O na Sega Sara ni Tu Duadua

O sa bau vakila mada na galili se rerevaka na veika ena yaco mai? A vakila talega vakaoqo na dauveiqaravi nei Ilaisa na parofita ni raica na mataivalu ose kei na qiqi ni valu ni Siria ni vakavolivoliti Tocani, na koro levu nei Ilaisa.

iVakatakilakila

era dusi gasau na sotia e lalaga

Droini mai vei Denis Freitas

Ni sa rere sa kaci na dauveiqaravi vei Ilaisa, “Noqu turaga! a cava me daru cakava?” (2 Tui 6:15).

iVakatakilakila

qiqi bukawaqa

Ena vakabauta, a kaya yani o Ilaisa, “Kakua ni rere: ni ra sa lewevuqa era sa tiko kei kedaru, ka lewe lailai era sa tiko kei ira.” (tikina e 16). Ni sa masu oti o Ilaisa vua na Turaga me dolava na matai nona dauveiqaravi, a sa raica na dauveiqaravi na “ose kei na qiqi bukawaqa era tiko vakavolivoliti Ilaisa” (tikina e 17).

“E na tiko beka na gauna, me vakataka na dauveiqaravi, o na sasaga dredre mo raica e cakacaka tiko vakacava na Kalou ena nomu bula—na gauna ko vakila ni ko bikai voli—e na gauna e vakavuna mo tekiduru ena vakatakekere na veivakatovolei ni bula vakayago. Wawa ka nuitaka na Kalou kei na Nona gauna, baleta ni rawa ni ko nuitaka na Lomana ena lomamu taucoko. … Sa rawa talega vei iko mo masuta na Turaga me dolava na matamu mo raica na veika o dau sega tu ni raica” (Michael D. Craig, “Na Mata me Raica,” Liaona, Nove. 2020, 15).

Eda na sega beka ni raici ira, ia na Turaga kei na Nona mataivalu ni agilosi era wavoliti keda tu (raica na Vunau kei na Veiyalayalati 84:88). “Kevaka sa totaki keda na Kalou, o cei me noda meca?” (Roma 8:31).