Mataio 19–20; Mareko 10; Luka 18

Ua faateleina, le tatai ese o manatu i le faaipoipoga mai upumoni e faavavau. Ina ia fesoasoani i lau vasega e aoao e uiga i le finagalo o le Atua e uiga i le faaipoipoga, e mafai ona e valaaulia i latou e faitau le Mataio 19:3--9 ma lisi i luga ole laupapa upumoni latou te maua e faatatau i le faaipoipoga. E mafai foi ona latou lisi maia ni upumoni faaopoopo latou te maua i mau nei: Kenese 1:27–28; 1 Korinito 11:11; Mataupu Faavae ma Feagaiga 42:22; 49:15–17; 131:1–4; 132:19; ma le Mose 3:18, 21–24. O faapefea ona faamalolosia nei upumoni i le “O Le Aiga: O Se Folafolaga i le Lalolagi”? (Ensign po o le Liahona, Nov. 2010, 129)

E mafai faapefea ona e fesoasoani i tagata o le vasega ia lagonaina ua saunia atili e faamalamalama pe puipuia aoaoga a le Alii i le faaipoipoga? E mafai ona e valaaulia i latou e lisi i le laupapa ni nai fesili ua latou faalogo ai e uiga i aoaoga a le Ekalesia e faatatau i le faaipoipoga. Ona mafai lea ona latou fautuaina mai ni tali i nei fesili e faaaoga ai mea ua latou iloa e uiga i le ata ole faaolataga ma faamatalaga mai le “O Le Aiga: O Se Folafolaga i le Lalolagi,” Mataio 19:3–9, ma aoaoga o i le “Punaoa Faaopoopo.” Fuafua e valaaulia tagata o le vasega e faatino i taga le auala atonu latou te faamalamalama atu ai o tatou talitonuga e uiga ile faaipoipoga i se tasi e ese ona talitonuga.

Mafaufau e folasia atu le autu e uiga i le faaipoipoga ma le upusii lea mai ia Elder Robert D. Hales: “None of us marry perfection; we marry potential” (“Fetaiai ma Luitau o le Lalolagi i lenei Vaitaimi,” Ensign po o le Liahona, Nov. 2015, 46). Valaaulia le vasega e mafaufau i se ulugalii faaipoipo latou te mata’ina. O a uiga auaumama o i ai i lenei ulugalii? O a uiga auaumama e mananao i ai tagata o le vasega i se toalua, ma pe o a uiga auaumama latou te mananao e atinae ina ia avea ai o se toalua lelei? Mafaufau foi pe o a faamatalaga e mafai ona e faaaogaina mai le savali a Peresitene Russell M. Nelson “Faaipoipoga Faaselesitila” (Ensign po o le Liahona, Nov. 2008, 92–95) e fesoasoani e musuia ai tagata o le vasega e sailia se faaipoipoga faaselesitila.

O le a se mea e fesoasoani i tagata o lau vasega e faaaoga mataupu faavae o i le faataoto i le aufaigaluega i le tovine? E mafai ona e valaaulia ni nai tagata o le vasega e sauniuni se tala faatino o le faataoto e fai i le vasega. A uma le tala, e mafai e tagata na fai ma tagata faigaluega ona faasoa o latou lagona e uiga ile totogi sa latou maua ma le mafuaaga. O le a se mea o fautuaina mai i lenei faataoto e uiga i le malo o le lagi? O a ni malamalamaaga faaopoopo e maua e tagata o le vasega mai lenei faataoto mai le savali a Elder Jeffrey R. Holland “O Le Au Faigaluega i le Tovine”? (Ensign po o le Liahona, Me 2012, 31–33).

E mafai faapefea ona fesoasoani tagata o le vasega e faailoa ma faaaoga mataupu faavae o i le tala i le taulealea mauoa? O se tasi faiga ole fai atu ia i latou e faitau le Mareko 10:17–27 ma mafaufau pe i ai se taimi na latou lagona ai faapei o le taulealea mauoa. O le a se mea na fesoasoani ia i latou e mulimuli ai i le fautuaga a le Faaola tusa lava pe faigata? Pe mafai e se tasi i le vasega ona faasoa maia se aafiaga na ia fesili ai, “Se a se mea o toe ou te lei faia?” (Mataio 19:20) ma maua se uunaiga patino e faaleleia atili? O le a le eseesega na faia ai i lona olaga?

O le faataoto a le Faaola na faatusatusa ai le tatalo ale Faresaio ma le tatalo a le telona, e mafai ona fesoasoani ia te oe e faamamafaina ai le uiga e finagalo ai le Alii mai ia i latou o e saili e mulimuli ia te Ia. Ina ia fesoasoani i tagata o le vasega e faatatau lenei faataoto i o tatou aso e mafai ona e valaaulia i latou e toetusi le tatalo a le Faresaio i se faiga e faaaoga ai auiliiliga o aso nei ae ia ta’u atu i le uiga lava e tasi. E mafai ona latou faia le mea lava lenei i le taalo a le teleona ona fefaasoaai lea o mea sa latou tusia. E faapefea ona feaiaa’i ia fuaiupu 15–17 ma 18–24

E mafai faapefea e nei fuaiupu ona musuia i latou e te aoaoina ina ia tumau i le lotomaualalo e faapei o le telona? Atonu e mafai ona fesoasoani le saunoaga lea e faatatau i fuaiupu na saunoa i ai Elder Dale G. Renlund: “E manino le savali mo i tatou: o se tagata agasala ua salamo e latalata atu ile Atua nai lo le tagata faafia-amiotonu o le ta’usalaina le tagata agasala” (“O Lo Tatou Leoleo Mamoe LeleI,” Ensign po o le Liahona, Me 2017, 31).