Mateu 27; Marku 15; Lluka 23; Gjoni 19

Për ta ndihmuar klasën tuaj që të kuptojë se si rrëfimet e vdekjes së Shpëtimtarit e shfaqin dashurinë e Tij, provoni një veprimtari si kjo: Jepini çdo anëtari të klasës një zemër letre dhe ftojini të shkruajnë brenda zemrave të tyre një frazë nga 1 Korintasve 13:4–7 që përshkruan dashurinë hyjnore. Më pas vërini të bëjnë kërkime te Mateu 27; Marku 15; Lluka 23 ose Gjoni 19 dhe të shkruajnë në anën tjetër të zemrave të tyre disa vargje që tregojnë se si Shpëtimtari e shfaqi dashurinë e përshkruar në frazën që ata zgjodhën. Lejojini të tregojnë atë që gjejnë. Cilat përvoja i kanë ndihmuar anëtarët e klasës që ta kuptojnë dashurinë e Shpëtimtarit?

Pamja

kurorë me ferra

Çfarë mund të bëni për t’i nxitur anëtarët e klasës që t’i shprehin dëshmitë e tyre për atë që e mësuan këtë javë? Merreni parasysh që t’i ftoni anëtarët e klasës të gjejnë një himn i cili përshkruan ngjarjet që i lexuan, ose ndjenjat e tyre rreth vuajtjes dhe Kryqëzimit të Shpëtimtarit. Merreni parasysh të këndoni një ose më shumë prej këtyre himneve si klasë. Si na frymëzon studimi rreth orëve të fundit të Shpëtimtarit që t’i mirëbesojmë Atij dhe ta ndjekim Atë?

Arti mund t’i ndihmojë anëtarët e klasës që t’i përfytyrojnë disa prej ngjarjeve për të cilat lexuan këtë javë (shih “Burime Shtesë” për figura të sugjeruara). Ndoshta ju mund ta ndani klasën në grupe dhe t’i jepni një figurë secilit grup. Grupet mund të lexojnë së bashku vargjet që përshkruajnë atë që paraqitet në figurën e tyre. Ata mund të diskutojnë kuptimin e vargjeve dhe të tregojnë se si figura i ndihmon për t’i kuptuar më mirë vargjet. Secili grup mund t’ia tregojë mendimet e tij klasës. Ju gjithashtu mund të merrni parasysh të shfaqni materialet filmike “Jesus Is Condemned before Pilate” [“Jezusi Dënohet përpara Pilatit”] dhe “Jesus Is Scourged and Crucified” [“Jezusi Fshikullohet dhe Kryqëzohet”] (LDS.org).

Ju nuk do të jeni në gjendje t’i diskutoni të gjitha hollësitë rreth orëve të fundit të Shpëtimtarit si klasë, por ja një veprimtari që mund t’ju ndihmojë të diskutoni hollësitë që janë më domethënëse për njerëzit të cilëve u jepni mësim. Ftojeni secilin anëtar të klasës që të zgjedhë një kapitull nga leximi i kësaj jave dhe shpenzoni disa minuta duke i hedhur një vështrim të shpejtë, duke kërkuar një fjalë, një frazë apo një hollësi që u mëson atyre diçka domethënëse rreth Shpëtimtarit dhe misionit të Tij. Jepuni atyre mundësi që të tregojnë atë që gjetën, dhe të shpjegojnë përse është domethënëse për ta.

Kjo mund ta forcojë besimin e atyre të cilëve u jepni mësim, që ta dinë se profetët e lashtë i paratreguan shumë prej ngjarjeve të orëve të fundit të Shpëtimtarit. Një mënyrë për t’i ndihmuar anëtarët e klasës t’i shqyrtojnë këto profeci dhe të shohin se si u përmbushën ato, do të ishte t’i jepni çdo personi një ose më shumë prej shkrimeve të shenjta te pjesa “Burime Shtesë” dhe t’u kërkoni atyre të gjejnë vargjet te Mateu 27 që tregojnë se si u përmbushën shkrimet e shenjta. Ju mund të bëni një skicë që i përputh profecitë me përmbushjet e tyre. Ju mund të sugjeroni që anëtarët e klasës t’i shkruajnë vargjet që përmbajnë profecitë, në anët e shkrimeve të tyre të shenjta te Mateu 27. Çfarë mësojmë nga këto profeci? Si e forcojnë këto profeci besimin tonë te Jezu Krishti?

Disa prej anëtarëve të klasës suaj mund të jenë përballur me kundërshtim – të tillë si gjykim nga njerëzit apo përqeshje – kur i kanë shprehur bindjet e tyre ose janë përpjekur ta jetojnë besimin e tyre. Merreni parasysh ta filloni diskutimin tuaj duke u kërkuar disa prej anëtarëve të klasës që të tregojnë përvoja kur ka ndodhur kjo. Në ç’mënyrë u përgjigjën ata? Ftojini anëtarët e klasës të lexojnë disa prej këtyre vargjeve nga Mateu 27; Marku 15; Lluka 23 dhe Gjoni 19 që përshkruajnë përndjekjen me të cilën u përball Shpëtimtari. Me çfarë lloj kundërshtimi përballet puna e Perëndisë sot? Çfarë mund të mësojmë nga përgjigjet e Shpëtimtarit që mund të na ndihmojnë për t’u përballur me kundërshtimin në jetën tonë? Shkrime të tjera të shenjta që mund të na ndihmojnë kur përballemi me kundërshtim, përfshijnë Mateun 5:10; Romakëve 12:14; 2 Timoteut 3:10–12; Almën 1:19–28 dhe 3 Nefin 12:10–12. Çfarë mësojmë nga këto vargje?

A do të jetë e dobishme për anëtarët e klasës që ta lexojnë rrëfimin për Shpëtimtarin, i cili i kërkoi Atit që t’i falte ushtarët dhe t’i jepte shpresë keqbërësit në kryq? Merreni parasysh ta ndani klasën në dy grupe dhe t’i caktoni njërit grup të lexojë Llukën 23:34–38 (përfshirë vargun 34, poshtëshënimin c, i cili jep ide nga Përkthimi prej Joseph Smith-it) dhe grupit tjetër të lexojë Llukën 23:39–43. Anëtarët e secilit grup mund të diskutojnë atë që mësojnë rreth Shpëtimtarit nga këto vargje, dhe më pas t’ua shprehin mendimet e tyre të gjithë klasës. Si mund ta ndjekim shembullin e Shpëtimtarit?

Për ta ndihmuar dikë në klasën tuaj, që mund ta ketë të vështirë t’i falë të tjerët sikurse e bëri Jezusi, merreni parasysh të lexoni thënien nga Plaku Xhefri R. Holland në pjesën “Burime Shtesë”.