Mbenge-idem man Okop Uyo Abasi

President Uchtdorf anam anwanga kabanga akpa nkpo emi Abasi akanamde ke ama okobot erenowo ye nnwan okure ekedi nditing iko nno mmo onyung ono mmo nsongurua etop ye item. Nyin imebo ukem edidong oro ke Ofiong Inang ye Duop kini akwa mboho, ke ini mme adausung ke Ufok Abasi etingde iko eno nyin enyung eno nyin item emi Jehovah oyomde ete nyin ikop.

Akananam nte mbufo emekop uyo Abasi oto ke mme isungutom Esie ke ini akwa mboho? Akananam nte mbufo emekop nte ata etop kiet okonode mbufo iboro emi mbufo ekedungore eyom? Ke journal, mbufo emekeme ndiwet ifiok-ukpeb oro nnim ye danga ifiok-ukpeb oro akanwamde mbufo. Ekem ebenge idem man ekop uyo Abasi ke mboho emi edidide ke ndiwet mme mbume emi mbufo enyenede enim enyung ekot mmo ke ini ukpeb nwed Abasi mbufo. Ebong akam eno Ete ke Enyong, ebup man ebo iboro ye ifiok ke ini mboho. Nte mbufo ekpangde-utong eno mme isungutom Abasi, eting-enyin eno ntim-spirit eke idem mbufo. Nso nkpo ke mbufo ekekpeb? Didie ke mbufo ekekere ndikpuho? Ewet mme ntim-spirit oro enim koro Spirit oro edi oro emi etingde iko ono mbufo!

Ti kpukpru ini ete ke Ete ke Enyong amama mbufo ndien eyeda mbufo usung ke eti usung. Nte mbufo edomode ndikop uyo Esie oto ke mme isungutom Esie, mbufo eyebo edidiong enyung ekop inemesit.