Puipuia Mai le Sauaina

Ata

silhouette of girl

I sootaga manuia, e faatoese tagata ona o a latou upu ma faatinoga agaleaga ma faalagolago i le malosiaga togiola a lo tatou Faaola e fesoasoani ia i latou ia faaleleia ma salamo. Ae i tulaga e le manuia, e faaauau ai lava e tagata ona taulimaina isi ma le agaleaga, ma e mafai ona avea na fegalegaleaiga ma tulaga sauaina.

[O le sauaina ma isi] faiga faatiga faapena e leai se avanoa i le malo o le Atua,” na aoao mai ai Peresitene Russell M. Nelson (“O Oa Faaleagaga,” konafesi aoao Oketopa 2019). O le tele o tusiga o le mekasini a le Ekalesia i lenei masina o le a fesoasoani ia i tatou ia iloa ma taulima le sauaina:

I la’u tusiga o i le itulau 18, o loo ou talanoa ai i uiga o le sauaina ma faailoa ai nisi o punaoa e fesoasoani ai ia te oe po o tagata e te silafia ia iloaina ma faamaloloina mai fegalegaleaiga faatautala.
I le itulau e 58 o loo faasoa mai ai e se teineitiiti talavou lona aafiaga i le sauaina faalefeusuai a o laitiiti ma le auala na mafai ai ona maua le lototoa ma le malosi e tautala ai ma sailia se fesoasoani mai tagata matutua faalagolagoina ma le Faaola.
I le Uo o lenei masina, i le itulau U12, e mafai ona e maua ai se gaoioiga tusitusi e fesoasoani ai e talanoaina ma lau fanau le “fai atu e leai.” Mafaufau e faaaoga le gaoioiga lenei e fai ma faavae o se lesona i se afiafi faaleaiga e uiga i le puipuia mai le sauaina.
O le sauaina faalelagona e mafai ona matuai leaga e pei foi o isi ituaiga o sauaga. Faitau le “Iloaina o Sauaga Faalelagona” i le lomiga faaeletonika o lenei lomiga e aoao ai i faailoilo lapata’i e lima ma le auala e maua ai se fesoasoani.

Afai na e tiga, e mafai ona e liliu atu i le Atua mo se taitaiga ma se faamalologa ma sailia foi se fesoasoani mai tagata faatuatuaina. E malamalama le Alii i mea o loo tatou lagonaina, ma o le a Ia taialaina i tatou i le saogalemu ma le olioli a o tatou liliu atu ia te Ia.

Talosia ia tatou tofu lagonaina uma le alofa o le Atua ma aapa atu ia te Ia i aso uma.

Jason Whiting, PhD

Aoga o le Olaga Faaleaiga a le Iunivesite a Polika Iaga