N na Kanga ni Kamatebwai inanon Au Iango ao ma Nanou?

Unimwaane Robert D. Hales man te Kooram n te Tengaun ma Uoman n Abotoro e taku bwa ti karaoi “babaire aika a kakaawaki n te maiu … , te Tama are i Karawa e kantaningaira bwa ti na kamanenai inaomatara, ni kamatebwaia te bwai ae riki ni kaineti ma reirein te euangkerio, ao ni uoti babaire Nakoina n te tataro” (“Te Tamnei ae Raoiroi,” Riaona, Meei 2016, 105).

Ti riai n tou mwin mwakuri n aron titiraki nako. Ngkana ko kamatebwaia, tataro ma nanomi ni koaua ibukin kaeka ake kona karekei iaon kawaim. Te Tamnei ae Raoiroi e na anganiko te kairi—tao rinanon te iango, taeka inanon am iango, ke tabeua kauring aika a kaineti nakoim—ni kairiko nakon kaekana ae ko kainanoi.

Ukori Booki aika tabu, ko kona ni kabongana te Kairi nakon Boki aika Tabu. Ko kona naba n ukori tabeua bwaai ni mwakuri LDS n aron taetae man te maungatabu ni kabuta, te Gospel Topic iaon LDS.org, ana maekatiin te Ekaretia, te Joseph Smith Papers Project, ao a bati riki. (Taraa iteraniba 54 ibukin karinan bwaai n ibuobuokii n te Ekaretia.)

Tai Maaku n titiraki ibukin te buokam. Unimwaane Ronald A. Rasband man te Kooram n Abotoro n te Tengaun ma Uoman e kaunga, “N na kaoiko bwa kona karaoi kakaewenako. … Ko na iangoa temanna [are e na kona ni buokiko ni kakaea te reke]—te rao ae onimakinaki, te karo ke kaaro, tiibu, tia reirei, bitiobiriki, [ke] atuaitia … —ao ko riai ni kaekai titiraki aikai” (Face to Face broadcast, Tinuare. 20, 2016). Kataia ni Karaoia! Maroro nakon are ko onimakinna taekan am titiraki ao ikotaki ni kakaea te reke.

Mwaneka aikai a kakawaki ibukin iangoakin raoi am iango ao i nanom. Beretitenti Dieter F. Uchtdorf, Kauoman ni Kauntira n te Moan Beretitentii, e taku, “Ngkana ko tangiria ni kinai koauan te tamnei, ko riai ni kabonganai bwaai mwakuri aika eti. Ko aki kona ni karekea te atatai ni koauan te tamnei ma bwai ni mwakuri ake aki kona ni kunei.” (“Receiving a Testimony of Light and Truth,” Riaona, Nobembwa 2014, 22). Te Tamnei ae Raoiroi bon te bwai ni mwakuri rinanon are ti reiakina bwaain te tamnei. Mangaia ngkana ko tataro ao n ongora nakon te Tamnei, inanon taina ko na kona ni kunea te reke.

Beretitenti Uchtdorf e kabwarabwara naba, “Ngkana ti kabanea riki ara tai n rairi nanora ao ara iango nakon te Atua, ao e na rawata riki te ota ae ti na anganaki. … Ni karaurau, bwaai ake a tara ni mabubu, n roo, ao n raroa nako a moanna n itiaki, n ota mwaaka, ao ni kinaki iroura” (“Receiving a Testimony of Light and Truth,” 22). Ukoran kaekaaia a kona n riki n abwabwaki mwakuriana. Ma ngkana ko kukurei n ongora ibukin kaekaana, riki ngkana e maan, ko na bon kunei.

Kinakin riki te wirikiriki ao kukureim riki ni mwakuri ngkana te Tamnei e wirikiriki i nanom, e na bebete riki kinaakin taian wirikiriki n taai aika a naa roko . Ko na kona n “namakinna bwa e bon eti” ke te taneiai “waeremwen te iango” ngkana e bure (taraa D&C 9:8–9). Ko kona naba n namakinna te raunnano, ke te namakin ae rau, ke te kantaninga ae bon kaineti ibukim Te Uea e kinako, ao E ataiko bwa ko na kanga n ataa te Tamnei. E na anganiko te tangira ni kairi are e bon onoti nakoim Mangaia are teimatoa kakauongo (nakon te Tamnei) ao kataneiaiko (ongora nakon te Tamnei).