O Peso o le Sefuluai
E alaala le tusitala i Chihuahua, Mekisiko.
Sa alapo Sofia. O le asō o se aso faapitoa tele. E alu o ia e faatau vaitipolo i mea faatau atu i le faletaavale a le uso o lona tina ma lona toalua! Sa fai e lona tina se sioki telē o le vaitipolo mo ia.
Sa fai e Sofia se faailo. Sa ia tusia le “Vaitipolo” i mataitusi lanumoli ma le samasama. Sa ia faapipiiina i se tamai laulau. Ona ia saofai lea i lalo e faatalitali.
E lei pine ae sau se tamaloa. “E mafai ona aumai sa’u ipuvai?” na ia fesili atu ai. Sa ia tuuina ni nai peso i lana fagu.
“Ioe!” Na fai atu ai Sofia. Sa ia ligiina se ipu vaitipolo ma ia.
Sa gasolosolo mai tagata e matamata i mea sa faatau i le faletaavale. Sa gasolosolo mai foi ma faatau le vaitipolo manaia. Sa mou fiafia atu le taeao. E lei umi ae uma le vaitipolo.
Na lūlū e Sofia lana fagu. Sa tatagi ia peso. Sa matuai tele lava ana peso!
“Ta’i Lelei!” Na fai atu ai Papa.
Sa lei tele muamua ni tupe a Sofia. “O le a ou faatauina se yo-yo!”
Sa ataata Papa. “E te iloa le mea ma te faia ma Mama pe a maua ni ma tupe?”
Na lūlū lona ulu.
“Ma te totogia le sefuluai,” na fai atu ai Papa. “Na aumai e le Tama Faalelagi ia i tatou mea uma. Ua Ia poloai mai e toe avatu ia te Ia sina vaega itiiti. Ma te totogia sefuluai aua ma te alolofa ia te Ia.”
Sa ataata Sofia. Sa manao o ia e faaali atu i le Tama Faalelagi e alofa foi o ia ia te Ia.
Sa fesoasoani Papa ia Sofia e faitau ana peso. O taimi uma na te faitau ai i le 10, na te tuuina ai se peso se tasi i totonu o se teutusi. Sa fesoasoani Papa ia te ia e tusi ia fuainumera i luga o se tamai fasipepa paepae. Sa la tuuina le pepa i totonu o le teutusi faatasi ma peso. Ona la tapunia ai lea ma faamau. O le a tuuina atu e Sofia i le epikopo a taeao i le lotu.
“O a ni ou lagona?” Sa fesili atu ai Papa ia Sofia.
“Ua matuai ou fiafia lava! A o lea lava e i ai a’u tupe mo le yo-yo.” Sa ia lagonaina ua fiafia le Tama Faalelagi i lana filifiliga.