Būreejtōn Nelson Ej Erōm Ritto Tata Būreejtōn ilo Kabun̄ in

Ļōtak ilo Jeptōmba 9, 1924, Būreejtōn Russell M. Nelson ej kab mōj an kememe 98 iiō in an mour. Ilo Eprōļ 14, 2022, ekar erōm̧ Būreejtōn eo eritto tata ilo bwebwenato eo an Kabun̄ in.

Reilikļo̧k ilo jerbal im mour eo an Būreejtōn Nelson, Būreejtōn Dallin H. Oaks, Rikapilōklōk eo Kein Kajoun, ekar ba, “E ej juon ritōl eim̧we im māletlet im juon armej eo elukkuun mera tata im em̧m̧an tata komaron̄ kōjatdikdik n̄an ekōnono ippān.”

Būreejtōn Henry B. Eyring, Rikapilōklōk eo Kein Karuo, ekar kwaļo̧k ļōmņak eo an kōn jerbal eo an Būreejtōn Nelson āinwōt rikanaan eo an Irooj, “Aolep iien jej diwōj jān opiij eo, Būreejtōn Oaks im n̄an jej ba, ‘Ebar waļo̧k.’ Kwonaaj loe revelesōn ko rej itok. Kwonaaj loe an kajjitōk kōn ko̧o̧njeļ, innām kālet eo enaaj itok im aolep ilo ruum eo renaaj jeļā ejim̧we im ej jān Anij. Ekar kadikdik an ba, ‘Ij ļōmņak enin ej ta eo Irooj enaaj kar kōņaan bwe jān kōm̧m̧ane.’ Ej iien im ālikin bar iien.”