Sau, Mulimuli Mai ia te A’u: Tusi a Mamona
O a ni mea ua aoao mai e perofeta o le Tusi a Mamona ia i tatou e uiga i le Kerisimasi?
Kerisimasi
(21-27 Tesema)
A o e faitau i mau nei, o le a se mea ua aoao mai e perofeta taitasi ia i tatou e uiga i le soifua mai o le Faaola? Mafaufau e tusi faamaumau ou manatu pe faasoa atu i lou aiga.
Nifae, (pe tusa o le 600 TLM)
“Sa ou vaaia ai se taupou … ua sapasapaia e ia se tamameamea i ona lima. Ma sa fetalai mai le agelu ia te a’u: Faauta i le Tamai Mamoe a le Atua, ioe, o le Alo lava o le Tama Faavavau!” (tagai i le 1 Nifae 11:13–33).
Apinati (pe tusa o le 148 TLM)
“[O] perofeta uma … talu mai le amataga o le lalolagi—… latou te lei fai mai ea o le a afio mai le Atua lava ia i lalo i totonu o le fanauga a tagata … ?” (tagai i le Mosaea 13:33–35).
Tupu o Peniamina (pe tusa o le 124 TLM)
“[O] le Alii … o le a afio mai … i totonu o le fanauga a tagata, … ma o le a ta’ua o ia o Iesu Keriso, o le Alo o le Atua, … ma o lona tinā o le a ta’ua o Maria” (tagai i le Mosaea 3:5–11).
Alema le Itiiti (pe tusa o le 83 TLM)
“O le a fanau mai o ia ia Maria, … o le Alo lava o le Atua” (tagai i le Alema 7:7–13).
Samuelu le sa Lamana (pe tusa o le 6 TLM)
“Toe lima ni tausaga, ma faauta, ona afio mai ai lea o le Alo o le Atua” (tagai i le Helamana 14:1–13).
Nifae, le atalii o Helamana (pe tusa o le 1 TA)
“Sa oo mai le siufofoga o le Alii ia te ia, ua fetalai mai: … o taeao ou te alu atu ai i le lalolagi” (tagai i le 3 Nifae 1:4–22).