Pratham Adhyakshta ka Sandesh, August 2017
Ek Chele ka Jeewan
Thees saal pahale, Ghana me Doe namak ek jawaan college ki vidhyarti ne LDS meetinghouse me pahali baar kadam rakha tha. Doe ke ek dost ne unko apne saath aane ke liye amantrit kiya tha, aur Doe Girja kaisa hai janne ke liye uthsuk thi.
Waha par log ithne acche aur milansaar the ki wah tajub karne lagi, “Yah kaisa girja hai?”
Doe ithni prabhavith hui ki usne Girja aur unke log jo khushi se bhare hue the ke baare me sikhne ka nirnay liya. Par usne jaise hi aisa karna shuru kiya, bhala chahane waale parivaar aur dosto ne unke har mod par virodh kiya. Unho ne Girja ke vishay me buri baate kahi aur use rokne ki puri koshis ki.
Par Doe ko gawahi mil chuki thi.
Unke paas vishwaas tha, aur wah susamachaar se prem karti thi, jo unke jeewan ko khusi se bhar rahi thi. Aur isliye, unho ne baptisma le liya.
Uske baad unho ne apne aap ko padhai aur prathna me samet liya. Unho ne upwaas kiya aur apne jeewan me Pavitra Aatma ke prabhaav ko talasha. Iske kaaran, Doe ki gawahi aur vishwaas mazboot aur atal ho gayi. Anth me unho ne Prabhu ke liye pure samay ka mission ki sewa ka nirnay liya.
Mission se lautne ke baad, unho ne ek laute hue prachaarak se mel jhol ki aur unse shaadi ki—usi vyakti se jisne unhe kuch saal pahale baptisma diya tha—aur baad me weh Johannesburg South Africa Mandir me bandh gaye (seal).
Doe Kaku ko Ishu Masih ke susamachaar ki pratham khusi anubhav kiye hue kuch saal beeth chuke hain. Us dauraan, unke liye jeewan humesha khusaal nahi rahi hai. Unho ne apne hisse ki dukh aur dil ka tutna saha hai, jisme do baccho ki maut shamil hai—us anubhav ka dukh ab bhi unke hirday me bhaari hai.
Par woh aur unke pati, Anthony, ek dusre ke aur apne priye Swarg ke Pita jinse weh apne pure dil se prem karte hain ke kareeb aane ki koshis me atal hain.
Aaj, baptisma ke 30 saal baad, Bahan Kaku ne haal hi me ek aur pure samay ka mission pura kiya hai—is baar apne pati ke sang, jo Nigeria me mission adhyaksh tha.
Jo Bahan Kaku ko jaante hain kahate hain ki usme kuch khaas baath hai. Wah ujjval hai. Uske saath waqt bithane ke baad yah mumkin nahi hai ki tum khud khushyaali nahi mehsoos karoge.
Uski gawahi nischit hai: “Mai jaanti hoon ki Udhaarkarta mujhe apni beti aur dost ke rup me dekhtha hai (dekhiye Mosiah 5:7; Ether 3:14),” wah kahati hai. “Aur mai Unke dost banne ke liye kathin parishram kar rahi hoon—sirf bol se nahi par karam se bhi.”
Hum Chele Hain
Bahan Kaku ki kahani kai auro ki tarah hai. Uske paas sacchai janne ki iccha thi, usne sacchai ki raushni paane ke liye kimat ada ki, usne Parmeshwar aur saathiyo ke prathi prem bayaan kiya, aur is dauraan usne dukh aur takleefo ka samna kiya.
Par chahe koi bhi virodh, chahe koi bhi takleef, wah vishwaas se aage badthi gayi. Aur utna hi mahatvapurn, usne apni khushi kayam rakha. Usne na hi jeewan ke kathinaiyon ko jhelne ka tareeka dhunda par unke hone ke baavajood safalta pana bhi dhoondha!
Uski kahani tumhare aur mere kahani ki tarah hai.
Humari yaatra mushkil se shant yah bina kathinai ki hothi hai.
Hum sabhi nirash, dukh yah dil ka tootna mehsoos karte hain.
Hum shayad kabhi kabhi bojh yah nirasha mehsoos kar sakte hain.
Par woh jo chele ka jeewan bithathe hain—jo vishwaaskari rahathe hain aur vishwaas se aage badthe hain; jo Parmeshwar par bharosa karte hain aur unke aagya ka paalan karte hain;1 jo susamachaar ko din ba din aur ghante dar ghante nibhate hain; jo apne aas paas ke logo ko Masih jaisa sewa pradhaan karte hain, ek samay par ek accha kaam— yeh woh hain jinka chota sa kaam adhik antar karta hai.
Woh jo thode nirmal hain, aur thode zyaada maaf karne waale, aur thode zyaada dayalu hain, unhe daya milegi.2 Weh jo is duniya ko ek behtar sthaan banate hain, ek dhyaan rakhne waala aur pyaar bhara vyavhaar ek samay par, aur jo Ishu Masih ke chele ke sukh, santoshjanak, aur shantipurvak jeewan bithane ki koshis karte hain, yeh wahi hai jinhe anth me khusi milegi.
Wek janenge ki “Vah Parmeshwar ka prem hai jo manushya ke baccho ke hirdayon me pravesh kartha hai … isliye wah sabhi anya vasthuwon se adhik praapt karne laayak hai … aur aatma ko anandith karne waali.”3
© 2017 Intellectual Reserve, Inc dwara. Sabhi adhikaar surakshit. USA mein chaapa gaya. Angrezi swikriti: 6/17 anuwaad swikriti: 6/17 First Presidency Message, August 2017. ka anuwaad. Hindi, Fiji. 97928 298