Ioane 7--10

I le Ioane 7--10 atoa, sa faia ai e le Faaola ni tautinoga e mafai ona fesoasoani i tagata o le vasega e malamalama atili ai i Lana misiona ma latalata atili atu ai ia te Ia. Mafaufau e valaaulia le vasega e faitau ia fuaitau nei o mau, ma faasoa mai po o a mea o aoao mai ai e uiga i le misiona paia a le Faaola. O faapefea ona faataunuu e Keriso nei mea i o tatou olaga?

• Ioane 7:37–39:“Afai e fia inu se tasi, ina sau ia ia te au e inu ai”

• Ioane 8:12; 9:4–5: “O le malamalama o le lalolagi.”

• Ioane 8:58: “Sa a’u i ai ao lei iai se Aperaamo” (tagai i le otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga mo malamalamaaga e uiga i lenei fuaiupu)

• Ioane 9:8–10, 35–38: “O Le Alo ole Atua”

• Ioane 10:7–9: “O le faitotoa”

• Ioane 10:11–14:

E mafai ona malamalama atili tagata o le vasega pe faapefea e le ola ai i se poloaiga ona fausia se molimau pe afai latou te faatusatusaina lenei mamanu i le faagasologa o le aoaoina o se tomai e ala i aafiaga faaletagata lava ia. Mo se faataitaiga, e mafai ona e valaaulia ia tagata o le vasega e iloa ‘ati pe tata se mea fai musika e faamalamalama pe na faapefea ona latou atinae nei tomai. Na faapefea ona tele atu mea na latou aoaoina i le faata’ita’i e i latou lava nai lo le na ona matau se isi tagata o faatinoina le tomai? I le avea ai o se vasega, talanoaina pe faapefea ona faatusatusa le taumafaiga sa aofia ai i le aoaoina o se tomai i le mamanu faaleagaga na faamatala mai e le Faaola i le Ioane 7:14–17 O le a se poto masani e mafai e tagata o le vasega ona faasoa mai e uiga i le mulimuli ai i lenei mamanu ia maua ai le malamalama faaleagaga?

E mafai faapefea ona faapupula ia upmoni o loo aoao mai i le Ioane 7:14–17? O se tasi manatu o le fai i tagata o le vasega e faasoa mai ia aafiaga na latou maua ai se molimau i le moni o le talalelei e ala i le ola ai. O le tala na faamatala e Sister Bonnie L. Oscarso i le “Punaoa Faaopoopo” o se faataitaiga lelei foi lena. Tuu atu i le vasega se taimi e mafaufau ai i se mataupu faavae latou te mananao ia maua ai se molimau e malosi atu, ona fautuaina lea o i latou e faatutu ni sini patino e ola atoatoa atili ai i lena mataupu faavae.

Na matauina e Elder Jeffrey R. Holland: “E i ai nisi o i le lalolagi o i ai nei ua mafatia mai le talitonuga sese ua faapopole ai e uiga i le [Atua le Tama]. … E toatele tagata i ona po nei ua fai mai atonu latou te lagona le mafanafana i aao o Iesu, ae faigata ona latou mafaufau i le feiloaiga matautia ma le Atua”“O Le Silisiliese o le Atua,” Ensign po o le Liahona, Nov. 2003, 71). O a mea o aoao mai i upu ale Faaola o i le Ioane 8:18–19, 26–29 e uiga i le sootaga i le va o Ia ma Lona Tama? A uma ona faitau ma talanoaina nei fuaiupu, e mafai e le vasega ona lisi i le laupapa nisi o mea na fetalai i ai Iesu, pe aoao mai. O le a se mea ua tatou aoao ai e uiga i le Atua mai nei mau?

Ia i latou e manatu ua tausalaina ona o a latou agasala, e mafai ona avea le tala i le ofoina atu e le Faaola ole alofamutimutivale ma le salamo i le fafine na molia atu i le mulilua, o se punavai o le faamalosiauga. Pe afai foi ua lagona e tagata o le vasega ua tofotofoina e tausalaina isi ona o a latou agasala, e mafai ona avea le tala o se lapataiga. E mafai ona e valaaulia i latou e faitau le Ioane 8:1--11, ma vaavaai mo tali i fesili e pei o nei: O le a le mea o aoao mai e lenei tala e uiga i le alofamutimutivale o le Faaola? E mafai faapefea ona fesoasoani ia i tatou le mauaina o Lona alofamutimutivale pe a tatou manatu ua faaosoosoina i tatou e faamasino atu i isi? (tagai Alema 29:9–10). E mafai foi ona e faaalia le vitio “Go and Sin No More” (LDS.org

Ina ia fesoasoani tagata o le vasega e sue le taua patino i le Ioane 8:1--11, mafaufau e vavae le vasega i ni vaega se tolu---o le tasi e taulai i upu ma taga a le au Faresaio, o le isi e taulai i upu ma taga a le Faaola, a o le isi e taulai i upu ma taga a le fafine. Valaaulia vaega taitasi e fai se lisi o upumoni faaleagaga ua latou aoao mai le faitauina o vaega taitasi o le tala.

O nisi taimi tatou te le iloa ia ala tatou te faamasino ai isi. O se gaoioiga lea e fesoasoani i tagata o le vasega e faatoilalo ai lea manatu: Fai i le vasega e fesoasoani ia te oe e fai se lisi o auala tatou te faamasino ai tagata (o o latou foliga vaaia, o a latou amioga, o o latou talaaga, ma isi mea). Tuu atu i tagata o le vasega ni fasipepa ua oti i ni foliga o se ma’a, ma fai i ai e fiifili se ala o le faamasinoina o isi latou te lagona ua tausalaina ma tusi i luga o se ma’a pepa. O le a se mea ua tatou aoao mai upu a le Faaola i le au Faresaio i le Ioane 8:1--11? Valaaulia le vasega e tusi i le isi itu o a latou ma’a pepa se mea o le a faamanatu atu ai ia i latou e aua nei faamasino atu (atonu o se fasifuaitau mai le Ioane 8).