තනි සාමාජිකයන්

ස්ටේක සභාපතිත්වය විසින් තරුණ තනි වැඩිහිටි කමිටුවක් නිර්මාණය කරනු ලබයි.

ස්ටේක සභාපතිත්වය විසින් තනි වැඩිහිටි කමිටුවක් ද නිර්මාණය කරනු ලබයි.

සාමාජිකයින්ට මිත්‍රත්වය සහ ගැලවීමේ සහ උත්කර්ෂවත් වීමේ කාර්යයට සහභාගී වීමට ඇති අවස්ථාවන් තුළින් සහාය වීමට මෙම කමිටු උත්සාහ කරයි (බලන්න 14.2).

ගැලවීමේ සහ උත්කර්ෂවත් වීමේ කාර්යයට තනි සාමාජිකයන්ව යොදා ගැනීම සඳහා සභානායකත්වය මූලික වේ. තනි සාමාජිකයින් සඳහා ඉදිරිපත් කළ හැකි අර්ථවත් කැඳවීම් සහ පැවරුම් හඳුනා ගැනීමට ඔවුන් කොට්ඨාශ මන්ත්‍රණ සභාව සමඟ කටයුතු කරති. ඔවුන් තනි දෙමාපියන්ගේ අවශ්‍යතා හඳුනාගෙන ඒවා සපුරාලීමට උත්සාහ කරති.

• සභාපතිත්වයේ සාමාජිකයෙකු සෑම තරුණ තනි වැඩිහිටියෙකු සමඟම අවම වශයෙන් වසරකට වරක්වත් හමුවෙයි.

• සභානායකවරයාට කොට්ඨාශ තරුණ තනි වැඩිහිටි කමිටුවක් සංවිධානය කළ හැකිය.

තරුණ තනි වැඩිහිටියන්ට සහාය වීම සඳහා වැඩිහිටි ගණපූරණ සහ සහන සමිති සභාපතිවරුන්ට ඔවුන්ගේ සභාපතිත්ව වලින් එක් පුද්ගලයෙකු බැගින් පත්කළ හැකිය. මෙම සභාපතිත්ව සාමාජිකයන් විසින් තරුණ තනි වැඩිහිටියන්ගේ ශක්තීන් ගැන ඉගෙන ගන්නා අතර ඔවුන්ගේ අවශ්‍යතා සපුරාලීමට උපකාර කරනු ලබයි.

වැඩිහිටි ගණපූරණ සභාපතිවරයාට සහ සහන සමිති සභාපතිනියට මෙම උත්සාහයන් පිළිබඳව කොට්ඨාශ මන්ත්‍රණ සභා රැස්වීමේදී වාර්තා කළ හැකිය.

බොහෝ තරුණ තනි වැඩිහිටියන් සිටින කොට්ඨාශයක, තරුණ තනි වැඩිහිටි පිරිමියෙකු සහ කාන්තාවක්ව තරුණ තනි වැඩිහිටි නායකයින් ලෙස කැඳවීමට සභානායකත්වයට හැකියාව ඇත. ඔවුන්ගේ වගකීම්වලට ඇතුළත් වන්නේ:

• ගැලවීමේ සහ උත්කර්ෂවත් වීමේ කාර්යයට සහභාගී වීමට තරුණ තනි වැඩිහිටියන්ට උපකාර කිරීම (බලන්න 14.2).

• ස්ටේක තරුණ තනි වැඩිහිටි කමිටුවේ සේවය කිරීම.

• කොට්ඨාශ තරුණ තනි වැඩිහිටි කමිටුවක් නිර්මාණය කළහොත් එයට නායකත්වය දීම.

• වැඩිහිටි ගණපූරණ සභාපතිත්වය සහ සහන සමිති සභාපතිත්වය සමඟ ක්‍රමවත්ව හමුවීම. මෙම රැස්වීම්වලදී, ඔවුන් තරුණ තනි වැඩිහිටියන්ගේ ශක්තීන් සහ ඔවුන්ගේ අවශ්‍යතා සපුරාලීමට උපකාර කරන්නේ කෙසේද යන්න සාකච්ඡා කරති. ඔවුන් තරුණ තනි වැඩිහිටියන්ට දේවසේවය කිරීම කෙරෙහි ද අවධානය යොමු කරති.

සහභාගී වීමට කැමති නායකයින් හෝ සාමාජිකයින්ට තනි වැඩිහිටියන් සඳහා නිවාස සන්ධ්‍යා කණ්ඩායම් එකක් හෝ කිහිපයක් සහ තරුණ තනි වැඩිහිටියන් සඳහා වෙනත් කණ්ඩායම් ද සංවිධානය කළ හැකිය.

කොට්ඨාශ හෝ ස්ටේක නායකයින්ගේ මගපෙන්වීම යටතේ, තරුණ තනි වැඩිහිටියන්ට ඔවුන් සඳහා විශේෂයෙන් ක්‍රියාකාරකම් සැලසුම් කර ඒවාට සහභාගී විය හැකිය. උදාහරණ ලෙස:

• දේවමාළිගා චාරිකා.

• පවුල් ඉතිහාස කාර්යය.

• ශුභාරංචිය බෙදාගැනීම.

• ප්‍රජා සේවාවන්.

• සංගීත හා සංස්කෘතික සිදුවීම්.

• ක්‍රීඩා.

ස්ටේක නායකයන්ගේ මගපෙන්වීම යටතේ, තනි වැඩිහිටියන්ට ස්ටේක මට්ටමින් ඒ හා සමාන ක්‍රියාකාරකම් සැලසුම් කළ හැකිය.