Ngaahi Talanoa ʻo e Tohi ʻa Molomoná
ʻAʻahi ʻa Sīsū ki he Kau Nīfaí
ʻI he moʻui ʻa Sīsū ʻi he māmaní, naʻá Ne fakamoʻui ʻa e kakai naʻa nau puké pe laveá. Naʻá Ne akoʻi e kakaí ki he founga totonu ʻo e lotú. Naʻá Ne tāpuakiʻi e fānaú.
Naʻá Ne ui ʻa e kau ʻAposetolo ʻe toko 12 pea foaki kiate kinautolu ʻa e sākalamēnití ke tokoni ke nau manatu kiate Ia.
Naʻe pekia leva ʻa Sīsū pea naʻe toetuʻu.
Hili ʻEne toetuʻú, naʻe hāʻele ʻa Sīsū ke ʻaʻahi ki he kau Nīfaí, ʻa ia naʻa nau nofo ʻi he potu tahi ʻe tahá.
Naʻá Ne ui ʻa e kau ākonga ʻe toko 12 pea foaki kiate kinautolu ʻa e lakanga fakataulaʻeikí. Naʻá Ne fakamoʻui ʻa e kakai naʻa nau puké pe laveá. Naʻá Ne akoʻi e kakaí ki he founga totonu ʻo e lotú. Naʻe punou hifo ʻa e tokotaha kotoa pē pea hū kiate Ia.
Naʻe fekau ʻe Sīsū ki he kau Nīfaí ke ʻomi ʻenau fānaú kiate Ia. Naʻá Ne lotu, pea naʻá Ne tāpuakiʻi leva ʻa e fānau kotoa pē. Naʻe ʻaʻahi mai ʻa e kau ʻāngeló kiate kinautolu.
Naʻe foaki ʻe Sīsū ki he kau Nīfaí ʻa e sākalamēnití koeʻuhí ke nau manatu maʻu ai pē kiate Ia.