« I teienei tē vai nei te nene’ira’a piti o te ’Ia poro haere i tā’u nei ’Evanelia », Liahona, Novema 2023.
I teienei tē vai nei te nene’ira’a piti o te ’Ia poro haere i tā’u nei ’Evanelia
Fātata e piti ’ahuru matahiti i muri mai i te ha’apararera’ahia te ’Ia Poro Haere i Ta’u Nei ’Evanelia : Te hō’ē arata’i nō te ’ohipa misiōnare, ’ua ha’aparare te ’Ēkālesia i te piti o te nene’ira’a (’e teie te piti o te upo’o parau E arata’i nō te fa’a’ite i te ’evanelia a Iesu Mesia).
’Ua fa’aara Russell M. Nelson i te nene’ira’a piti i roto i te rurura’a a te ’Ēkālesia nō te feiā fa’atere misiōni ’āpī i te ’āva’e Tiunu ra. « Tē tae mai nei teie nene’ira’a ’āpī i te hō’ē taime tē taui vitiviti ra te ao », ’ua parau ’oia. « Tē ha’apa’o nei [te reira] i te reira mau tauira’a e rave rahi. Tei roto te tahi mau arata’ira’a maita’i roa tā’u i ’ite nō te tauturu i te ta’ata ’ia fa’ari’i i te anira’a a te Fatu ’ia haere mai iāna ra. »
Tei roto i teie nene’ira’a fa’atano-’āpī-hia te ha’api’ira’a a te feiā fa’atere o te ’Ēkālesia i hōro’ahia mai te tau mai ā ’ua ha’apararehia te nene’ira’a mātāmua i te matahiti 2004. E tū’ati te reira i te Buka arata’i rahi tei fa’atano-’āpī-hia, ’e te tahi atu mau ture ’āpī. Tei roto ato’a i te pārurura’a ’e te arata’ira’a nō te fa’a’ohipara’a i te rāve’a ’āpī nō te fa’a’ite i te ’evanelia.
’Ua parau te peresideni rahi o te Feiā ’Āpī Tamāhine, ’o Bonnie H. Cordon : « Te mea fa’ahiahia, ’oia ho’i, tei ni’a te mata o nā Tino ’Ahuru Ma Piti i teie ’ohipa. ’Ua tai’o hope roa te Peresidenira’a Mātāmua i te reira. ’E e buka mau teie ’ua tu’u te Fa’aora i tāna tītiro i ni’a iho. »
E noa’a te nene’ira’a piti o te ’Ia poro haere i tā’u nei ’Evanelia i roto i te fa’aaura’a rorouira Vaira’a buka ’evanelia ’e nā ni’a i te natirara, nā roto i te reo peretāne, farāni, pōtītī ’e pāniora. E noa’a mai te mau buka pāpie i te hope’a o teie matahiti 2023. Nō te tahi atu ā mau reo e noa’a ïa i te ’omuara’a nō te ’āva’e Tēnuare 2024.