Serafo
Nupwen Chienei we a Mano
Ewe chon mak a nonnom non Utah, USA
Fansoun ai we engon me ewin mwich non sukun, chienei we a tori ew feiengawen tupu me a mano masetan ewe ran. Ina mwo ngang emon chon ewe Mwichefen, ua osukosuk. Uwa fen kaeo non unusen manauei pwe ua tongeni kun ngeni Samach won Nang me ewe Chon Amanau ren mettoch meinisin nge ese mwo fifis ngeniei och mettoch usun ei me akkom.
Ua kechiw non chommong awa, achocho ne kutta och mettoch—och chok mettoch—an epwe ngeniei kinamwe Ewe pwinin mwirin an mano, ua kun ngeni ewe puken kon mi fel. Nupwen ua suki ekkewe peich, ua sukano ngeni “Abide with Me: ’Tis Eventide” (Hymns, no. 165). Ewe aunungatin uwokisin a ku netipei:
Nonnom rei; non ei pwiinin,
Me akkanamon non ewe pwiin
Ika usap nonnom reom,
Ika kuna non en ai saram.
Ewe rochopwaken fonufan, ua nuokus,
Epwe nonnom non imwei.
O Chon Amanau, nonnom rei non ei pwiinin;
Nengeni, ’ei pwiinin.
Ei uwokisin a auraeino ren watten kinamwe. Ua sinei non ena fansoun pwe ewe Chon Amanau ese chok tongeni nom rei non ena pwiinin nge I a pwan wesewesen sinei ifa usun ua mefi. Ua sinei pwe ewe tong ua mefi seni ewe kon mi fel a anisiei non unusen ena pwiinin a pwan anisiei non ekkoch sossot ua fen engino ngeni.