Mga Istorya sa Kasulatan
Si Jonas ug ang Balyena
Gikan sa Jonas 1–4.
Gisultihan sa Dios si Jonas sa pagmisyon. Paadtoon siya sa siyudad sa Ninive ug sultihan ang mga tawo sa paghinulsol. Apan si Jonas dili gustong moadto didto. Misakay siya og sakayan nga moadto sa lahi nga siyudad.
Grabe nga unos ang miabut. Ang mga marinero nangahadlok nga ang ilang sakayan malunod! Nasayud si Jonas nga ang Dios ang mipadala sa unos tungod kay mipalayo siya. Gisultihan niya ang mga marinero nga ilabay siya sa dagat aron mohunong ang unos.
Mipadala ang Dios og balyena sa pagluwas ni Jonas. Didto siya sa tiyan sa balyena sulod sa tulo ka adlaw. Nag-ampo si Jonah. Mihukom siya nga maghinulsol ug mosunod sa Dios. Gisultihan sa Dios ang balyena nga ibugwak si Jonas sa uga nga yuta.
Miadto si Jonah sa Ninive. Gitudloan niya ang mga tawo didto. Ug ang mga tawo sa Ninive naminaw! Nagsugod sila sa pagsunod og balik sa Dios.
Kon makapili ko og sayop, pwede ra kong maghinulsol ug mosulay pag-usab. Gipangga sa Dios si Jonas, ug gipangga ako sa Dios!