Aiaiga Faavae Fou, Faagasologa, ma Fua

Autalavou ma galuega faalemalumalu. Na fofogaina mai e le Au Peresitene Sili ia suiga i aiaiga faavae o malumalu ua maua ai e alii talavou ma tamaitai talavou ia nisi avanoa e faia ai galuega faalemalumalu ma fesoasoani ai i tamaiti Peraimeri e sauni lelei ai e auauna atu i malumalu.

Puipuia, faailoa, ma le tali atu i sauaga. I se taumafaiga faifai pea e fautuaina ai taitai i le ala e puipuia ai, faailoa, ma tali atu i sauaga, i le aso 26 o Mati, 2018 na auina atu ai e le Au Peresitene Sili se tusi ma se pepa o faamatalaga i taitai o le Ekalesia i le Iunaite Setete ma Kanata. O lea pepa o faamatalaga o loo aofia ai taiala fou mo auala e tatau ona fautuaina ai e epikopo ma peresitene o siteki ia tagata e aafia fua i sauaga faalefeusuai ma le ala e tatau ona latou faafoea ai faatalanoaga ma tagata o le Ekalesia.

Suiga i tolauapiga a Tamaitai Talavou. O suiga i le polokalama o tolauapiga a Tamaitai Talavou o le Ekalesia, e aofia ai se taiala fou mo tolauapiga e tatau ona faamatuu atu i masina o i luma, e aofia ai le aveese o tusi faamaonia ma le faamamafaina o taitai o le autalavou.

Sa faapea ia ‘faaaoga i le lalolagi atoa” mo tamaitai talavou e nonofo i eria uma o le lalolagi, o le Taiala mo Tolauapiga a Tamaitai Talavou fou ua maua nei i le faaPeretania (ma o le a oo ina 23 gagana) e fai ma punaoa mo au peresitene o Tamaitai Talavou, o tagata faapitoa mo tolauapiga, ma taitai o tolauapiga a le autalavou i le youngwomen.lds.org.

Fatuga o musika e auina mai. O suiga i le taimi nei i fatuga o musika a le Ekalesia e auina mai, ua faigofie ai ma vave mo tagata o le au paia ona auina mai musika paia fou i le Ekalesia. E mafai ona auina mai musika i le apps.lds.org/artcomp.

Alaleo vitio o le “How To.” Ua faalauiloa mai e le Ekalesia se alaleo fou o le YouTube ua faaigoa o le “How To” e maua mai ai fesoasoani faigofie, faatino mo luitau moni o le olaga. Ua api faatasi o se “alaleo e tasi le tu mo le sailia o le fesoasoani e te faaaogaina pe a e manaomiaina,” o le alaleo o i ai nei e silia ma le 600 vitio ua faavasegaina i ni vaega se iva, e tofu ma le lisi o vitio e ta i ni autu fesootai eseese i le gagana Peretania, ma ni nai anotusi faaSipaniolo ma le faaPotukale. Siaki i le HowTo.lds.org.

Faaliliuga o tusitusiga paia. Ua fofogaina mai e le Ekalesia ni galuega faatino ua fuafua mo le faaliliuina o ni gagana faaopoopo e 24, faaopoopo i ai ma se faagasologa fou o le a mafai ai e tagata taitoatasi ona suesue ia vaega tauamata o faaliliuga a o lei lolomiina, o lona uiga o le a vave maua e tagata o le ekalesia ia tusitusiga paia ia latou gagana.