“E na kainamatako te Koaua,” Ibukin Kakorakoraia Kairake: Te Kairi ni Karaoan Rinerine (2022)
“E na kainaomatako te Koaua,” Ibukin Kakorakoraia Kairake
E na kainaomatako te Koaua
Ioane 8:32
Tamam are i Karawa bon te Atua ae koaua. E bon atai bwaai-ni kabane. Ni kabane koaua a roko mai Irouna ao ni kairaki Nakoina. Ko kaotia bwa a kakawaki koaua ake ko ukori n reiakin, maiuna te kokoaua, ao n tei ninikoria ibukin ataakin te eti—e ngae ngkana bon ti ngkoe.
Koaua aika akea tokiia
Tamara are i Karawa e tangiriia Natina aine ma mwaane n reiakinaki n taainako. Iai iroumi nanon te maiu n tamnei ao rabwata ni ukoria ao tangira te reiakinaki. Te reirei bon tiaki ti taekan karekean te mwane. Bon mwakoron ami kouru ae akea tokina n riki n ai aron Tamara are i Karawa.
Maiuakinan te kokoaua e nanonaki bwa ko tangira te koaua ma nanom ni kabane—nakon riki tangiran mwengaraoim, kinaakim, ke waekoan mwaawan am tai. E nanonaki karaoan ae eti bwa bukina e bon eti.
Iai bwaai aika kakawaki bwa ko na tibwaia. Ana euangkerio Iesu Kristo iai taian kaeka nakon titirakin te maiu. Bon te kawai nakon te rau ao te kukurei. Tao ko na bon aki atai bwaai ni kabane, ma ko na ataa ae tau ni buokiia tabeman n oota ao ni kabongana te koaua, reirei ae akea tokina.
Kakao
Reiakinna n taainako. Tarai aanga aika ana karababaa am iango ao am konabwai. Aanga aikai a kona n reita reirei aika riai ke kataneiai ni mwakuri n aron naba te reiakinaki man bwaai n ibuobuoki ake ko onimakin. Kairekerekea te Uea inanon am kekeiaki, ao E na kairiko. Ngkana ko reiakina taekan te aonaaba ni katobibiko, reiakina naba taekan te Tia Kamaiu, are e karika te aonaaba. Kamatebwaia Maiuna ao ana reirei. Karaoa te tieminari, intituute, ao kamatebwaia te euangkerio i bon iroum bwa mwakoron reiakinam inanon maium.
Tangira te koaua ni kabatia bwa ko na aki tangira te ira, kewe, babakanikawai, ke mwamwanai ni kawai nako—n te reirei, n te mwakuri, iaonrain, taabo ni bane. Riiki n aron te tia ririmwia Iesu Kristo ae kakaonimaki i mataia aomata ao ae n ti ngkoe iai.
Riiki bwa te ota ibukiia tabeman. Kaotiko n am taeka ao am mwakuri ni katerea am onimaki iroun Iesu Kristo. Katauraoi ngkai ibukin am tai n taai aika ana roko n tibwaua Ana euangkerio, n aron te mitinare ao rinanon bongin maium. Ao tauraoi n tuanga temanna are e titirakiniko iaon te kantaninga ao te kukurei are ko namakinna.
Berita aika beritanaki
Te reirei e karikirakea am atatai ni beku ibukin te Uea. E anganiko bwa ko na kona ni kakabwaia tabeman, riki am utu. Mwaitin are ko reiakinna, mwaitin riki are ko kona ni buoka katean abanuean te Atua ao n anaa nanon te aonaaba ibukin te raoiroi.
Ni koauana e uota te rau ao te ika-rinerine. Ngkana am taeka ao am mwakuri a boraoi ma te koaua, ko kaotia bwa ko kona n onimakinaki—irouia tabeman aomata ao iroun te Uea.
Ngkana ko tei rake ibukin ana reirei Iesu Kristo, E tei ma ngkoe. Tabeman a na aki boraoi ma ngkoe, ma ninikoriam ao onimakinam e na nooraki. Tao tabeman a na ira am katooto ke a na aki, am kakoaua, koaua raoi, ao onimakinan Kristo e na rikirake.
Titiraki ao kaekaaia
E bure ngkana iai am titiraki iaon te Ekaretia? N na kanga ni kunea kaekaaia? Karekean te titiraki bon tiaki kanikinaean te mamaara ke aki taun te onimaki. Ni koauana, titirakin taian titiraki e kona ni buoka katean te onimaki. Kaokan te euangkerio e moanaki ngke 14 ana ririki Iotebwa Timiti n titirakin taian titiraki ma te onimaki. Ukorii kaekaaia inanon koroboki aika tabu, n aia taeka ana burabeti te Atua, mairouia am taan kairiiri ao kaaro aika kakaonimaki, ao mairoun te Atua boni Ngaia. Ngkana akea te kaeka ae roko n te tai naba anne, kakoaua are ko na reiakinna teutana imwin teutana. Teimatoa bwa tera ae ko maiuakinna are ko a kaman ataia, ao teimatoa ukori koaua.
N na kanga n tei rake ibukin te bwai ae eti n aki kauniia koraki ake a kaokoro aia onimaki? Moanna man karaoan raoi am taeka bwa ana mwakuri man kaunganano man ana tangira te Atua ao Natina. Tibwauan te euangkerio e riai n aki karaoaki n tamnei n te kakauntaeka ma e na mataata, nanorinano, ao akoakoi. Ko kona n riki n tatangira nakoia tabeman engae ngkana ko aki boraoi ma aia iango.
Taraa Mataio 5:14–16 (kaoti ami oota); Ioane 14:6 (Iesu bon te koaua); 1 Betero 3:15 (tauraoi n tainako n tibwa am kantaninga iroun Kristo); Reirei ao Berita aika Tabu 88:77–80 (bwaai ae tangiria te Uea bwa ti na reiakin); 93:36 (mimitongin te Atua bon te rabakau); 124:15 (te raoiroi nanona bon tangiran te bwai ae eti); 130:18 (raoiroira e na uti ma ngaira ngkana ti mangauti).
Titiraki ibukin beeba ni kariaia nakon te tembora
Ko kekeiaki bwa ko na kokoaua ni bwaai ni kabane aika ko karaoi?