Faapatinoina Lau Suesuega o le Talalelei
Siaki motugaafa nei mo le suesueina o le talalelei ma le sailia o tali i au fesili faaleagaga.
E faapefea ona e suesue a o e sailiili mo ni tali i se fesili faaleagaga pe tusa lava pe na o le taumafai e malamalama atili ai i tusitusiga paia? O lau tala e faapitoa lava ia te oe—e patino lava. E eseese uma lava uiga masani mo suesuega mo le aoga a tagata taitoatasi, ae o nisi taimi e galo ai ia i tatou, e mafai ona tatou faapatinoina foi la tatou suesuega o le talalelei. O le isi taimi e i ai sau fesili faaleagaga po o se aoaoga faavae, faataitai nisi o motugaafa nei e fuafua ai po o le a le ala e sili ona aoga mo oe.
1. Fatu
Fai se lisi, se siata, po o se faafanua. (Tagai i lalo ifo mo se faataitaiga.)
Fai se ata o le suesuega. Tusi i lalo upu ma manatu ma ona faafesootai lea o i latou i laina ma lio e faaali atu ai auala latou te fesootai ai.
2. Tusi
Faamaumau manatu ma uunaiga e te maua i le taimi o lau suesuega o tusitusiga paia i se tusitalaaga suesue ma iloiloina soo na manatu.
Tusi i lalo ou mafaufauga ma lagona ina ua uma ona e tatalo, e tusa lava pe o uunaiga e le fesootai tonu lava ma le autu o loo e suesueina. Tagai i mea e aoao atu e le Agaga ia te oe i le aluga o taimi.
Tusi i lalo au fesili i se tamai api, i luga o lau telefoni, po o se api i talaane o lou moega e faamanatu atu ia oe ma fesoasoani ia te oe e mafaufau ai pea e uiga i mea e te aoaoina i aso uma.
3. Faalogo ma Talanoa
Talanoa i se matua po o se taitai faatuatuaina. Galulue faatasi i ai. Atonu e umi se taimi, ae o le a oulua tuputupu ae i le faagasologa.
Aoao se isi tagata. Feauauai i le faasoaina atu o mea ua lua iloaina. Ia talanoaina mea ua e aoaoina mai le tasi ma le isi.
Faalogologo leotele i tusitusiga paia po o isi tala o le AAG ma punaoa.
4. Sailiiliga
O le suesue i le sailiiliga e fesoasoani i tusitusiga paia ma i le initoneti (tagai i lalo ifo mo se lisi o punaoa aoga a le AAG).
Saili i le LDS.org mo vitio ma pese e uiga i le mea o loo e suesueina.
Suesue le anotusi. Sailiili le talafaasolopito po o mataupu na siomia ai le autu po o le mau o loo e suesueina.
5. Fai
Faatino tala mai tusitusiga paia po o isi punaoa. E faapefea e le tuuina o oe lava i le tulaga o le tagata ona fesoasoani e malamalama atili ai i le mea o loo e suesueina? O a ni tulaga talitutusa faapea i lou olaga?
Ia faia se filifili o mau e fesootai ai tali e te maua i tusitusiga paia. (Tagai i lalo mo se faataitaiga.)