Kacivaka e Walu na Valetabu Vou, kei na Vakalesui mai ni Veigauna
Ena vakavoui na valetabu ni gauna vakapainia, e oka kina na Valetabu e Salt Lake, ka na tara vou e walu na valetabu.
E mai sogota o Peresitedi Russell M. Nelson na koniferedi raraba ni Epereli 2019 ena nona kacivaka e walu na valetabu vou kei na vakalesui mai ni va na valetabu ni gauna vakapainia, ka oka kina na itukutuku matailalai tale eso ni vakalesui mai ni Valetabu e Salt Lake City.
Na valetabu vou ena tara e Pago Pago, American Samoa; Okinawa City, Okinawa; Neiafu, Tonga; Tooele Valley, Utah; Moses Lake, Washington; San Pedro Sula, Honduras; Antofagasta, Chile; Budapest, Hungary.
Sa tiko na ituvatuva levu me vakalesui tale na Valetabu e Salt Lake ka na oka kina na vakavoui ni Rara ni Valetabu kei na veitabavale era tiko volekata na Valenivolavola ni Lotu e Salt Lake City, Utah, Amerika. Na valetabu talega e St. George, Manti, kei Logan, Utah, Amerika, era na vakavoui talega ena dua na gauna lekaleka mai oqo. “Na cakacaka oqo ena gadrevi me ra na sogo na valetabu yadua oqo,” e kaya o Peresitedi Nelson. “Era na rawa ni marautaka tikoga na lewe ni Lotu na sokalou kei na veiqaravi ena veivaletabu voleka. Ni sa vakacavari na cakacaka yadua oqori, ena vakatabui tale na valetabu ni veigauna e liu,”
Tekivu mai na gauna e Peresitedi kina ni Lotu ena Janueri 2018, sa kacivaka kina o Peresitedi Nelson e 27 na valetabu vou. Mai na koniferedi raraba ni Okotova 2018, era sa vakatabui na valetabu e Roma, Itali, Barranquilla, Colombia; kei Concepción, Chile.