Veika Vakasakiti mai nai ka 189 ni Koniferedi Raraba Vakayabaki
Era sa veisureti tikoga vakawasoma ena veigauna o ira na iliuliu ni Lotu era a vosa ena koniferedi raraba meda yaco—meda marau vakalevu cake, meda yalo savasava vakalevu cake, meda vakataka cake na iVakabula, ka meda vukei ira na tamata mera cakava vakakina.
Vakalevu cake, era cakava na veisau oqori me rawa sara vei keda yadua meda rawata rawa.
“E vinakata na Turaga vei ira kece na luvena me ra vakaivotavota ena veivakalougatataki tawamudu sa vakarautaki tu ena Nona valetabu,” a vakatavulica o Peresitedi Russell M. Nelson. “… Na kilikili ni tamata yadua me curuma na vale ni Turaga e gadrevi kina vakalevu na vakavakarau vakayalo ni tamata yadua. Ia, ena veivuke ni Turaga, e sega ni dua na ka e dredre.”
Kunei ni Marau kei na Yalo Savasava
Sa sureti keda yadua o Peresitedi Nelson meda na rawata na veivakalougatataki ni valetabu (raica na tabana e 120).
E vakamacalataka o Peresitedi Henry B. Eyring na isema e tiko ena kena toroi cake na yalo savasava kei na toroi cake na bula marau (raica na tabana e 100).
E vakavulica vei keda o Elder D. Todd Christofferson na sala meda kunea kina na “nodra reki na yalododonu” (raica na tabana e 15).
Na Veisureti meda Veilomani ka Veiwasei
A vakavulica o Peresitedi Nelson na bibi ni noda lomani ira na wekada ka vakamatatataka na cakacaka rabailevu ni veivukei vakakawatamata ni Lotu (raica na tabana e 96).
E vakamacalataka o Elder Dieter F. Uchtdorf na kaukauwa ni noda sureti ira na tamata mera “lako mai ka raica” (raica na tabana e 86).
A vakamacalataka o Sisita Cristina B. Franco na reki ni kena wasei na kosipeli (raica na tabana e 83).
Vaqaqacotaki na iTabagone
A vakaraitaka na parofita na veisau ki na isoqosoqo ni itabagone ni ra na vakauqeti kina na itabagone ena mataveiliutaki ni kuoramu kei na kalasi me ra tucake ka veiliutaki yani (raica na tabana e 38).
A vakaraitaka o Elder Quentin L. Cook na sala mena cakacaka kina na veiliutaki ni Matabete i Eroni (raica na tabana e 40).
A wasea o Sister Bonnie H. Cordon na veisau ki na isoqosoqo ni Goneyalewa (raica na tabana e 67).
Kena na Tara na Valetabu; Ni da Tarai Keda Cake
Sa mai kacivaka o Peresitedi Nelson e walu na valetabu vou ena gauna ni soqoni ni marama (raica na tabana e 120).
Ena yakavi ni Sigatabu, e vakatavulica o koya na sala meda rawa ni curu kina e valetabu ka a vakaraitaka talega na kena sa vakavoui na taro ni ivolatara ni valetabu (raica na tabana e 120).