Ngaahi Tali mei ha ʻAposetolo
ʻE fēfē kapau ʻoku ou ongoʻi ʻoku ʻikai ke u ʻi he tuʻunga totonú?
Fai ʻe ʻEletā Jeffrey R. Holland
ʻO e Kōlomu ʻo e Kau ʻAposetolo ʻe Toko Hongofulu Mā Uá
Mei he “ʻE Fai ʻe [he ʻEikí] ha Ngaahi Mana ʻIate Kimoutolu ʻApongipongí na,” Liahona, Mē 2016, 124–127.
ʻOua te ke foʻi. ʻI he Fakalelei ʻa Sīsū Kalaisí, te tau lava ai ʻo fakalakalaka.
ʻOku tāpuakiʻi ʻe Sīsū Kalaisi ʻa kinautolu ʻoku fie fakalakalaká mo feinga ke tauhi ʻa e ngaahi fekaú. ʻOku tau monūʻia maʻu pē ʻi heʻetau feingá.
ʻOku humu ʻa e tokotaha kotoa pē, ka ʻe tokoni ʻa e Fakamoʻuí ke ke tuʻu hake. Te ne tokoniʻi koe ke ke fakatomala, fakaleleiʻi ha meʻa pē kuo pau ke ke fakaleleiʻí, pea hoko atu.
Ko ia, ʻofa pē. Feinga pē. Falala pē. Tui pē. Hoko atu pē hoʻo tupulakí. ʻOku poupouʻi kimoutolu mei he langí he ʻahó ni, ʻapongipongi pea taʻengata.