2 ኔፊ 1–2

በ2 ኔፊ 1፥13–29 ውስጥ፣ የላማንን እና የልሙኤልን መንፈሳዊ ሁኔታ ለመግለጽ ሌሂ የተጠቀመውን ቃላት አስተውሉ። ከመንፈሳዊ “ጥልቅ እንቅልፍ” እንድትነቁ ምን ረዳችሁ? በህይወታችሁ ውስጥ መንፈሳዊ “ሰንሰለ[ታችሁን]” እንድትበጥሱ ምን ረዳችሁ? ስለ ሌሂ ምስክርነት በቁጥር 15 ውስጥ እና ስለ ግብዣው በቁጥር 23 ውስጥ አስቡ። በእነዚህ ጥቅሶች ውስጥ የሰማይ አባት ለእናንተ ምን መልዕክት አለው?

ምስል

የሴሚነሪ መለያ

2 ኔፊ 2

በኢየሱስ ክርስቶስ አማካኝነት “ነፃነትን እና ዛላለማዊ ህይወትን ለመምረጥ [ነፃ]” ነኝ።

የሌሂ ቤተሰብ በዚህ ሰዓት በአዲስ ምድር ውስጥ በአዲስ አማራጮች ተከበው ነበር። በዚህ አዲስ ምድር ውስጥ የሚያደረጉት ምርጫዎች ለስኬታቸው እና ለደስታቸው ጠቃሚ ይሆናል። በ2 ኔፊ 2 ውስጥ ሌሂ ልጁ ያዕቆብን ስለ ነፃ ምርጫ ወይም ምርጫዎችን ስለማድረግ ችሎታ ያስተማረው ምናልባት ለዚህ ይሆናል። ቁጥር 11–30ን ስታጠኑ ለእነዚህ ጥያቄዎች ሊሆኑ የሚችሉ መልሶችን ጻፉ።

• ምንም እንኳን አንዳንድ ሰዎች ጎጂ በሆኑ መንገዶች ቢጠቀሙትም ነፃ ምርጫ ለሰማይ አባት በጣም አስፈላጊ የሆነው ለምንድን ነው?

• ጠላት ነፃ ምርጫችሁን ለማዳከም ወይም ለማጥፋት የሚሞክረው እንዴት ነው?

• “ነፃነትን እና ዛላለማዊ ህይወትን ለመምረጥ” አዳኙ እንዴት ነው የሚረዳችሁ (ቁጥር 27)?

በ2 ኔፊ 2 ውስጥ ስለ ነፃ ምርጫ መማርያ ሌላኛው መንገድ ይሄ ነው፦ ነፃ ምርጫ እንዲኖረን እና መለኮታዊ አቅም ላይ ለመድረስ አስፈላጊ የሆኑትን ነገሮች ፈልጉ። ለምሳሌ፦

• 2 ኔፊ 2፥5፦ የመልካም እና የመጥፎ እውቀት፤ ህግ

• 2 ኔፊ 2፥11፣ 16፦

  ማስታወሻ ፍጠር

• 2 ኔፊ 2፥16፦

  ማስታወሻ ፍጠር

• 2 ኔፊ 2፥21፦

  ማስታወሻ ፍጠር

• 2 ኔፊ 2፥6–9፣ 26–28፦

  ማስታወሻ ፍጠር

ከእነዚህ ነገሮች ውስጥ አንዱ ወይም ከዚያ በላይ ቢጠፉ በነፃ ምርጫችን ላይ ምን ይፈጠራል?

የለወጣቶች ጥንካሬ፦ ምርጫዎችን ለማድረግ የሚረዳ መመሪያ እያንዳንዱ ስድስት ክፍሎች “ግብዣዎችን” እና “ቃል የተገቡ በረከቶችን” ይይዛሉ። ከእነዚህ ክፍሎች ውስጥ አንዱን ወይም ከዚያ በላይ ተመልከቱ እና በህይወታችሁ ውስጥ ተስፋ የምታደርጉትን ቃል የተገባለትን በረከትን ምረጡ። ይህንን በረከት ለመቀበል ምን ግብዣን ማድረግ ይኖርባችኋል? እነዚህን ግብዣዎች በመከተል ያገኛችሁትን በረከቶች ለአንድ ሰው ለማካፈል አስቡ።

በተጨማሪም፣ “ነፃ ምርጫ እና ተጠያቂነት [Agency and Accountability]፣”የወንጌል አርዕስቶችች፣ “ይህን እወቁ፣ እያንዳንዱ ነፍስ ነፃ ነው [Know This, That Every Soul Is Free]፣” መዝሙር፣ ቁጥር 240 የወንጌል ቤተ መጽሐፍት ይመልከቱ።

ሌሂ ወጣት ልጁ ያዕቆብ በልጅነቱ ወቅት “በመከራዎች” እና “በበለጠ ሃዘን” እንደተሰቃየ ያውቅ ነበር (2 ኔፊ 2፥1)። በ2 ኔፊ 2፥1–3፣ 6–25 ውስጥ የሌሂ ምስክርነት ለያዕቆብ አስፈላጊ የሆነው ለምን ይመስላችኋል? ለእናንተ ጠቃሚ የሆነው ለምንድን ነው? በተለይ ኃይለኛ ሆነው ያገኛችሁትን ቃላት እና ሃረጎች ፈልጉ። እግዚአብሔር መከራችሁን በድጋሜ የቀደሰላችሁ እንዴት ነው ? (2 ኔፊ 2፥2 ይመልከቱ።)

እንዲሁም ሮሜ 8፥28፤ ዴል ጂ. ረንለንድ፣ “Infuriating Unfairness፣” ሊያሆና፣ ግንቦት 2021 (እ.አ.አ)፣ 41–45 ተመልከቱ።

ብዙ ሰዎች ውድቀት አሳዛኝ ነገር ብቻ እንደሆነ እና ሔዋን እና አዳም ፍሬውን ለመብላት ሲመርጡ ቋሚ ስህተትን እንደሰሩ ያምናሉ። በ2 ውስጥ 2፥15–28፣ ሌሂ ስለ ውድቀት እና በክርስቶስ አማካኝነት ስለ ቤዛነት ተጨማሪ እውነትን ያስተምራል። እነዚህን ጥቅሶች ስትመረምሩ፣ በኤደን ገነት ውስጥ ስለተከሰቱት እውነቶች ዝርዝር ፃፉ። እንደነዚህ ያሉ ጥያቄዎች ሊረዱ ይችላሉ፦

• ውድቀቱ ለምንድን ነበር ያስፈለገው?

• የውድቀቱን ውጤቶች ለማሸነፍ ኢየሱስ ክርስቶስ ምን ሚናን ተጫወተ?

• ውድቀትን በትክክል መረዳታችን ስለ ኢየሱስ ክርስቶስ አስፈላጊነት የበለጠ ለመረዳት የሚረዳን እንዴት ነው?

በተጨማሪም ዳለን ኤች. ኦክስ፣ “ታላቁ የደስታ እቅድ [The Great Plan of Happiness]፣” ኢንዛይን፣ ህዳር 1993 (እ.አ.አ)፣ 72–75 ይመልከቱ።

ምስል

ኢየሱስ ክርስቶስ

• የሌሂን የሃጢያት “ሰንሰለት[ን] [የማውለቅ]” ግብዣ ልጆቻችሁ እንዲገነዘቡ ለመርዳት ምናልባት በወረቀት ሰንሰለትን ለመስራት በጋራ መስራት ትችላላችሁ። በወረቀቶቹ ላይ ልጆቻችሁ ሰይጣን እንድናደርግ የሚፈትነንን ነገሮች ለመፃፍ ሊረዱ ይችላሉ። ከዚያም በጥቅሶቹ ውስጥ ያሉትን ሃረጎች በመተወን ማለትም የወረቀት ሰንሰለቱን በመበጠስ 2 ኔፊ 1፥13፣ 15፣ 23ን በጋራ ማንበብ ይችላሉ። ሃጢያት እንደ ሰንሰለት የሚሆነው እንዴት ነው? ኢየሱስ ክርስቶስ እንዴት ነው “ሰንሰለ[ቱን] [እንድናወልቅ]” የሚረዳን?

• ለልጆቻችሁ የእግዚአብሔር ትእዛዛት ከጫማ፣ ኮፍያ፣ ጓንት ወይም ከሚጠብቁን ሌሎች ነገሮች ጋር ማነፃፀር ሊረዳ ይችላል? ትእዛዛት እንዴት እንደሚጠብቁን በምታስተምሩበት ጊዜ ምናልባት እነሱ የተወሰኑትን እንዲለኩ ልትፈቅዱላቸው ትችላላችሁ። ትእዛዛቱን ስንጠብቅ “እንደምንበለፅግ” (እንደምንባረክ ወይም እንደምንጠበቅ) በማተኮር 2 ኔፊ 1፥20ን ማንበብ ትችላላችሁ። ትእዛዛትን በመጠበቃችሁ የተባረካችሁበትን ወይም የተጠበቃችሁበትን ጊዜ ተሞክሮ አካፍሉ።

• በመበልጸግ እና ከግዚአብሔር መቆረጥ መካከል ያለውን ልዩነት ለማሳየት (2 ኔፊ 1፥20 ይመልከቱ)፣ እናንተ እና ልጆቻችሁ ጤናማ ተክልን እና ከተክሉ የተቆረጠን ቅጠል ወይም ቅርንጫፍ ልትመለከቱ ትችላላችሁ። ከዚያም ልጆቻችሁ ኔፊ እና ወንድሞቹ ያደረጉትን ምርጫዎች መከለስ ይችላሉ (1 ኔፊ 2፥11–16፣ 3፥5–7፤ 18፥9–11 ይመልከቱ)። የእነዚህ ምርጫዎች ውጤቶች ምንድን ነበሩ? ከእግዚአብሔር ጋር ተገናኝተን እንድንቆይ የሚረዱን የትኞቹ ምርጫዎች ናቸው?

• ሌሂ ስለ ተቃራኒዎች እና ምርጫዎችን ስለማድረግ ያስተማረውን ልጆቻችሁ እንዲረዱ ለመርዳት፣ ቃልን የመጥራት ጨዋታን መጫወት ትችላላችሁ (ለምሳሌ ብርሃን ከዚያም ልጆቻችሁ ተቃራኒውን ጨለማ ይላሉ)። 2 ኔፊ 2፥11፣ 16ን በጋራ ስታነቡ ተቃርኖዎች ለምን የእግዚአብሔር እቅድ አካል እንደሆኑ እንዲያውቁ እርዷቸው። የተሳሳተ ምርጫን ለማድረግ ስለሚፈተን ልጅ ታሪኮችን ማካፈል ትችላላችሁ። ልጆቻችሁ የተሳሳተ ምርጫው ተቃራኒ ምን እንደሆነ ሊያካፍሉ እና ሊተውኑት ይችላሉ።

• “በነፃነት” እና “በምርኮ” መካከል ያለውን ልዩነት ለማወቅ (2 ኔፊ 2:27)፣ ልጆቻችሁ በብረት ቤት ውስጥ ያለን እና በተፈጥሮ አካባቢው ውስጥ ያለን የእንስሳ ስዕልን ሊስሉ ይችላሉ። ነፃ የሆነው የትኛው እንስሳ ነው? “ነፃ” የሚለውን ቃል በ2 ኔፊ 2፥27 ውስጥ ሲያነቡ ልጆቻችሁ ትክክለኛውን ምስል እንዲጠቁሙ ጋብዙ። ኢየሱስ ክርስቶስ ነፃ እንድሚያደርገን መስክሩ።

• “ትክክለኛውን ምረጡ [Choose the Right]፣” (መዝሙሮች፣ ቁጥር 239) አይነት መዝሙርን በጋራ ዘምሩ። ከመዝሙሩ ምርጫን ስለማድረግ ምን እንማራለን?