“Lēsoni 8: 1 Nīfai 3–4,” Ngaahi Vitiō ʻo e Tohi ʻa Molomoná: Ngaahi Fakahinohino ʻa e Faiako Seminelí (2019)
“Lēsoni 8: 1 Nīfai 3–4,” Ngaahi Vitiō ʻo e Tohi ʻa Molomoná: Ngaahi Fakahinohino ʻa e Faiako Seminelí
Ngaahi Vitiō ʻo e Tohi ʻa Molomoná
Lēsoni 8: 1 Nīfai 3–4
Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.
“Ko e Feinga ʻa Leimana ke Maʻu mai e Ngaahi Lekooti Toputapú” (3:30)
Fakaʻaongaʻi ʻo e Vitiō Ko ʻEní
Fakakaukau ke huluʻi e vitiō ko ʻení hili hono fakakakato ʻe he kau akó e ʻuluaki fehuʻi ʻe fā ʻi he ʻekitivitī fakakulupu ki he 1 Nīfai 3:10–18. Kimuʻa pea huluʻi e vitioó, fakaafeʻi e kau akó ke kumi ha ngaahi fakakaukau te nau maʻu mei he fakamatala ʻa Nīfaí. Huluʻi e vitioó pea kole ange leva ki he kau akó ke nau aleaʻi e fehuʻi 5 ʻi he ʻekitivitī fakakulupú, ʻa ia ʻoku fie maʻu ke vahevahe ai e ngaahi fakakaukau ʻoku nau maʻú.
“Ko e Foaki ʻe he Ngaahi Foha ʻo Līhaí ʻenau Koloá koeʻuhí ko e Ngaahi Lekooti Toputapú” (4:53)
Huluʻi pē ʻa e 1:30 ʻo e foʻi vitiō 4:53.
Fakaʻaongaʻi ʻo e Vitiō Ko ʻEní
Fakakaukau ke huluʻi e vitiō ko ʻení (mei he 3:23 ki he 4:53) hili hono fakakakato ʻe he kau akó e ʻuluaki fehuʻi ʻe fā ʻi he ʻekitivitī fakakulupu ki he 1 Nīfai 3:21–31. Kimuʻa pea huluʻi e vitioó, fakaafeʻi e kau akó ke kumi ha toe ngaahi fakakaukau te nau maʻu mei he fakamatala ʻa Nīfaí. Huluʻi e vitioó pea kole ange leva ki he kau akó ke nau aleaʻi e fehuʻi 5 ʻi he ʻekitivitī fakakulupú, ʻa ia ʻoku fie maʻu ke vahevahe ai e ngaahi fakakaukau ʻoku nau maʻú.
“Ko Hono Maʻu ʻe Nīfai e Ngaahi Lekooti Toputapú” (4:20)
Fakaʻaongaʻi ʻo e Vitiō Ko ʻEní
Mahalo te ke huluʻi e vitiō ko ʻení ʻo fetongi ʻaki hono fai e ʻekitivitī ko ʻeni mei he naunau fakalēsoní:
“Fakanounouʻi ʻa e toenga ʻo e fakamatala ʻa Nīfai ki he ola lelei hono maʻu e ngaahi peletí (vakai, 1 Nephi 4:19–38), pe fakaafeʻi ha tokotaha ako ʻa ia ʻokú ne ʻilo lelei ʻa e toenga ʻo e talanoá ke ne fai e meʻa tatau.”