Судрын түүх
Итгэлтэй хүмүүс Есүсийг дагасан
Энэ талаар 3 Нифай 17-оос 4 Нифай 1 хүртэл уншина уу.
Зураг чимэглэлийг Април Стотт
Есүс нифайчууд дээр айлчлахдаа баптисмын талаар мөн ариун ёслолоос хэрхэн хүртэх тухай тэдэнд заасан. Тэрээр Өөрийн Сүмийг байгуулсан юм.
Есүс хүүхдүүдийг нэг бүрчлэн адислав. Тэнгэр элчүүд ч ирсэн байв! Есүс хүмүүсийг эдгээж, тэдний төлөө залбирсан. Үүний дараа Тэрээр тэнгэр өөд явсан юм.
Есүсийг явсны дараа хүмүүс Түүний зааж сургасан зүйлсийг дагаж байлаа. Бүгд хамтдаа ажиллаж, байгаа бүхнээ хуваалцаж байсан ба ядуу хүмүүс байсангүй. Сүмийн удирдагчид өвчтэй хүмүүсийг адисалж байв.
Арцалдан тэмцэлдэхийн оронд хүмүүс эвтэй найртай байхыг сонгож байлаа. Хүн бүр Бурханы зарлигуудыг дуулгавартай дагадаг байв. Иймээс тэд олон жил аз жаргалтай байж чаджээ!
Бурханы зарлигуудыг дуулгавартай дагах юм бол миний амьдрал илүү аз жаргалтай байх болно. Би өөрт байгаа зүйлсийг бусадтай хуваалцаж чадна. Би эвтэй байхад хүмүүст тусалж чадна. ●