សេចក្តីណែនំាសម្រាប់ពេលវេលាចែកចាយ និងការធ្វើបទបង្ហាញរបស់កុមារនៅក្នុងម៉ោងប្រជុំសាក្រាម៉ង់
គណៈប្រធានថ្នាក់អង្គការបឋមសិក្សា និងអ្នកដឹកនាំតន្រី្តទាំងឡាយជាទីស្រឡាញ់
ឆ្នាំនេះយើងនឹងទទួលបានពរជ័យដ៏ពិសិដ្ឋ និងឱកាសដើម្បីជួយកុមារម្នាក់ៗនៅក្នុងថ្នាក់កុមារឲ្យបានដឹងថា ពួកគេគឺជាកូនរបស់ព្រះ ។ យើងសង្ឃឹមថា កុមារនឹងរៀនពីសេចក្តីពិតដ៏សំខាន់នេះ នៅពេលដែលពួកគេដឹងថា ព្រះវរបិតាសួគ៌ស្រឡាញ់ពួកគេ ។ នៅពេលដែលអ្នកបង្រៀនគោលលទ្ធិទាំងឡាយប្រកបដោយការអធិស្ឋាន នៅក្នុងមេរៀនអំពីពេលវេលាចែកចាយទាំងនេះ នោះអ្នកអាចជួយកុមារឲ្យយល់ពីវាសនាដ៏ទេវភាព គោលបំណង និងសក្តានុពលរបស់ពួកគេ ។ អ្នកអាចជួយពួកគេបង្កើនជំនឿទៅលើព្រះយេស៊ូវគ្រីស្ទ និងមានទីបន្ទាល់ពីផែនការរបស់ព្រះវរបិតាសួគ៌សម្រាប់ពួកគេ ។ ហើយអ្នកអាចផ្តល់សេចក្តីសង្ឃឹមដល់ពួកគេសម្រាប់ពេលអនាគត ហើយពង្រឹងបំណងប្រាថ្នារបស់ពួកគេឲ្យបន្តរស់នៅលើផ្លូវដែលនាំត្រឡប់ទៅកាន់ព្រះវរបិតាសួគ៌វិញ ។
សូមស្វែងរកជំនួយពីព្រះវិញ្ញាណនៅពេលអ្នករៀបចំ បង្រៀន និងថ្លែងទីបន្ទាល់ពីសេចក្តីពិតទាំងនេះ ។ ក្រុមគ្រួសារទាំងឡាយនឹងបានទទួលពរជ័យតាមរយៈពលិកម្មរបស់អ្នក ។ យើងស្រឡាញ់អ្នក ហើយសូមផ្ញើការដឹងគុណរបស់យើងចំពោះការលះបង់សម្រាប់ការបម្រើដែលអ្នកកំពុងធ្វើក្នុងការចិញ្ចឹមបីបាច់ និងការពារកុមារដ៏មានតម្លៃរបស់យើង ។
គណៈប្រធានទូទៅថ្នាក់អង្គការបឋមសិក្សា
សេចក្តីណែនាំអំពីពេលវេលាចែកចាយ
សេចក្តីណែនាំអំពីដំណឹងល្អ
សូមប្រើសៀវភៅនេះនៅពេលអ្នករៀបចំមេរៀនបង្រៀនសម្រាប់រយៈពេល 15 នាទី ជារៀងរាល់សប្តាហ៍នៅអំឡុងពេលវេលាចែកចាយនោះ ។ អ្នកអាចបន្ថែមមេរៀនប្រចាំសប្តាហ៍ជាមួយនឹងឯកសាររបស់សាសនាចក្រផ្សេងៗទៀត ដូចជា ប្រិយមិត្ត ឬ លីអាហូណា ។ ការណែនាំខាងក្រោមនឹងជួយអ្នករៀបចំ និងបង្រៀនមេរៀន ។
ស្រឡាញ់កុមារដែលអ្នកបង្រៀន ។ បង្ហាញសេចក្តីស្រឡាញ់របស់អ្នកចំពោះកុមារ តាមរយៈការរៀនស្គាល់ឈ្មោះរបស់ពួកគេ និងដឹងអំពីចំណាប់អារម្មណ៍ ទេពកោសល្យ និងសេចក្តីត្រូវការរបស់ពួកគេ ។
បង្រៀនគោលលទ្ធិតាមរយៈព្រះវិញ្ញាណ ។ នៅពេលអ្នករៀបចំមេរៀន សូមអធិស្ឋានសុំការដឹកនាំ និងព្យាយាមពង្រឹងទីបន្ទាល់របស់អ្នកពីគោលការណ៍ទាំងឡាយដែលអ្នកនឹងបង្រៀន ។ ការធ្វើបែបនេះ នឹងជួយអ្នកបង្រៀនដោយព្រះវិញ្ញាណ ។
លើកទឹកចិត្តឲ្យរៀន ។ សៀវភៅនេះត្រូវបានរៀបរៀងឡើងដើម្បីជួយអ្នកឲ្យដឹងមិនត្រឹមតែចំពោះអ្វី ដែលត្រូវបង្រៀនប៉ុណ្ណោះទេ ប៉ុន្តែក៏ដឹងអំពីរបៀប ដើម្បីបង្រៀន និងលើកទឹកចិត្តឲ្យរៀនផងដែរ ។ អ្នកនឹងបង្រៀនពីគោលលទ្ធិកាន់តែមានប្រសិទ្ធភាពឡើង ប្រសិនបើអ្នកធ្វើតាមចំណុចបីខាងក្រោមនេះនៅគ្រប់មេរៀន ៖
-
ស្វែងរកគោលលទ្ធិ ។ សូមលើកឡើងពីគោលលទ្ធិដែលកុមារនឹងត្រូវរៀនឲ្យបានច្បាស់ ។ សូមរិះគិតពីវិធីមួយចំនួនដើម្បីសម្តែងឡើងជាពាក្យសំដី ឬតាមចក្ខុ ។ ( ឧទាហរណ៍ សូមមើលមេរៀននៅសប្តាហ៍ទីបួនក្នុងខែ កុម្ភៈ និងក្នុងសប្តាហ៍ទីបីក្នុងខែ កក្កដា ) ។
-
សូមលើកទឹកចិត្តឲ្យមានការយល់ដឹង ។ សូមធ្វើឲ្យប្រាកដថា កុមារទទួលបានការយល់ដឹងយ៉ាងជ្រាលជ្រៅពីគោលលទ្ធិតាមរយៈវិធីសាស្រ្តបង្រៀនផ្សេងៗ ដែលលើកទឹកចិត្តពួកគេឲ្យធ្វើការរៀនសូត្រ ដូចជាការច្រៀងចម្រៀង ការសម្តែងរឿង និងការអានបទគម្ពីរទាំងឡាយ ។
-
សូមលើកទឹកចិត្តឲ្យអនុវត្តតាម ។ ផ្តល់ឱកាសដល់កុមារឲ្យអនុវត្តតាមគោលការណ៍នេះនៅក្នុងជីវិតរបស់ពួកគេ ។ សូមធ្វើការត្រិះរិះរកវិធីដែលពួកគេអាចបង្ហាញពីអារម្មណ៍ ឬការដាក់គោលដៅដែលទាក់ទងទៅនឹងគោលលទ្ធិនេះ ។
សៀវភៅនេះ ផ្តល់ឲ្យនូវមេរៀនពេញលេញសម្រាប់សប្តាហ៍មួយចំនួននៅក្នុងឆ្នាំនេះ ។ គំនិតទាំងឡាយដែលមិនមែនជាមេរៀនពេញលេញ គឺត្រូវបានដាក់បញ្ចូលសម្រាប់សប្តាហ៍ផ្សេងទៀត ។ សូមបន្ថែមគំនិតទាំងនោះជាមួយនឹងគំនិតរបស់អ្នក ។ អ្នកអាចទទួលបានគំនិតបន្ថែម តាមរយៈការអានមេរៀនដទៃទៀតនៅក្នុងសៀវភៅនេះ ។ នៅពេលមានសប្តាហ៍ទីប្រាំ សូមប្រើប្រាស់ពេលវេលានេះដើម្បីរំលឹកពីមេរៀនចាស់ៗ ។ ព្រះវិញ្ញាណអាចដឹកនាំអ្នកនៅពេលអ្នកដាក់ផែនការ និងរៀបចំសកម្មភាពទាំងឡាយសម្រាប់មេរៀន ។
សូមធ្វើការជាមួយនឹងអ្នកដឹកនាំតន្រ្តី នៅពេលអ្នករៀបចំមេរៀនរបស់អ្នក ។ សូមច្រៀងចម្រៀងដែលនឹងជួយពង្រឹងដល់គោលលទ្ធិដែលអ្នកកំពុងបង្រៀន ។ នៅពេលខ្លះអ្នកអាចអញ្ជើញគ្រូបង្រៀន និងថ្នាក់របស់ពួកគេឲ្យជួយអ្នកដោយធ្វើជាចំណែកនៃការបង្រៀនដំណឹងល្អ ។
មេរៀនខ្លះផ្តល់មតិឲ្យអញ្ជើញភ្ញៀវណាម្នាក់មកនិយាយនៅក្នុងថ្នាក់កុមារ ។ អ្នកគួរតែសុំការអនុញ្ញាតពីប៊ីស្សព ឬប្រធានសាខារបស់អ្នកពីមុនធ្វើការអញ្ជើញបុគ្គលទាំងនេះមកចូលរួម ។
រួមផ្សំនឹងមេរៀន គឺមានយោបល់បង្រៀនមួយចំនួន ដែលនឹងជួយអ្នកឲ្យអភិវឌ្ឍសមត្ថភាពរបស់អ្នកដើម្បីបង្រៀន ។ មេរៀនទាំងឡាយក៏មានរូបភាពដែលនឹងជួយអ្នកមើលឃើញថា តើសកម្មភាពនោះមានទម្រង់បែបណា ។ ទោះជាការអភិវឌ្ឍជំនាញបង្រៀនសំខាន់យ៉ាងណាក្តី ក៏ការរៀបចំជីវភាពខាងវិញ្ញាណ និងទីបន្ទាល់របស់អ្នក គឺជាអ្វីដែលនឹងអញ្ជើញព្រះវិញ្ញាណឲ្យធ្វើការបញ្ជាក់ចំពោះគោលលទ្ធិទាំងនេះនៅក្នុងចិត្តរបស់កុមារដែរ ។
ពេលវេលាចែកចាយ
តន្រ្តីនៅក្នងថ្នាក់កុមារគួរតែបង្កើតបរិយាកាសដែលមានគាវរភាព បង្រៀនដំណឹងល្អ ហើយជួយកុមារឲ្យទទួលអារម្មណ៍ពីឥទ្ធិពលនៃព្រះវិញ្ញាណបរិសុទ្ធ និងភាពរីករាយដែលបានទទួលពីការច្រៀងចម្រៀង ។ រយៈពេល 20 នាទីនៃពេលវេលាចែកចាយគួរតែត្រូវបានចំណាយទៅលើការច្រៀង និងការបង្រៀនតន្ត្រី ។ ការណ៍នេះនឹងបញ្ជាក់ថា អ្នកមានពេលវេលាគ្រប់គ្រាន់ដើម្បីបង្រៀនបទចម្រៀងថ្មី និងជួយកុមារឲ្យរីករាយនឹងការច្រៀង ។
សៀវភៅនេះ មានដាក់បញ្ចូលចម្រៀងថ្មីមួយបទសម្រាប់កុមារឲ្យរៀននៅក្នុងឆ្នាំនេះ ( សូមមើលទំព័រ 28 ( 00 ) ។ វាក៏មានបញ្ចូលផងដែរនូវផ្នែកមួយជាចំណងជើង « របៀបប្រើប្រាស់តន្រ្តីនៅក្នុងថ្នាក់កុមារ » ( សូមមើលទំព័រ 26–27 ) និងយោបល់បន្ថែមសម្រាប់ការបង្រៀនបទចម្រៀងទាំងឡាយដល់កុមារ ( សូមមើលទំព័រ 3, 11, 17 ) ។
សេចក្តីណែនាំអំពីបទបង្ហាញនៅក្នុងការប្រជុំសាក្រាម៉ង់
ក្រោមការដឹកនាំរបស់ប៊ីស្សព ឬប្រធានសាខា ការធ្វើបទបង្ហាញរបស់កុមារនៅក្នុងការប្រជុំសាក្រាម៉ង់ គឺជាធម្មតាត្រូវបានធ្វើឡើងនៅត្រីមាសទីបួននៃឆ្នាំ ។ សូមជួបនឹងទីប្រឹក្សានៅក្នុងគណៈប៊ីស្សព ឬគណៈប្រធានសាខាដែលមើលខុសត្រូវលើថ្នាក់កុមារពីដើមឆ្នាំ ដើម្បីពិភាក្សាអំពីផែនការគ្រោងទុក ។ សូមសុំការអនុមតិពីគាត់នៅពេលដែលផែនការត្រូវបានបំពេញ ។
សូមរៀបចំកុមារឲ្យសម្តែងពីកម្មវិធីផ្អែកលើបាវចនាពេលវេលាចែកចាយប្រចាំខែ ។ នៅក្នុងឆ្នាំនេះ សូមកត់ត្រាទុកនូវការថ្លែងទីបន្ទាល់ និងបទពិសោធន៍ផ្ទាល់ខ្លួនរបស់កុមារដើម្បីប្រើប្រាស់នៅក្នុងបទបង្ហាញ ។ នៅពេលអ្នកដាក់ផែនការសម្រាប់កុមារដើម្បីចែកចាយពីអ្វីដែលពួកគេបានរៀនអំពីបាវចនាក្នុងឆ្នាំនេះ សូមគិតពីវិធីទាំងឡាយដែលអ្នកអាចជួយក្រុមជំនុំឲ្យផ្តោតការយកចិត្តទុកដាក់ទៅលើគោលលទ្ធិនៃដំណឹងល្អ ដែលពួកគេកំពុងបង្រៀន ។ សមាជិកម្នាក់នៃគណៈប៊ីស្សពអាចបញ្ចប់ការប្រជុំដោយថ្លែងនូវទីបន្ទាល់ខ្លីៗ ។
នៅពេលអ្នករៀបចំបទបង្ហាញ សូមចងចាំគោលការណ៍ណែនាំដូចខាងក្រោម ៖
-
ការហាត់សម មិនគួរយកពេលរបស់ថ្នាក់ផ្សេងៗ ឬយកពេលរបស់ក្រុមគ្រួសារដោយមិនចាំបាច់នោះឡើយ ។
-
បទបង្ហាញដោយប្រើរូបភាពជំនួយ ការតុបតែងសំលៀកបំពាក់ និងប្រព័ន្ធផ្សព្វផ្សាយ មិនមានភាពសមរម្យចំពោះការប្រជុំសាក្រាម៉ង់នោះទេ ។
ធនធានទាំងឡាយដែលបានប្រើនៅក្នុងកូនសៀវភៅនេះ
អក្សរកាត់ខាងក្រោម ត្រូវបានប្រើប្រាស់ពេញក្នុងសៀវភៅនេះ ៖
-
ច.ក.សៀវភៅចម្រៀងកុមារ
-
ក.រ.ដ.កញ្ចប់រូបភាពដំណឹងល្អ
មេរៀនជាច្រើនដែលរួមមានការស្នើឲ្យប្រើប្រាស់រូបភាពទាំងឡាយ ។ អ្នកអាចរករូបភាពបាននៅក្នុង កញ្ចប់រូបភាពរូបភាពដំណឹងល្អ កញ្ចប់រូបភាពនៅក្នុងសៀវភៅសិក្សារបស់កុមារ និងទស្សនាវដ្តីរបស់សាសនាចក្រ និងតាមប្រព័ន្ធអ៊ិនធើរណែតក្នុង images.lds.org ។
កម្មវិធីសិក្សាសម្រាប់ឆ្នាំ 2018
កម្មវិធីសិក្សាទូទៅ
ថ្នាក់ទារកដ្ឋាន ៖ កាំរស្មីព្រះអាទិត្យ ៖ អង្គការបឋមសិក្សាទី 1 ជ.ផ.ត 4–7 ៖ អង្គការបឋមសិក្សា 2 សេចក្តីក្លាហាន 8 –11 ៖ អង្គការបឋមសិក្សាទី 6
កម្មវិធីសិក្សាមូលដ្ឋាន
កាំរស្មីព្រះអាទិត្យ៖ អង្គការបឋមសិក្សាទី 1 ជ.ផ.ត 4–7 ៖ អង្គការបឋមសិក្សាទី 2 សេចក្តីក្លាហាន 8 –11 ៖ អង្គការបឋមសិក្សាទី 5