15–21 Jenuware: ‘Kam, mo Tekem mo Kakae Frut Ia.’ 1 Nifae 6–10,” Kam Folem Mi—Blong Hom mo Jos: Buk blong Momon 2024 (2024)
“15–21 Jenuware. 1 Nifae 6–10,” Kam Folem Mi—Blong Hom mo Jos: 2024 (2024)
Drim blong Lihae,, i kam long Steven Lloyd Neal
15–21 Jenuware: “Kam, mo Tekem mo Kakae Frut Ia”
1 Nifae 6–10
Drim blong Lihae—wetem rel blong aean, klaod blong tudak, bigfala haos wetem plante spes, mo tri ia wetem frut blong hem we “i swit tumas”—drim ia i wan invitesen, we i kam tru long insperesen, blong yumi kasem olgeta blesing ia blong lav blong Sevya mo sakrifaes blong Hem we i pemaot sin. Be long Lihae, visen ia, i abaot famli blong hem tu: “From samting ia we mi bin luk, mi gat stamba tingting blong glad long Lod from Nifae, mo Sam. … Be luk, Leman mo Lemyul, mi fraet tumas from yutufala” (1 Nifae 8:3–4). Taem Lihae i bin finis blong tokbaot visen blong hem, hem i bin plis long Leman mo Lemyul blong tufala i “lisin gud long ol toktok blong hem, blong maet Lod bae i gat sore long tufala” (1 Nifae 8:37). Iven sapos yu bin stadi plante taem long visen blong Lihae, long taem naoia, tingting long hem long wei we Lihae i bin mekem—tingting long wan we yu lavem hem. Taem yu mekem olsem, sekiuriti blong rel blong aean, ol denja blong bigfala haos, mo swit tes blong frut ia, bae i gat wan niu mining long hem. Mo bambae yu andastanem moa dip “evri filing blong [wan] gudfala papa” we i bin kasem bigfala visen ia.
Ol Tingting blong Stap Lan long Hom mo long Jos
Mi save fogivim ol narafala man.
Wanem filing nao yu gat abaot eksampol blong Nifae long 1 Nifae 7:6–21? ?Olsem wanem nao yumi kasem blesing taem yumi “fogivim gud” wanwan long yumi wetem tru tingting”? Vidio ia “The Lord Delivers Nephi from His Rebellious Brothers” (Gospel Library) i save helpem yu long stadi blong yu.
Blong stap fas strong long toktok blong God i lidim mi i go long Sevya, mo i helpem mi blong filim lav blong Hem.
Visen blong Lihae i givim wan invitesen blong luklukbak long weaples yu stap long wokbaot blong yuwan blong save kam olsem Kraes. Presiden Boyd K. Packer i se: “Yu stap insaed; yumi evriwan i stap insaed. Drim blong Lihae, o visen blong rel blong aean, insaed long hem, i gat evri samting we wan Lata-dei Sent i nidim blong andastanem tes ia blong laef” (“Lehi’s Dream and You,” New Era, Jan. 2015, 2).
Taem yu stadi, tingting long hao yu save oganaesem wan jat olsem hemia ia.
|
Ol simbol long visen blong Lihae |
Ol mining |
Ol Kwestin blong stap tingting hevi long olgeta |
|---|---|---|
Ol simbol long visen blong Lihae Tri mo ol frut blong hem (1 Nifae 8:10–12) | Ol mining | Ol Kwestin blong stap tingting hevi long olgeta ?Mi mi stap mekem wanem blong invaetem ol narawan blong tekem mo yusum lav blong God? |
Ol simbol long visen blong Lihae Reva (1 Nifae 8:13) | Ol mining | Ol Kwestin blong stap tingting hevi long olgeta |
Ol simbol long visen blong Lihae Rel blong aean (1 Nifae 8:19–20,30) | Ol mining | Ol Kwestin blong stap tingting hevi long olgeta |
Ol simbol long visen blong Lihae Klaod blong tudak (1 Nifae 8:23) | Ol mining | Ol Kwestin blong stap tingting hevi long olgeta |
Ol simbol long visen blong Lihae Bigfala bilding we i gat plante spes long hem (1 Nifae 8:26–27,33) | Ol mining | Ol Kwestin blong stap tingting hevi long olgeta |
Ol simbol long visen blong Lihae | Ol mining | Ol Kwestin blong stap tingting hevi long olgeta |
Yu save lukaotem ol ves ia tu blong lanem abaot ol fo grup blong ol pipol we Lihae i bin luk: 1 Nifae 8:21–23, 24–28, 30, mo 31–33. ?Wanem ol defdefren samting we yu luk long wanwan grup ia? ?From wanem sam pipol i bin foldaon afta we oli kasem tri mo testem frut ia (luk long ol ves 24–28)? ?Wanem nao yu lanem aot long eksperiens ia?
Luk tu long Kevin W. Pearson, “Stay by the Tree,” Liahona, May 2015, 114–16; “Lehi Sees a Vision of the Tree of Life” (vidio), Gospel Library.
Letem ol pikinini tu oli serem wanem oli faenem. Tingting blong invaetem ol pikinini blong stadi olgeta skripja olgetawan blong faenem olgeta trutok. Eksampol: yu save invaetem olgeta blong pikimap wan skripja refrens long jat antap ia mo stadi olgetawan o long ol smol grup. Bae oli tingbaot mo tekem long hat blong olgeta ol trutok we oli faenem.
Common Thread, i kam long Kelsy mo Jesse Barrett
Ol profet blong bifo oli bin save abaot misin blong Kraes mo oli bin testifae abaot Hem.
From wanem yu ting se Lod bae i wantem famli blong Lihae—mo yumi evriwan—blong save ol trutok we i stap long 1 Nifae 10:2–16? ?Tingting long olsem wanem yu save helpem olgeta we yu lavem blong invaetem Sevya long laef blong olgeta?
Bae God i soemaot trutok long mi tru long paoa blong Tabu Spirit.
?Hao nao yu ansa, taem oli askem yu blong laef folem wan gospel prinsipol we yu no andastanem? Long ol skripja ia, luk ol defren ansa blong Nifae folem visen blong Lihae (luk long 1 Nifae 10:17–19; 11:1) mo ansa blong Leman mo Lemyul (luk long 1 Nifae 15:1–10). ?Wanem trutok nao Nifae i andastanem we i lidim hem blong ansa olsem we hem i bin mekem?
Wetem eksampol blong Nifae long maen, mekem wan lis blong ol gospel prinsipol we yu laekem blong andastanem moa gud. ?Wanem nao yu save mekem blong faenem ol ansa blong yuwan? (Luk tu long “Trutok Bambae I Mekem Yu Fri” long Blong Ol Yut Oli Kam Strong: Wan Gaed blong Mekem Ol Joes, 30–33.)
Olsem we Nifae i bin faenem hemwan se ol toktok blong papa blong hem oli tru, yumi save mekem semmak taem yumi harem ol toktok blong ol profet mo ol aposol blong tedei. ?Wanem nao ol profet mo aposol i tijim yumi long jeneral konfrens we i jes pas nomo? ?Olsem wanem nao yu bin kasem witnes blong yuwan long wanem we oli bin tijim?
Luk tu long 1 Nifae 2:11–19; Doktrin mo Ol Kavenan 8:1–3; “Search, Ponder, and Pray,” Children’s Songbook, 109; Gospel Topics, “Revelation,” Gospel Library.
Blong moa tingting, luk long ol namba blong manis ia Liahona mo Blong Ol Yut Oli Kam Strong magasin.
Sam Tingting blong Tijim Ol Pikinini
Stap Holemtaet toktok blong God i lidim mi i go long Hem, mo i helpem mi blong filim lav blong Hem.
-
Ating ol pikinini blong yu bae oli laekem blong stap droem wan pikja abaot visen blong Lihae taem yu ridim 1 Nifae 8 tugeta. Lego olgeta i serem ol pikja blong olgeta, mo helpem olgeta blong faenemaot ol simbol we i stap long drim blong Lihae i minim wanem (luk long 1 Nifae 11:21–22; 12:16–18; 15:23–33, 36 mo long aktiviti pej blong wik ia). Askem olgeta blong serem plante ansa we oli save gat long kwestin ia: ?Wanem nao yumi lanem aot long visen blong Lihae?
-
?Yu gat wan samting we i save ripresentem rel blong aean long visen blong Lihae, olsem wan paep o wan stik? Askem ol pikinini blong holem stik ia taem yu lidim olgeta i go raon long rum ia i go long wan pikja blong Sevya. ?From wanem nao aean rel i impoten tumas long visen blong Lihae? (Luk long 1 Nifae 8:26–27, 33). ?Olsem wanem nao rel blong aean i olsem tok blong God?
-
Invaetem sam pikinini blong yu blong ridim 1 Nifae 8:10–12 mo tokbaot gud wanem we Lihae i bin luk. Askem ol narawan blong ridim 1 Nifae 11:20–23 mo tokbaot gud wanem we Nifae i bin luk. ?From wanem nao enjel i soem bebi Jisas long Nifae blong tijim hem abaot lav blong God? Toktok wetem ol pikinini blong yu abaot hao nao oli bin filim lav blong God long ol laef blong olgeta. Wan singsing olsem “I Feel My Savior’s Love” (Children’s Songbook, 74–75) save helpem olgeta blong tingbaot ol eksampol.
Bae God i soemaot trutok long mi tru long paoa blong Tabu Spirit.
-
?Hao nao bae yu helpem ol pikinini blong yu oli andastanem wanem Nifae i bin tijim long 1 Nifae 10:19? Ating yu save foldem wan pikja blong Jisas o wan nara spesel tul insaed long wan blangket mo invaetem ol pikinini blong yu blong karemaot. Taem yu ridim 1 Nifae 10:19, oli save leftemap ol han blong olgeta taem oli harem ol toktok ia “no foldem” mo “Tabu Spirit.” Afta yu save serem wan eksperiens, taem we Tabu Spirit i bin helpem yu faenem trutok.
-
Askem ol pikinini blong tokbaot wanem oli mekem blong faenem ol ansa long wan kwestin. ?Wanem nao bae Nifae i talem sapos wan man i askem long hem olsem wanem nao yumi save faenem ol ansa blong wan kwestin long saed blong gospel? Leftemap tingting blong ol pikinini blong lukaotem taem oli stap ridim 1 Nifae:17–19; 11:1.
-
Ol pikinini blong yu, ?oli bin filim bifo se Tabu Spirit i helpem olgeta i save se wan samting i tru. Letem olgeta oli serem eksperiens blong olgeta. Wanem nao bae yumi talem long wan fren we i ting se hem i no save kasem ol ansa we i kam long Tabu Spirit. ?Wanem nao yumi faenem long 1 Nifae 10:17–19 mo 11:1 we i save helpem fren ia?
Blong kasem moa tingting, luk long namba blong manis ia blong Fren magasin.
Tri blong Laef, i kam long Avon Oakeson