Kaunop ong Rong Kapitiehn Koht

Presiden Uchtdorf kawehwehda mwomwen dahme Koht tepin wia mwurin eh ketin kapikadahr ohl oh lih iei E masanihong ira oh ketikihong ira audaud kesempwal ekei oh iren kaweid kan. Kitail kin iang ale soangen kapai pwukat nan tiepene lap akan me kin wiawi nan Epreil oh Oakotohpe, ni ansou me kaun kan en Mwomwodiso wet kin mahsenieng kitail oh ketikiheng kitail kaweid kan me Kauno ketin kupwurki kitail en rong.

Kumwail iangehr rong kapihtiehn Koht sang rehn Sapwellime sounpapah kan nan tiepene lap? Kumwail iangehr kehn ma ehu iren mahsen kiheng kumwailehr pasapeng me kumwail kin raparapahki? Nan ehu pwuhk en nting, kumwail kak ntingiedi soahng kan me kumwail wehwehkihkier oh duwen eh seweseikumwail. Eri kumwail ahpw onopada rong kapihtiehn Kauno nan tiepene me kohkohdo sang ni amwail pahn ntingiedi kalelapak me kumwail ahneki oh kin onop irail ni ansou me kumwail kin onop pwuhk sarawi. Kapakap ong Sahmo Nanleng, peki kumwail en kak alehdi pasapeng kan oh marainkihla kaweid kan nan ansoun tiepene. Ni ansou me kumwail pahn rong sounpapah kan en Kauno, kumwail kainene amwail madamadau ong dahme kumwail pehm de kehnda. Dahme kumwail koledier? Ia mwomwen amwail kehn ineng en wekila? Ntingiedi pepehm kan me kumwail kehda pwe Ngehnohno me mahmahsenieng kumwail.

Tamataman ansou koaros me Samatail Nanleng poakohng kumwail oh pahn ketin kaweid kumwail ong nan ahl me pwungo. Ni amwail pahn song en rong Sapwellime mahsen sang rehn Sapwellime sounpapah kan, kumwail pahn alehdi kapai oh marainkihla.