Mataupu 48
O Le Filemu I Amerika
O tagata na salamo i a latou agasala na papatisoina ma maua le Agaga Paia.
E le i umi ae liliu uma tagata Sa Nifae ma tagata Sa Lamana. E le i toe femisaa’i i latou ma na faamaoni tagata uma.
E leai se tasi na mauoa pe mativa. Na fetufaai e tagata mea uma, ma na latou maua mea uma sa latou manaomia.
Na faataunuuina e le au soo le tele o vavega i le suafa o Iesu Keriso. Na latou faamaloloina e mamai ma toe faaola i latou na maliliu.
Na fausia e tagata aai fou i mea na faatamaia ai isi.
Na latou usitai i poloaiga a le Atua. Sa latou anapopogi, tatalo ma faapotopoto faatasi i le tele o taimi e faalogologo i afioga a le Atua.
Na fiafia tagata.
Sa leai ni tagata faomea, tagata pepelo, ma ni fasioti tagata. E le i toe vaeluaina tagata i Sa Nifae ma Sa Lamana, ae ua tasi i latou, o fanau a Keriso.
Na faamanuia e le Alii tagata i mea uma na latou faia.
Na latou ola filemu i tausaga e 200. Ma na faamauoaina tagata.