Feiā ’Āpī
Hōho’a nā Leslie Nilsson.
E ta’ata fa’afāriuhia vau i roto i te ’Ēkālesia. Hō’ē o te mau mea tā’u i au nā mua roa, ’o te mau fa’a’oa’oara’a ïa a te feiā ’āpī. Tae roa mai i teienei, e mea au nā’u ’ia haere i rotopū i te mau hoa o te ’Ēkālesia e mau peu ’ārearea maita’i tā rātou. E mea au ta’a ’ē nā’u ’ia haere i te hiero nō Suva Fiji nā muri iho ia rātou i te mau hepetoma ato’a.
I Fiji e mea pūai roa te umera’a a te mau hoa. ’Aita te mau fare toa e ani pinepine i te parau iho ta’ata nō te ho’o i te ava, te ’ava’ava, ’e tē vai atu ra. E ho’o te mau tamari’i i te reira i te mau taime ato’a. E mea fifi roa nō te mā’iti i te maita’i.
Hō’ē o te mau mea e tāpe’a nei iā’u ’ia vai pūai noa, ’o tō’u ïa mau taea’e ’e mau tuahine. ’O vau te matahiapo, nō reira, tē feruri nei au ia rātou i te mau taime ato’a e fa’ahemahia vau ’ia rave i te hō’ē mea hape. ’Aita vau e hina’aro ’ia rave rātou i te mau fa’aotira’a ’ino nō tō rātou ’itera’a iā’u ’ia rave i te hō’ē mea nā mua. Hou te pohera’a o tō’u māmā, ’ua ani ’oia iā’u ’ia fafau e ha’apa’o vau i tō’u mau taea’e ’e mau tuahine, ’e ’ia pārahi au i pīha’i iho ia rātou i te mau taime ato’a.
Tae mai i teie taime, ’o vau ana’e te melo o te ’Ēkālesia i rotopū i tō’u mau taea’e ’e mau tuahine. Terā rā, tē pure nei au nō rātou i te mau mahana ato’a. Tē ha’amāuruuru nei au i te Metua i te ao ra nō te hōro’ara’a ia rātou hō’ē atu mahana nō te ora, ’e tē pure nei au ’ia fāri’i rātou i te ’ite o te ’evanelia. Nā rātou e tāpe’a nei iā’u ’ia pūai noa vau.
Mikayla J., 17 matahiti, Fiji