Tamnei

Eldon

Tamnei iroun Randy Collier

I rangin tangiria n ira Ataei ao te Roronrkirake ibukina bwa I kona ni katea oin au kouru ao I kakoroa bukina.

Bwa teuana au kouru, I rineia bwa N na kakaai araia au utu ao ni karaoa te bwabetito ibukiia maate n tei ibukiia. E mwaiti te mwakuri ae I reiakinna n aron karaoan rongorongoia au utu, ma I namakina te kukurei ni katoa te tai are I kunea te ara ae boou are I uotia nakon te tembora.

N te tai are e reke tangirana, I bon reitinako n nanako ibukina bwa e kaunga. N te tai ae waekoa I karekei aara aika a mwaiti ake I karaoi n ti ngai. Ngaia are a mwaiti ai tariu ma mwaneu are ti a bane n nakon te tembora ma aara ake ti kunei, ao n ikotaki ti karaoi bwabetito ao kamatoa ibukiia 172 aomata.

Au karo a mwakuri ni kananei nikiran otenanti n te tembora ibukiia aomata akanne, are e bon tamaroa ibukina bwa I namakinna bwa au utu ae bwanin a bane n rin n te tiim! Ara kouru bwa tina buokiia ara bakatibu ae mwaiti are ti kona.

Karaoan te kateiriki e a tia ni buokai ni kaniiai riki nakoia au utu aika a maiu ao au bakatibu. I kukurei bwa e koro bukin au kouru, ao ngkai I kantaningaia bwa N na karaoa te kakaewenako ae kangaanga riki bwa I aonga ni kakoroi bukin riki ae mwaiti.

Eldon M., ana ririki 13, Ohio, USA