“?Olsem wanem nao mi save winim filing ia blong stap miwan?”

Mi stap winim ol filing blong stap miwan taem mi stap developem ol talen blong mi, i nomata se i blong plei wan miusik tul, wan samting we mi laekem blong mekem o wan nara samting moa. Hemia i help blong karemaot yu long ol filing ia blong stap yuwan, mo plante taem, bae mi mekem filing ia i go lus evriwan. Hemia bae i lidim yu tu blong faenem ol nara pipol we oli serem ol sem intres ia.

Mi lukaotem sapot, ol gudfala toktok o tingting, mo lav blong Papa long Heven mo Tabu Spirit blong Tufala i givim mi pis, hop, mo paoa taem mi stap kwaet blong tingting longtaem, stap prea, mo stap ridim ol skripja. Olsem we oli talem long 3 Nifae 11:11, Jisas Kraes i “laet mo laef blong wol ia.” Hem i kam blong ronemaot evri tudak.

Taem mi filim se mi stap miwan, mi laekem blong go luk ol fren mo ol famli blong mi; hem i rili mekem mi mi filim hapi. Mi lukluk long ol blesing insaed long laef blong mi, mo !mi talem tangkyu long Papa long Heven from hamas Hem i bin givim finis long mi!

Mi save se tru long plan blong God, yumi evri samting, be yumi no stap yumiwan. Tabu Spirit i oltaem stap wetem yumi, mo God i save wanem we yumi gat hadtaem wetem. Lod i bin gotru long evri tes mo evri hadtaem we yu yu stap fesem. Wan long ol impoten samting we yumi stap filim long wol ia i hapines; be yumi no save gat hapines sapos yumi no save filim se yumi no hapi (luk long 2 Nifae 2:11). Prea long God mo askem help; bambae Hem i no save mestem eniwan long yumi.

Blong mi lego hom blong go long Brasil from misin blong mi, i bin had. !Mi no save toktok gud lanwis ia nomo! Be mi bin lanem se sapos yu gat Spirit blong Lod wetem yu, bambae yu neva filim se yu stap yuwan. Hem i save yu mo oltaem bae i helpem yu. !Trastem Hem!