Soahng Siluh mehn Ketemen

Lepin lokaia tamataman pwarada pak tohto nan Pwuhk en Mormon. Nephi koangoangehki rie pwutangko en tamataman ia wen Koht ah doarehla semerail kahlapoko. Nahnmwarki Benjamin peki sapwellime aramasoko en tamatamn sapwellimen Koht limpoak. Oh Moroni padahkiheng irail kan me pahn wadek en tamataman wen kalahngan en Kauno.

Tamataman Sounkomouro me kesempwal—kitail wiadahr inou sarawi en tamataman Ih ansou koaros me kitail pahn tungoale kamadipw sarawio. Presiden Eyring luke kitail en tamataman soahng siluh pwukat nan ansoun kamadipw sarawi:

1. Tamataman Sises Krais: Wadek pwuhk sarawihkan duen Sounkomouro ah sewese oh kasalehda limpoak ong mehteikan. Iaduen amw pehm Sapwellime limpoak? Ia mwomwen amwail kak papah oh kasalehda limpoak ong mehteikan duehte me Sounkomouro wiahier?

2. Tamataman dahme kumwail anahne wia me mwausang met: Keironglahng amwail koluhlahn wihk samwalahro. Pilada soahng ehu me kumwail kak wekidala, oh ntingihdi ia mwomwen amwail pahn kamwahuiala. Kihdi amwail kasik pen doadoahk wasa kisme kumwail pahn kalapw kilang.

3. Tamataman wen pweida me kumwail wiewia: Peki rehn Koht en ketin sewesei iuk en kitail mwahu me ke wiewiahier. Kilelehdi mwomwen amwail pepehm.

Kitail sohte unsek, ahpw Sounkomouro mwahngih. Ihme kahrehda E peki kitail en tamataman Ih. Tamataman Ih wahdohng kitail koapwoaroapwoar oh sewesei kitail en men keirda. Me iangahki ansou teikan me kitail kin sohla taman Ih, Presiden Eyring masanih, “E tamataman kumwail ansou koaros.”