Ebong akam eno Eyeneka Nnwan Kiet-kiet ke Enying

Mbuotidem, Ufokemana, Unwam

Ndise

Idiongo nka Relief Society

Nwed Abasi ono ediwak uwutnkpo eke irenowo ye iban emi ekebongde akam eno mbon efen ke enying. Kotu ata nworonda emi edi ete eke Ekpri Alma. Angel eketing iko ono Ekpri Alma, odoho enye ete ke ete esie “oko[bong] akam ye akwa mbuotidem abanga enye … ; ntre, ke ntak emi ke imo idi man idinam enye odiongo odudu ye unen Abasi, man ekpeboro akam eke isungutom esie oto ke mbuotidem mmo” (Mosiah 27:14).

Ndibong akam mbanga owo efen eberede esit nyin ono ndibo edidiong emi Abasi oyomde ndino nyin. “Utom akam idige ndikpuho uduak Abasi, edi edi ndibo edidiong emi Abasi oyomde ndino nno idem nyin ye mbon efen, edi ana nte nyin ibup man otodo ibo.”¹

Eyeneka nnwan kiet eketing abanga okposong ini kiet ke uwem esie ete ke, ikoot phone mme etop eke phone esiwak ndidi nto mme visiting teacher esie “akpan-akpan ke mme usen emi oyohode ye mfina,” Etie nte mmo esidiongo ke ini imo iyomde unwam. Enye odiongo ete ke mmo esibong akam ebanga enye, ke ini edisede enye ye ke idem mmo.

“Julie B. Beck, akani Akwa Adaibuot Nka Iban okodoho ete, “Ekere ebanga ebuana ukeme edieke ofuri ndito-eka iban ekpebongde akam kpukpru usenubok ye okoneyo, ye nte odotde, ebong akam kpukpru ini ke nte Jehovah etemede.² Ndibong akam mbanga mbonowo emi nnyin ikesede ono nyin nsongo-nda nte owo kiet-kiet ye nte mme iban Ukpere-edem Ini.

President Henry B. Eyring, Akpa Onoitem ke First Presidency odoho ete: Ebong akam eyom usung man ediongo esit mmo. … Mbufo eyeyom ndidiongo se Abasi oyomde ete mbufo enam man enwam mmo enyung enam oro ofuri, ke nte mbufo ekemede, ke ndinyene ima Abasi nno mmo.”³