ pia mu kosũ ara kesi dɛ yaw no ano brɛ adze.
Ber a Elder Christofferson n’egya hun dza ɔrokɔ do no, kokoa mu ara oenndzi n’ewiaber edziban bɛyɛ afe kor dze siee sika a ɔbɔ sõ efir a ɔma adzetow yɛ mberɛw no tɔ. Ɔnam dɔ a ɔwɔ ma ne yer ntsi, ɔbɛyɛɛ fasusu ma ne mbanyimba wɔ mbrɛ wosi wɔtsetse wɔ ebusua ebusua mu. Dɛm ayamuyie fasusu yi ho no, Elder Christofferson kãa dɛ, “Nna minnyim afɔrbɔ a m’egya robɔ no nye ɔdɔ ndzeyɛɛ a ɔyɛɛ maa me maame dɛm aber no ho hwee, mbom sesei a meehu yi, mekã kyerɛ moho dɛ, ‘Ɔbarimba no nye no.’”4
© 2016 Intellectual Reserve, Inc. Wɔakora ho tumdzi nyina. USA na wotsintsimii. Visiting Teaching Message, August 2016 ne nkyerɛasee.Fante. 12868 502
Susu Iyi Ho
Yɛrodɔ na yɛrohwɛ hɛnho nkorkor no, osi dɛn twe Sunsum no ba hɛn efiefi?