Eiður og sáttmáli prestdæmisins

Ljósmynd

Kansas City Missouri Temple

Því betri skilning sem við systurnar höfum á því hvernig eiður og sáttmáli prestæmisins tengjast okkar daglega lífi, því auðveldara mun okkur reynast að taka á móti blessunum og loforðum prestdæmisins.

Öldungur M. Russell Ballard, í Tólfpostulasveitinni, sagði: „Allir sem hafa gert helga sáttmála við Drottin og heiðra þá sáttmála, geta hlotið persónulega opinberun, blessun englaþjónustu, átt samskipti við Guð, tekið á móti fyllingu fagnaðaerindisins og orðið erfingjar með Jesú Kristi að öllu sem faðirinn á.“¹

Blessanirnar og loforðin sem tengjast eiði og sáttmála prestdæmisins, eiga við bæði um karla og konur. Systir Sheri L. Dew, fyrrverandi ráðgjafi í aðalforsætisráði Líknarfélagsins, sagði: „Fyllingu prestdæmisins, sem felst í æðstu helgiathöfn húss Drottins, geta aðeins karl og kona hlotið í sameiningu.“²

Systir Linda K. Burton, aðalforseti Líknarfélagsins, setti fram þetta boð: „Ég hvet ykkur til að læra utanbókar eið og sáttmála prestdæmisins, sem finna má í Kenningu og sáttmálum 84:33–44. Ef þið gerið það, þá heiti ég ykkur því að heilagur andi mun útvíkka skilning ykkar á prestdæminu og veita ykkur dásamlegan innblástur og uppörvun.“³

Leiðbeiningum Josephs Smith til Líknarfélagsins var ætlað að búa konur undir að „taka á móti forréttindum og blessunum og gjöfum prestdæmisins.“ Þetta verður að raunveruleika fyrir tilstilli helgiathafna musterisins.

„Helgiathafnir musterisins [eru] helgiathafnir prestdæmisins, en þær veita ekki körlum eða konum kirkjulega stöðu. [Þessar helgiathafnir uppfylla] loforð Drottins um að fólki hans – körlum og konum – muni ‚veitast kraftur frá upphæðum‘ [K&S 38:32].“⁴

Ljósmynd

Relief Society seal