Unsay Atong Makat-unan gikan sa Pasumbingay sa Kahoy nga Oliba?

Imahe

What Can We Learn from the Allegory of the Olive Tree

Diha sa pasumbingay sa kahoy nga oliba, ang agalon sa ubasan nakakita sa iyang kahoy nga oliba nga anaa sa kahimtang sa pagkadunot ug miingon, “Ako mopul-ong [sa kahoy], ug mokalot libut niini, ug moalima niini” (Jacob 5:4).

• Ang pagpul-ong motangtang sa patayng mga sanga ug sa dili maayong bunga sa kahoy. Ang agalon moputol sa mga patay nga sanga ug motambug niini sa kalayo (tan-awa sa Jacob 5:9). Sa unsang paagi ang Dios motabang kanato nga “mopul-ong” sa atong mga sala sa kinabuhi ug sa mga kahuyang?

• Ang pagkalot naglakip sa paghawan sa mga babag, sama sa mga sagbut, nga naglibut sa usa ka kahoy. Ang pagkalot nagsiguro nga walay makapugong sa katakus sa kahoy sa pagtubo. Unsang mga babag ang makapugong kanato sa paglambo sa espirituhanong paagi?

• Ang pag-alima maghimo sa kahoy nga himsog pinaagi sa paghatag sa mineral ug ubang mga sustansya. Sama sa mga kahoy, ang atong mga espiritu nagkinahanglan og pag-alima. Unsaon man nato sa pag-alima ang atong espiritu?

Sa tibuok nga pasumbingay, ang agalon ug ang iyang sulugoon mibisita sa ubasan sa daghang higayon (tan-awa sa Jacob 5:15–18, 29–32, 37–42). Sa matag higayon, ang proseso sa pagpul-ong, pagkalot, ug pag-alima balik-balikon.

Ang agalon sa ubasan nagrepresentar kang Jesukristo. Ang kahoy ug ang mga sanga nagrepresentar sa Iyang katawhan. Kini nga sambingay mas labaw pa kay sa usa ka sugilanon mahitungod sa mga kahoy ug sa bunga. Usa kini ka gamhanang saksi sa pagpangilabut sa Dios diha sa kinabuhi sa Iyang mga anak ug sa misyon sa Manluluwas ug sa Iyang gugma alang sa tanang katawhan.