Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“Na Latou Vaai ia te Ia,” itulau 58: o le a le uiga o le avea ma se molimau a Keriso? A uma ona faitau le tusiga faatasi o se aiga, e mafai ona outou talanoaina ni auala e mafai ai ona e avea ma molimau a Keriso e aunoa ma le vaai tino ia te Ia. E mafai ona e mafaufau i ni manatu e faalatalata atili atu ai i le Faaola e pei o le sailia o ni avanoa e auauna atu ai i tagata sulufai i lou alalafaga, aoao e uiga i le soifuaga o le Faaola i le taimi o suesuega i tusitusiga paia, tausitama mo se ulugalii ina ia mafai ona la auai i le malumalu, po o le aapa atu i se uo o manaomia le fesoasoani. E mafai foi ona e matamata i le vitio o loo maua i le mormon.org/easter ma mafaufau loloto i le taua o Keriso ma Lona toetu mai i o tatou olaga.
Ua faamanatu mai e le “Saunia mo le Malumalu i Aso uma,” itulau e 69: Atonu e te mafaufau e fai se “po o le talafaasolopito o aiga ma le malumalu” mo afiafi faaleaiga. E mafai ona outou aoao pe faapefea ona fai le faasino igoa ma saili mo faamaumauga faaleaiga pe talanoa i le taua o sauniga o le malumalu ma matamata i ata o malumalu i le salafa o le lalolagi. Afai tou te nonofo latalata i se malumalu, e mafai ona outou asiasi i lotoa o le malumalu ma talanoaina auala e mafai ai ona aumaia e malumalu outou ia latalata atili atu ai i le Tama Faalelagi ma fesoasoani ia tatou lagonaina Lona alofa.