“Tempelwerk,” Liahona, Oktober 2021
Maandelikse Liahona-boodskap, Oktober 2021
Tempelwerk
Tempels is die huis van die Here. Ons kan ordinansies ontvang en verbonde met Hom sluit in tempels. Ons kan ook ordinansies vir ons voorvaders in die tempel uitvoer.
Foto van Barranquilla Colombia-tempel deur Bruno Lima
Regdeur die geskiedenis het die Here sy mense gebied om tempels te bou. Tempels is heilige plekke waar ons God se liefde kan voel, ordinansies ontvang, en beloftes met Hom sluit. Die Kerk bou tempels regoor die wêreld sodat meer en meer mense hierdie seëninge kan ontvang.
Foto van vrou voor die Oquirrh Mountain Utah-tempel deur Nexeo en Matthew Reier
Die Begiftiging
Kerklede wat regverdig lewe gaan na die tempel om ordinansies te ontvang en verbonde, of beloftes, met God te sluit. Een ordinansie wat ons in die tempel ontvang is die begiftiging. Die woord begiftiging beteken “ʼn geskenk.” Die tempelbegiftiging is ʼn geskenk van God. In hierdie ordinansie leer ons omtrent Hemelse Vader se plan vir ons heil en ons sluit verbonde om God se gebooie te onderhou. As ons getrou is aan die verbonde wat ons sluit, sal God ons seën.
Foto van ʼn paartjie wat by die Manila Filippyne-tempel loop deur Cristina Smith
Verseëling van Families
ʼn Huwelik in die tempel word ook ʼn verseëling genoem. Wanneer ʼn paartjie in die tempel verseël is en hulle onderhou hulle verbonde, sal hulle vir ewig getroud wees. As hulle kinders het, sal daardie kinders ook aan hulle verseël wees. Ouers wat verseël word nadat hulle kinders gehad het, kan hulle kinders aan hulle laat verseël. As hulle regverdig lewe, sal hulle ʼn familie wees deur die ewigheid.
Foto van Lissabon Portugal-tempel doop-area deur Leslie Nilsson
Tempelwerk vir Al God se Kinders
Ons doen familiegeskiedeniswerk om uit te vind oor ons voorvaders. Ons doen dan tempelwerk namens hulle. Ons doen al die ordinansies vir hulle wat die lewendes benodig: doop, bevestiging, ontvangs van die priesterskap (vir mans), begiftiging en verseëling. Hulle kan dan besluit of hulle hierdie ordinansies wil aanvaar. Op hierdie manier kan al God se kinders die seëninge van die evangelie geniet.
Foto van familie voor Philadelphia Pennsilvanië-tempel deur Cody Bell
Seëninge van Tempelwerk
Indien ons die verbonde onderhou wat ons in die tempel sluit, sal ons geseën, beskerm en versterk word. Ons sal die mag van die priesterskap met ons hê. Ons families sal vir ewig saam wees.
Die tempel is ook ʼn plek van vrede en openbaring. Wanneer ons tempelwerk doen, kan ons geestelike leiding ontvang en God se liefde voel.
© 2021 deur Intellectual Reserve, Inc. All rights reserved. Gedruk in die VSA. Engelse goedkeuring: 6/19. Goedkeuring vir vertaling: 6/19. Vertaling van die Monthly Liahona Message, October 2021. Afrikaans. 17474 501