እርዳታ የሚያስፈልጋቸውን መንከባከብ

ኢየሱስ ክርስቶስ በዙሪያው ያሉትን ይወዳቸው፣ ያጽናናቸው እና ይጸልይላቸው ነበር። “መልካም እያደረገ ዞረ”(የሐዋሪያት ስራ 10፥38)። በመውደድ፣ በማጽናናት፣ በማገልገል እና በዙሪያችን ላሉ ሰዎች በመጸለይ የእርሱን ምሳሌ መከተል እንችላለን። ሁልጊዜ ሌሎችን ለመርዳት መንገዶችን መፈለግ እንችላለን።

ምስል

ሁለት ሰዎች እየተራመዱ

አገልግሎት

አገልግሎት የሚለው ቃል በቅዱሳት መጻሕፍት እና በጌታ ቤተክርስቲያን ውስጥ እንዴት እርስ በርሳችን እንደምንተሳሰብ ለመግለጽ ጥቅም ላይ ይውላል። የክህነት ተሸካሚዎች በአጥቢያ ወይም በቅርንጫፍ ላለ ለእያንዳንዱ ግለሰብ ወይም ቤተሰብ የአገልግሎት ወንድሞች በመሆን ተመድበዋል። የአገልግሎት እህቶች ለእያንዳንዷ አዋቂ ሴት ተመድበዋል። አገልጋይ ወንድሞች እና እህቶች ሁሉም የቤተክርስቲያኗ አባላት መታሰባቸውን እና እንክብካቤ ማግኘታቸውን ያረጋግጣሉ።

ምስል

ችግኞችን የሚተክሉ ሰዎች

ሌሎች እራሳቸውን የቻሉ እንዲሆኑ መርዳት

የቤተሰብ አባላት እና ጓደኞች ለችግሮቻቸው የረጅም ጊዜ መፍትሄ እንዲያገኙ በማበረታታት እራሳቸውን የቻሉ እንዲሆኑ ልንረዳቸው እንችላለን። ከዚያም ግባቸው ላይ ሲሰሩ ልንደግፋቸው እንችላለን። በነሐሴ 2023 (እ.አ.አ) ሊያሆና የወንጌል መሠረታዊ ጽሑፍ ውስጥ ስለራስ መቻል የበለጠ መረጃን ፈልጉ።

በዙሪያችን ያሉትን ሰዎች ማገልገል የምንችልባቸው እና ሥጋዊ፣ መንፈሳዊ እንዲሁም ስሜታዊ ፍላጎቶቻቸውን ለማሟላት ልንረዳቸው የምንችልባቸው ብዙ መንገዶች አሉ። ስለሌሎች ማወቅ እንዴት በተሻለ ሁኔታ ልናገለግላቸው እንደምንችል እንድናውቅ ይረዳናል። እንዲሁም ለመርዳት ምን ማድረግ እንደምንችል ለማወቅ መመሪያ ለማግኘት መጸለይ እንችላለን።

ምስል

ሰዎች ፍሬ እየሰበሰቡ

ያለንን ማካፈል

እግዚአብሔር የባረከንን በማካፈል ሌሎችን ማገልገል እንችላለን። ለምሳሌ፣ ለጋስ የሆነ የጾም በኩራት ልንሰጥ ወይም ለቤተክርስቲያኗ የሰብአዊ እርዳታ ገንዘብ መለገስ እንችላለን። በማህበረሰባችን እና በቤተክርስቲያናችን ጥሪዎች ውስጥ ማገልገል እንችላለን።

ኤጲስ ቆፖሱ በአጥቢያው ውስጥ እርዳታ የሚያስፈልጋቸውን የመንከባከብ ስራን ይቆጣጠራል። እርዳታ የሚያስፈልጋቸውን አባላት ለመርዳት ከጾም በኩራት የሚገኘውን ገንዘብ ሊጠቀም ይችላል። አማካሪዎቹን ጨምሮ ሌሎች መሪዎች፣ እንዲሁም የሴቶች መረዳጃ ማህበር እና የሽማግሌዎች ቡድን አመራሮች፣ አባላት ፍላጎታቸውን ለማሟላት የሚጠቀሙባቸውን ምንጮች ማግኘት እንዲችሉ ያግዟቸዋል።

ቤተክርስቲያኗ በአለም ዙሪያ ያሉ ሰዎችን በድንገተኛ አደጋ ምላሽ፣ በማህበረሰብ ፕሮጀክቶች፣ እንደ ንጹህ ውሃ እና ክትባቶች ባሉ በሌሎች ፕሮግራሞች ትረዳለች። የበለጠ ለመረዳት፣ ዳለን ኤች. ኦክስ፣ “ድሆችን እና የተጨነቁትን መርዳት፣” ሊያሆና፣ ህዳር 2022 (እ.አ.አ)፣ 6–8 ተመልከቱ።