Tareboniai Moa

Ngke I riki bwa te kairake n tina ma au moan nati, kainabau e bon rin te reirei n te kaoreti. Ti uaia ni mwakuri ni itera n tai ni karekea ae tau ibukin maiura.

Ni ingainga nakon au tai ni motirawa man au mwakuri, I a tia ni baireia bwa N na mataku n tamnein rimoa n te terewition. Aio bon imwaain reken te DVD ke tanmei ake a kona n rineaki ao ni kaotaki.

E na oti raoi te tamnei anne n te tai ae tamaroa—10:00 n te ingabong—te tai are e a matu iai natira te mwaane. Bon tamnein Cary Grant, temanna te aekita n te tamnei ae mamate nanou irouna.

Te tairiki are I kariariaa imwain rokon te bong are N a motirawa iai, e a tareboniai te beretitenti n te Bootaki n Aine. Temanna te titita n ara uoote ae e bwaka n aoraki bwa e boo ao e kainnanoa tararuakina nakon te ingabong imwaain okin natina man ana mwakuri.

“I kona n ae N na karaoia, ma iai aika ana kawarai,” e taku te beretitenti n te Bootaki n Aine. E kabwarabwaraa bwa ai bon akea riki ae e na tuangnga ao E kukurei bwa e na tararuaa natiu ngkana I nako n tararuaa te titita anne. I baenikai teutana ni kariaia.

N te moaningabong are imwiina, I kabwakaa natiu irouna ao n nako ni kawara te titita. Arana bon Louise, ao e roko te namakin ni waekoa n rangi n tangiria. E a bon aine ao kanga bon tibu te aine, are e a tibwa tia ni mate.

I buoka Louise ni karinii oneana ao ni katauraoa ana kaingabong. E karaua n tekateka n te kaintekateka ao ni kaota te terewition. E a bon kaani boo 10:00 n te moaningabong. Inanon ana tai n tuoi taian tiaeno (channels) n te rimoute, e taku, “Te terewition aei kanga bon akea ae e kakaongora inanona.”

I aki kuri n taetae ao ngkanne I taku, “Iai tamnein Gary Grant ae e na oti n tiaeno 11.”

“Ko bon koaua?” e titiraki. “I tatangira Cary Grant!”

Ti mataku n te tamnei ao n rangi ni kukurei iai. Imwiina, e tibwai bwaai iaon aron maiuna ngke rorou ngkoa. E tuangai aron natina te mwaane ao ngai I tuangnga aron natiu. E taekina aron te Ekaretia ao arona ae e a rangi ni miti kakaeana.

Ngke e a oki natina, I berita nakoina bwa N na manga oki. I tareboniia te beretitenti n te Bootaki n Aine bwa E na tareboniai moa ngkana Louise e kainnanoa temanna.

Tabeua te tai inanon te uoua ni wiiki are imwiina, e a manga rotaki naba Louise n te boo ao e a iria nako imwaain ae e reke au tai ni manga noria. Ti a tia n tibwa ti ruaiwa te aoa ao ti mataku n te tamnei, ma e riki neiei bwa raraou ae tangiraki. I aki toki n ururingnga.

I rangi ni kakaitau bwa I aki katibanakoa te tai ni buoka te titita are e kainnanoai—ao are I bon kainnanoia naba, ma I aki ataia.