Anij Emaron̄ Jipan̄ Kōj ilo Iien Ko Reppen

Pija

kōrā eo ej jijet im alooje an tin tuļo̧k al ioon ļomaļo

Pija ko jān Getty Image ko

Marcela Endrek, juon armej in Córdoba, Argentina, eo ekar nan̄inmej im burom̧ōj. Elukkun eddo n̄an e. Ilubwiljin en̄jake ko ekar ejjeļo̧k iaļ, ekar ron̄jake juon kōnono ilo kweilo̧k eļap me ej kōnono kōn jar. Ļōmņak eo ekar kajju itok n̄an buruōn bwe en jar kōn tūrabōļ ko.

Ekar jino an jar aolep iien n̄an bōk deoo̧r. Jar ekar bōktok n̄an e aeņōm̧m̧an im kaenōm̧m̧an men̄e ājmour eo an ekar jab em̧m̧anļo̧k. Ilo m̧ool, jekjek eo ekar pād ie ekar nana ļo̧k wōt jon̄an ekar jab jerbal. Kiiō ekar ļapļo̧k an stress kōn an jab maron̄ kōļļāik wōņeen takto ko an.

Emenin aikuj, ekar jino etal wāween an maron̄ ņa mejļan apan̄ ko an ājmour eo an ilo wāween ko jet. Ekar en̄jake im̧we n̄an mije bwe in ukōt jet iaan iminene in aō m̧ōn̄ā im ekar kailibōk e kōn an kar lukkuun jipan̄. An em̧m̧an aō mour ekar jipan̄ jon̄an ekar jino an ekkatak kōn ōn ilo m̧wūlaļ in.

Jet iien tokālik, ekar ioon juon jiron̄ etan Evelunn ilo ejja jekjek eo wōt āinwōt Marcela—nan̄inmej, burom̧ōj, im inepata kōn uwaak ko. Marcela ekar lo e make ippān ro m̧ōttan rekāāl. Ekar kwaļo̧k jet iaan ta eo rekar ekkatak kake kōn m̧ōn̄ā ko im ōōn ier. Ekar barāinwōt kwaļo̧k n̄an Evelynn rikam̧ool eo an kōn kajoor in jar. Ekar kūr Evelynn n̄an jar bwe enaaj bar en̄jake iakwe eo an Anij im jeļā bwe E ejeļā kōn e.

Jejjo raan tokālik, Marcela ekar lukkuun m̧ōņōņō in bar lo Evelynn. Juon oktak ekar kadede alikkar ilo kanniōk im ilo jetōb. Evelyn ej ba ļo̧k bwe mour eo an ekar oktak im bwe ekar maron̄ en̄jake iakwe eo an Anij n̄an e.

Jān mellijon̄ im idajon̄jon̄ ko an, Marcela ekar bar bōk tūriam̧o im meļeļe ko ej aikuj n̄an jipan̄ ro jet.

Kar Kanemkwoj bwe Jen Maron̄ Anemkwoj

Pija

Josep ej ajeeji grain ko ilo iien n̄ūta eo ilo Ijipt

Josep ilo Egypt, jān Robert T. Barrett

Bwebwenato in Josep ilo Ijipt ej bar juon waanjon̄ak kōn ta eo ej waļo̧k ke jekar kālet n̄an lōke Anij ilo mellijon̄ ko ad: Ejjab kanemkwoj wōt kōj, ak E maron̄ bar kōm̧m̧an bwe jen kōjerbal en̄jake ko ad n̄an jipan̄ ro jet (lale Jenesis 37–45).

Josep ekar kālet n̄an ļōke Anij im kōjparok kien ko an jekdo̧o̧n rekar liake ļo̧k, mej, im kalbuuj. Kōn tōmak eo an Josep ilo Anij im ilo an ikdeleel n̄an kijenmej ilo mellijon̄ ko an kōn kijenmej im ejjeļo̧k n̄ūrbōktak, “Iroj ekar pād ippān Josep” (Jenesis 39:21) im likūt e ilo juon jikin n̄an kōjeram̧m̧an elōn̄ (lale Jenesis 45:5–8).

Pedped in Katak ko n̄an Ļōmņak kaki

Ilo am̧ ļōmņak kōn iien ko rem̧m̧an n̄an karejar n̄an ro jet, ļōmņak kōn pedped in katak kein me rej kōmeļeļeiki ilo bwebwenato:

• Apan̄ ko ad remaron̄ erom̧ kōjeraam̧m̧an. Eļan̄n̄e “jar iien otemjej, im lōke” ilo ad en̄jake apan̄ ko ad, Jemedwōj Ilan̄ emaron̄ ukōti n̄an em̧m̧an eo ad (lale Katak im Bujen Ko 90:24; bar lale Rom 8:28).

• Apan̄ ko ad remaron̄ kōpooj kōj. Eļan̄n̄e jenaaj ettā ilo mellijon̄ko, Anij enaaj kōjerbal en̄jake ko ad n̄an katakin kōj im ukōt kōj (lale Katak im Bujen Ko 112:13).

• Apan̄ ko ad remaron̄ erom̧ iien ko ad rem̧m̧an n̄an jerbal in karejar. Eļan̄n̄e jej ikdelel n̄an ļōke E, Jemedwōj Ilan̄ enaaj likūt kōj ilo jikin ko n̄an kōjerbal ta eo jekar ekkatak ilo en̄jake ko ad n̄an jipan̄ ro jet (lale Mosaia 24:13–14).

Ta Eo Jemaron̄ Kōm̧m̧ane?

Jar n̄an jeļā kōn wāween en̄jake ko am̧ maron̄ kōjeram̧m̧an ro kwoj jerbal in karejar n̄an er. Innem jipan̄ er.