Nuuj ko an Kabun̄ in
Ritōl ro an Kabun̄ in Rej Jerbal in Karejar ilo Elōn̄ Laļ ko
Ritōl ro an Kabun̄ in rekar wōnm̧aanļo̧k ilo jerbal in karejar eo aer ipeļaakin laļin ilo allōn̄ ko jilijino rej kab mootļo̧k. En̄in ej jet iaan men ko rem̧m̧an kōn elōn̄ m̧akūtkūt ko aer jān ke ekar jem̧ļo̧k kweilo̧k eo eļap kiiō.
Būreejtōn Oaks Ekar Ļōmņak kōn Im̧we an Kōrā ro
Ilo juon pijaan alwōj an Kabun̄ kar diwōjtok ilo Jeptōm̧ba eo, Būreejtōn Dallin H. Oaks, Rikapilōklōk eo Kein Kajoun ilo Būreejtōnji eo Kein Kajuon, ekar kōnono kōn im̧we eo an jinen im jibun ilo jipan̄ e kalōk juon naan in kam̧ool im tōmak ilo Irooj. Im̧we eo an kōrā ilo mour eo an ekar wōnm̧aanļo̧k ippān kōrā eo ippān, Sister June Oaks, im ālikin an mej, ippān kōrā eo ippān, Sister Kristen Oaks.
“Rikaki ro aō raorōktata ilo eria eo an katak ko an Kabun̄ in im jerbal in jipan̄ im eddo ko an baam̧le—eo rej pād ilōn̄ ilo ijo rikanaan ro an Kabun̄ rej pād ie—ej ippān kōrā ro,” Būreejtōn Oaks ekar ba.
Elder Uchtdorf ej Kōnono kōn Rijipo̧kwe
Elder Dieter F. Uchdorf jān Doulul eo an Jon̄oulruo Rijilōk ro ekar etal n̄an Poland ilo Eprōļ eo. Ekar tōl ilo joun nokon n̄an armej in Ukrain ro rekar jipo̧kwe ro kar loe jikier ilo jidik wōt iien ilo ijo.
Ilo loļo̧k eo an, Elder Uchtdorf, eo ekar barāinwōt juon rijipo̧kwe m̧okta ilo mour eo an, ekar ba bwe būruen ekar obrak kōn “būrom̧ōj em̧wilaļ kōn en̄taan” an Armej ro Rekwojarjar ilo Raan Ko Āliktata im ro jet ilo aelōn̄ ko ewōr tariņae ie ak barāinwōt ilo kam̧m̧oolol.
“Kajjojo armej rein im baam̧le ko aer kar kōkajoor im kotak kōm kōn em̧m̧an ko aer, lōke, im tōmak ilo im n̄an Rilo̧mo̧o̧r im un eo An ekwojarjar,” ekar ba. “Harriet im n̄an kar kōjatdikdik n̄an kōkajoor im kaenōm̧m̧an er, ak rekar boktok eļap m̧eram, kōjatdikdik, im aenōm̧m̧an jān lan̄ n̄an būruem.”
Elder Bednar ekar Kōnono n̄an National Press Club eo ilo Washington, D.C.
Elder David A. Bednar jān Doulul eo an Jon̄oulruo Rijilōk ro ekar kōnono n̄an National Press Club ilo Māe eo, tipdiki ta im etke global humanitarian eo an Kabun̄ eo an Jisōs Kraist, welfare in jipan̄, jeļāļo̧kjen, tampeļ, mijenede, im jibadbad ko an menmenbwij.
“Un eo aorōk an Kabun̄ eo an Jisōs Kraist im Armej ro Rekwojarjar ilo Raan Ko Āliktata ej n̄an jipan̄ armej ekkatak kōn aorōkin im m̧wil ko an Anij, n̄an iakwe Anij, n̄an erōm rikaļoor ro an eo Nejin, Jisōs Kraist, im n̄an iakwe im jerbal n̄an ro jeid im jatid,” Elder Bednar ekar ba.
Būreejtōn ro an Doulul eo an Kōrā im Doulul eo an Jiron̄ rej Loļo̧k South America
Būreejtōn Camille N. Johnson, Būreejtōn eo an Doulul eo an Kōrā Euteij, im Būreejtōn Susan H. Porter, Būreejtōn an Būraimere Euteij, rekar kweilo̧k ippān ritōl ro im membōr in Kabun̄ in ilo Argentina, Chile, Uruguay, im Paraguay ilo kar juon 10 raan aitokin jerbal in karejar im loļo̧k in jipan̄ ko.
Rekar kweilo̧k ippān doulul ko an kien me rej jipan̄ kōrā ro jelm̧ae wāween ko rekauwōtata ilo Paraguay im ilo Argentina.
“Kabun̄ eo am ej reim̧aanļo̧k n̄an jerbal ippemi n̄an kōkam̧anm̧anļo̧k iien ko rem̧m̧an ikkjeen jeļāļo̧kjen im un̄are pein make n̄an kōrā ro,” Būreejtōn Johnson ekar ba.
Ilo kakkobaba ko an jipan̄ ko jān kien, Būreejtōn Johnson im Porter rekar barāinwōt jerbal in karejar n̄an membōr in Kabun̄ in. Rekar kōm̧m̧an kweiļo̧k ko n̄an ro jinen im jemen ro em̧m̧an drettāer, juon nokon n̄an kōrā ro ejjeļo̧k pāleer, kweiļo̧k ko kōn ippān doon ko an baam̧le ko ippān ajri ro, im kōm̧m̧ani training ko n̄an ritōl ro an Kabun̄ in.