Paghinumdom ni Presidente M. Russell Ballard

Imahe

artikulo mahitungod ni Presidente Ballard alang sa mga bata

Siya natawo niadtong Oktubre 8, 1928, didto sa Utah, USA.

Ganahan siya nga makigdula sa iyang collie nga iro, si Scotty. Gani si Scotty molakaw uban kaniya paingon ug pauli gikan sa eskwelahan!

Sa bata pa siya, motabang siya sa pagpanilhig sa mga salog sa tindahan sa mga sakyanan sa iyang amahan. Isip usa ka hamtong, mitabang siya sa pagpadagan sa kompanya.

Sa kolehiyo, gianggaan siya og “ang bishop” tungod kay ang iyang mga higala nahibalo nga magpabilin siya nga magmatinuoron sa iyang mga sumbanan.

Niadtong 1948 miserbisyo siya og misyon didto sa England. Miserbisyo siya isip usa ka magtatambag sa kapangulohan sa misyon.

Nahimamat niya ang iyang asawa, si Barbara Bowen, sa usa ka sayaw. Naminyo sila didto sa Salt Lake Temple. Nakabaton sila og 7 ka anak ug daghang mga apo ug mga apo sa tuhod.

Miserbisyo siya isip usa ka presidente sa misyon didto sa Canada uban sa iyang pamilya.

Niadtong 1985 gitawag siya ngadto sa Korum sa Napulog Duha ka Apostoles.

Gimahal niya ang iyang pagkamisyonaryo. Siya mipamatuod nga ang misyonaryo nga buhat nagdala og mga panalangin ngadto sa mga misyonaryo ug sa mga tawo nga ilang giserbisyohan.