Ataei ao te Roronrikirake: Moan Wakinan te Burokuraem n te Kawai ae Nakoraoi
Bonnie H. Cordon
Te Beretitenti ni Kabuta n te Bootaki n Ataeinnaine
Stephen W. Owen
Te Beretitenti Ni Kabuta Irouia Ataeinimwaane
Joy D. Jones
Beretitenti ni Kabuta n te Moanrinan
Taan kairiiri n te Ekaretia e tibwaia bwa a kanga kaaro ao uoote ni kona ni buokiia ataei n riki n aron te Tia Kamaiu.
Tao ko kukurei ke teutana te ingainga n taekan ana mwakuri korakora ae boou te Ekaretia—Ataei ao Roronrikirake—ko na bon karekea tabeua titiraki: “E na kanga ni buokiia au ataei?” “Ti na kanga ni karaoa aei?” “Tera tibwangau iai?”
Taan kairiiri n te Ekaretia a na katauraoi tabeua kaeka.
Bukin tera te Ekaretia e karaoa te bitaki aei?
Titita Bonnie H. Cordon: Ngke Beretitenti Russell M. Nelson e reirei, ngaira ni kabane ti kainanoia ni karikirakea ara kona ni karekea te kaotioti.1 Ataei ao te Roronrikirake a kabaeaki ni kaoiia tatabeman ao utu n ukora te kairi n Tamnei n aroia n rikirake ao ni kunea te kimwareirei iaon kawain te berita. Bon te katooto ae tamaroa bwa tera ana nonoori te burabeti ibukira n tatabemaniira nako.
Tari Stephen W. Owen: Beretitenti Nelson e bon reireiniira naba bwa bon ngaira te Ekaretia are ti katuruturu-n te mweenga, e ngae ngke tera taraan mweengara.2 Tiaki te Ekaretia ae boboto-n te burokukaraem. Taan kairiiri n te Ekaretia ao taan reirei a kona ni buokiia ara ataei n reiakin ao ni maiuakina te reirei, ma te katabeaki anne e moanaki inanon te mweenga, ao bon te katabeaki ae katoa bong.
Ngkai e a tia te burabeti n reireiia, ti riai ni ukora te kaotioti ao n iriira te Tamnei, ao Ataei ao Roronrikirake a na buokiira ni karaoa anne—ibukina mwakorona e bon beebete nakon burokuraem ake mai mwaina ake ti iriiria. N taai aika nako, iai tebubua bwaai aika a kainanoaki ibukiia kaaro n ririmwin ao n oota n Rikirakeia i bon Irouiia, Beku ibukin te Atua, Onimaki iroun te Atua, ao tabeua burokuraem n te Ekaretia n aron rikirakeia aia ataei n rinanon aia ririki ae tebwi tabun. Te waaki ae boou aei e kaoiia roronrikirake ao ataei ni ukora te kairi mairoun te tamnei ngkai a katei aia kouru ni kaineti nakon kainanoia ao nanoia.
Titita Joy D. Jones: Aio te tai ae kakukurei ibukiia ara ataei ao te roronrikirake, ataei aika uarereke, ni kamatoa aia onimaki iroun Iesu Kristo. Ngkai a reiakinna ni ukora ao kaeka nakon ana kairi te Tamnei ae Raoiroi, e na tamaroa ootaia ibukin kinakiia ae akea tokina ao bukina ao bwa a na kanga ni kona karikirakeaia ao namakina ana tangira Tamaia are i Karawa ibukiia. Ataei ao Roronrikirake a kona ni kakabwaiaki ao kakorakoraki ara roronrikirake ao aia utu ni katea ao n tabeakina te iraorao inanon mweengaia, n te ekaretia, ao ma Tamaia are i Karawa.
Tera te moan bwai are ana kona utu n anai ni moana buokakiia Ataei ao Kairake?
Titita Jones: Tataro n ikotaki ibukin ana kairi te Tamnei. A kona kaaro ni moanna man te marooro ma aia utu n taekan tenua iteran te bubuti inanon Ataei ao Roronrikirake: reiakinan te euangkerio, ibuobuoki ao waaki ni kakukurei, ao karikirakeam i bon iroum. Tera ae a waakinna ni karaoi? A na kanga ni rikirake n aroia n tatabeman ao n aroia n te utu inanon tenua itera aikai? E na kanga aron katuruturuan am iango iaon Ruka 2:52 n ibuobuiki ni kairi aia baire ao katean te kouru n uringa ao n iriira te Tia Kamaiu? Bon te tai ae tamaroa ni kakorakorakiia kairake, mweenga, ao utu ni kawai aika beebete, n ti tetikina, ao kawai aika nano.
Titita Cordon: Ti moanna teutana imwin teutana. Karaoan bwaai ake e na kaira te aomata ni karaoi berita aika tabu bon ti karaoan te mwakuri ae teimatoa man rikirake. Karaoa te kouru teuana. Moanna n arona ae etiraoi. Booki ni kairi ibukiia kairake ao ataei e na anganiira tamaroan te baeten n iriiria.
Tari Owen: Ti riai n aki karaoia bwa e na rangi ni kaangaanga. Aio e bon rang beebete. Wareka Ruka 2:52. Moanna ikekei. Te karo e kona ngkanne ni kabanea ana tai ma aia ataei ke kairake n te mweenga ao ni marooroakina taekana. “Ti na kanga ni buokiiko n rikirake inanon te rabakau ao n ikawai ao ma n akoaki iroun te Atua ama aomata?” “Tera ae ti kona n reiakinna ke ni karaoia n ikotaki?” “Tera te kouru ae kona ni kateia?” Ti kabeebetea karaoana.
Ngkana iai te bwai teuana ko tangiriia ataei ao te roronrikirake n ataia bwa e a waaki kabonganakina irouia aomata nako, tera te bwai anne?
Titita Cordon: Aio bon te tai ae kamiimi ni rikirake n te kawai naba are e karaoia te Tia Kamaiu! Ngkana a warenako ara iango, “Tera ae I kabanea au iango iaona?” ti kona n uringnga bwa ti a kaman tia ni karaoi bwaai aika a mwaiti n riki n ai Arona. Reiakinan te euangkerio e riki inanon mweenga aika mwaiti ao n te ekaretia. Ti karaoa te ibuobuoki ao n iriiri waaki ni kakukurei. Te mwakuri ae boou aei bon te kawai ae beebete ibukira bwa ti na kabanei ara iango iaon bwaai aikai ma bukina ae riai ao ni bukintaeka iaon bwaai ake ti reiakin—ao ni kabanei ara iango n te rikirake anne inanon aua iterana are e ikawairake iai te Tia Kamaiu: n te maiu n tamnei, kinaaki, rabwata, ao rabakau (taraa Ruka 2:52). Aio are e na uota te kimwareirei, te rau ao te kukurei ae aki toki nakoira ni kabane ngkana ti iriira te Tia Kamaiu!
Titita Jones: Te rikirake e bon katuruturuaki iaon te Tia Kamaiu, boboto inanon te utu, ao ni boutokaaki iroun te Ekaretia. Aio e bon beebete karaoana ao anuara i bon iroura ni karaoia ngkai ti katoki kabonganakin buroukuram ake rimoa. Te rikirake e na roko irouia n tatabemaniia. Au kantaninga bwa ataei, te roronrikirake, taan kairiiri, ao aia utu a na oota bwa bon te kona n tokanikai, te nano ni bitaki ibukiia natin Tamara are i Karawa ni kabane ni kabutaa te aonaaba n rikirake n ikotaki ao n taneiai n teimatoa ni kimwareirei iaon kawain te berita ae tabu. Aio tiaki te bitaki ae bubura ke te kangaanga n reiakina ae boou. Bon karaoan ae mwaiti riki n te bwai are ti a kaman tia ni karaoia, ngkai ti kairaki iroun te Tamnei, bwa e aonga ara mwakuri korakora ni kona ni karababa ara konabwai n tatangira ao ni kakaonimaki n iriira te Tia Kamaiu.
Bukin tera e kakaawaki ibukiia te roronrikirake ao ataei nikarikirakeia n ai aron te Tia Kamaiu?
Titita Jones: Te moan ao ae moan kakawaki, a tia ni karaoa te berita aika tabu bwa ana Iriiria n taainako. A tia ni karaoi berita aika tabu “n tei bwa taan kakoaua ibukin te Atua n taainako ao ni bwaai nako, n taabo nako” (Motiaea 18:9). Ngaia ae a kainanoia n rikirake n aron ae E karaoia: maiu n tamnei, kinaaki, rabwata, rabakau. Aia berita tiaki bon tii bukina ma a riai n tia ni karaoia, ma a karekea naba te kariaiakaki konabwai ni buokiia ni katiai aia kouru.
Tari Owen: Bwaninin oin maiura bon iriiran ao n riki n ai aron Tamara are i Karawa ao Natina, Iesu Kristo. Ti tangiria ni kan riki n ai Aroia. Ti moana rereiakinan aio ngke ti kairake, ngaia are ti karekei baeten ni karokoa tokin maiura. Ao ti bon iriira raoi te Tia Kamaiu ngkana ti karaoi bwaai ake E karaoi.
Titita Cordon: Te Tia Kamaiu bon ara banna ni katooto iaon bwaai ni kabane. Ti kamatebwaia Maiuna ao ana mition ao ana reirei ibukina bwa bon Ngaia bwaai ni kabane ae ti kantaningaia bwa tina katotonga. Ma ngkai ngaira n tatabemaniira nako ti bon onoti, ao iai iroura n tatabemaniira nako te anua ni maiu ao n rabakau are ti kainanoia ni karikirakea n riki n ai Arona. Te waaki ae boou aei e anganiia ataei ao te roronrikirake aia tai n taneiai n rikirake inanon kawai aika onoti aikanne, n karikirakea aia bwaintangira n tatabemaniia, ao ni kinai bwaai akanne are a na namakinna ni karaoia bwa a na riki n ai aron te Tia Kamaiu. Anne are e riki iroun temanna ma temanna. Akea te tiekiriti ae karaoaki. Kouru aika ti karaoi ni waaki nako iaon kawain te berita e na kaokoro, ma ti na bane n reiakin ao n rikirake ao ni kaan riki nakon ara Tia Kamaiu.
Tera am kantaninga n te bwai ae ana namakinna ataei ao te roronrikirakengkana a iria?
Titita Cordon: Au kantaninga a na karekea te atatai ae nano man kinakiia ae akea tokina ao n namakinna bwa boni kaaina ngaia. Ngkana ti ataia bwa antai ngaira ao antai ae ti a tia ni karaoi berita aika tabu ma ngaia, e na kaokoro arora ni mwakuri. A na reiakinna ni kinaa bwa tera ae a taekinna taabo ni kareke rongorongo bwa aki koaua, ibukina a tia ni karekea te taneiai n aron te Tamnei n taetae nakoia. A na karekea te koaua raoi irouiia ao inanon aia konabwai ae mairoun te Atua ngkai natin te Atua aine ao mwaane.
Titita Jones: Ti tangiriia bwa a na namakina te onimaki ao te kantaninga iroun Iesu Kristo, n namakina te rau are e roko man kawakinan tuua, n taneiai n te iraorao ae marurung, n reiakina te tokanikai, n namakina te kimwareirei n ibuobuoki nakoia tabeman, ao n namakina te kukurei ao kakoroan bukin irakin te mwakuri ni kamaiu.
Tari Owen: Au kantaninga bwa ataei a na oota n te euangkerio n te kawai are a na waaki man aia konabwai ni kona n oota n te burokuraem nakon karekan tangiran te buroukuraem . Aio tiaki taekan katiaan mwakuri. Bon waakinan te reiakinaki ao n riki n ai aron te Tia Kamaiu. N na rangi ni kantaningaia bwa ara ataei ao koraki ake ti buokiia bwa a na namakina te koaua inanon ootaia n te euangkerio n reirei nakoia tabeman. Ibukin te katooto, N na kantaningaia bwa ti na kona n titirakiniia ara ataei te titiraki n taekan te euangkerio ao ti na ongora te kaeka ae rangi ni kakukurei ibukina bwa a tia n reiakinna ao bon mwakoron ae antai ngaiia.
A na kanga kaaro n ataia ngkana Ataei ao Kairake a waaki raoi inanon mweengaia?
Tari Owen: N na riai ni kakaai uaan te Tamnei are e taekinaki n I-Karatia 5, n aron te rau ae raka inanon te mweenga. N au iango aia karo ataei a na raka riki aia akoi, n raka riki aia tangira. Natiia a na tangiria n tiku ma te utu. A na tangira riki te tataro n ukora te kaeka.A na noora te nakoraoi tiaki ti n te maiu n tamnei ma n te kinaaki, rabwata, ao n rabakau naba.
Titita Jones: A na ataia ae e nakoraoi ngkai a kakorakoraaki reitaki, ngkai kaain te utu a rinanon te katamaroa aika koaua ao n teimatoa ni kataia e ngae ngke a korakai, ngkai a kaota te iwawaaki ni boutoka ao tabeakiniia bon imarenaia, ao n aron ana kairoro te Tamnei ae Raoiroi e bon ukoraki imwiina ao n roko inanon mweengaia. Kaain te utu a na bae n noora te reitaki ae itiaki imarenan te bwai ae a karaoia ni katoa bong ao maiun Kristo. Tao e na bon iai te kakaitau ae korakora n te rinerine ao te rairannano, tamaroananua, rikiraken onimakinam, mwakuri korakora n anga nako, nakon te aki anga, ao te kakaitau ae korakora ibukin te Tia Kamaiu, Maiuna, Ana reirei, Ana banna ni katooto, ao Ana Mwakuri ni Kamaiu.
Tera te reirei are ko na anga nakoia kaaro ake a riai n namakina teutana te ingainga n taekan katinanikuan ana buroukuraem te Ekaretia ake mai mwaina?
Titita Cordon: Eng ti tangiri buroukuraem ake mai mwaina, ibukina ngaira n tatabemaniira nako ti rikirake ao ni karekea te tai n nooriia tabeman n rikirake inanon buroukuraem akanne. A kaungaaki n aia tai. Ma ti aki kakaitau ibukin reitinakon te kaotioti? Te Uea e kainanoira n reitinako n rikirake ao ni bitaki, ao E kiainanoi ara buroukuraem n rikirake ao ni bitaki ni kona ni buoka kainnanoia membwa ni kabuta te aonaaba. Ti aki toki ni kekeiaki n tamaroa ao n riki bwa te Ekaretia ao aomata are Tamara are i Karawa e ataia ao e kainanoira n riki n nako iai.
Titita Jones: Ti a tia n rangin ni kakabwaiakaki man buroukuraem ake mai imwaina ao ni kona ni kakaitau ibukin bwaai ni kabane ake ti a tia n reiakin ao n rinanona. Aio bon te tai ae tamaroa ae boou n te rongorongo, ao bon te tai ni ukora ana kairi te Uea n reiakinna ao n rikirake inanon kawai aika boou ao kawai aika kaungaaki.
A kanga taan kairiiri ni buokiia ataei ao te roronrikirake n rikirake inanon rikirakem i bon iroum?
Tari Owen: Te moan ni bwai, I taku bwa te tia kairiiri irouia ikawai e kainanoia n noora te ataei anne ke te ataeinimwaane ke te ataeinnaine n te kawai ae ti te arona ma are e iangoia te Atua, nanona bwa antai te aomata anne ni kona n riki iai, tiaki tii bwa antai ngaiia ngkai. Mai moana, ko na riai ni iangoa taekana bwa tera ae ko a kaman tangiria ni karaoia bwa e na tia. Karekea te taratara ae abwabwaki. Aio e na bon kana te tai. Taraia bwa tera ae a na kona n riki nako iai ataei ao kairake aikai. Karikirakea ae tau man te iraorao ngkana ko kainanoia n taetae nakon te roronrikirake, a karineko n ae tau n ongora.
Naba, karekea kinakiia kaaro. Kakaea mai irouiia bwa ko na kanga ni buokiia. Karinea nakoaia ni kaaro.
Titita Jones: Moanrinan akea aia kainibaire n te kooram ao te beretitentii n te kiraati are iai irouiia Ataeinimwaane ao Ataeinnaine. Taan kairiiri ao taan reirei n te moanrinan, n raonakima tariu ao mwaneu n te mwakuri n ibuobuoki, a katauraoa te ibuobuoki ibukiia ataei ake akea irouia te boutoka n te euangkerio inanon mweengaia. E bon kakaawaki, e ngae n anne, are ti aki toki n karinea te reitaki imarenaia ataei, te roronrikirake, ao aia karo, e ngae ngke aekakira aron mweengaia. Ataei ao te Roronrikirake a kona ni katauraoa te kawai ni kaoa te utu ae bwanin bwa a na Roko, n noria ao n roko ao n ibuobuoki. E na kona n nanonaki bwa kakorakoraan te utu ae bwanin, e ngae ngke tao ngaiia ke tiaki membwa n Ana Ekaretia Iesu Kristo ibukiia aika Itiaki ni Boong aika Kaitira.
Titita Cordon: Iai ara ataei ao ara roronrikirake aika mwaiti ake akea aia karo n te taromauri n te Tabati ma bon iai aia karo aika tangira. N na bon kaungaiia taan kairiiri ni karekea kinakiia kaaro ao ni kakaea bwa tera miia ao nanoia are a tangiria ibukiia natiia. Ti kona n ibuobuoki. Ngkana ti mwakuri n ikotaki ma kaaro, ti na kakorakoraia n tatabeman ao mweengaia ao ni kaungaiia naba ataei ao te roronrikirake ni kakorakorai mweengaia n tatabemaniia nako.
Tera ae ko na taekinna nakoia kaaro ake a riaon aia kona ake a maaku bwa aki kona ni buokiia aia ataei n tokanikai inanon Ataei ao te Roronrikirake?
Titita Cordon: Te bwai ae bubura ngkai bwa ti a tia ni karaoi angiina mai iai. Utu a kaman reiakina te euangkerio n ikotaki. Ti a tia ni kaman karaoi mwakuri n ibuobuoki ao waaki ni kakukurei. Ti a tia n taainako ni karekea te rikirake ni mwakuri i bon iroum; ngkai ti a kabanea ara iango iaon kawai are e ikawairake iai te Kristo.
Ngkana ti tekateka ma ara ataei, I taku bwa ti na bon rang kukurei iai. Ko kona n ti ongora nakon ae a tangiria am ataei n te kawai ae bwainaki, ao n tataneiai te aba iai. Tamara are i Karawa e tangira am ataei bwa ana rikirake, kakaea te kimwareirei, ao n oki ni maeka ma Ngaia. Ko na namakina te Tamnei ae Raoiroi ni kairiko ngkai ngkami ni kabane kama kataia ni karaoa te euangkerio ao ara Tia Kamaiu Iesu Kristo bwa mwakoron maium.
Titita Jones: Moanna ma te bwai ae mwakuri raoi ibukiia am utu. Onimaki bwa ko na karekea te buoka mai karawa. Ukora ana kairi te Tamnei. Ataei ao te Roronrikirake a na riki bwa bwaai ni mwakuri aika kakawaki irouiia kaaro. A mwaiti bubuti iaoia kaaro ni boong aikai ngkai a kairaki ao tabeakiniia aia utu. E bon beebete nakoia n tabetai n namakina ae riaon rawawataia. Ataei ao te Roronrikirake a na buokiia kaaro ni kabanea aia iango iaon te bwai ae riai man are e kakaawaki. Buokiia ara utu n reiakinna bwa a kanga n iriira te Tia Kamaiu rinanon ana kairi te Tamnei ae Raoiroi e kakaawaki ibukira ni kabane ao e na uota ana tangira ao ana kakabwaia te Uea.
Tari Owen: I taku bwa ko na bon kona ni buokiia am ataei ao te rororikirake. Ko na aki karaoa tabeua bwaai aika raraoi. Te bwai ae rang kakaawaki te kakaonimaki ao n tataromwaaka ni karaoi tabeua katei aika tabu ao kairan te mwakuri aika etieti inanon am utu. Moanna ma tabeua mai nano, beebete, katei aika etieti, ao ko na noori kakai n riki inanon maiuiia am ataei.