Tafe atu ʻa e Vai Maʻá ki ha Kolo ʻi Tonga

Ne ‘i ai maʻu pē ha palopalema ʻi he vai ʻa e kolo ʻi Tonga ko Nakolo. Kuo laui taʻu ʻa e ʻikai feʻunga ʻenau vai inú.

ʻOku ʻikai lele houa ʻe 24 he ʻaho ʻa e maʻuʻanga vai ʻi he koló ko e tupu mei ha palopalema fakamīsini ʻa e mīsini pamu vaí.

Naʻe ōmai ʻa e kakai ʻo e koló ki he ʻapi siasi ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Nakoló ke maʻu ʻenau vaí.

Ne tōlalo ʻa e haisini fakatāutahá ko e ola ʻo e ʻikai ha vai maʻá, ʻo uesia ai e moʻui lelei fakalūkufua mo e tuʻunga lelei ʻo e koló.

Lolotonga e feinga ko ia ke fakaleleiʻi e palopalemá, ne hoko ha fakatamaki ʻo tō ʻa e mīsini pamú ʻi he luo vaítupú pea ne ʻikai lava e kakai ʻo e koló ke toe maʻu mai ia.

Ne tokoni leva e Ngaahi Kautaha Tokoni ʻOfa ʻa e Siasí ʻo foaki ange ha mīsini pamu vai fakaʻuhila, pea ʻi he taimi ní kuo houa 24 he ʻaho e tafe atu ʻa e vaí ʻi he kolo ko Nakoló.