ධර්මදූත නිර්දේශ සහ සේවය

බොහෝ තරුණ ධර්මදූතවරුන්ව පවරා ඇත්තේ නිවසින් බැහැරව ශුභාරංචිය ඉගැන්වීමට ය. මෙම පැවරුම් ප්‍රේරිතවරුන්ට එළිදරව් මගින් ලබා දී ඇත. මෙම ධර්මදූතයින් ධර්මදූත සභාපතිවරයෙකුගේ මගපෙන්වීම යටතේ සේවය කරති.

සමහර තරුණ ධර්මදූතයින්ව නිවසේ ජීවත් වෙමින් සභාවේ සහ ප්‍රජාව තුළ සේවය කිරීම සඳහා පවරා ඇත. මෙම පැවරුම් ප්‍රේරිතවරුන්ට එළිදරව් මගින් ලබා දී ඇති අතර සේවා ධර්මදූතයක් සඳහා වඩාත් සුදුසු තත්වයන් ඇති අපේක්ෂකයින්ට ඒවා ලබා දෙනු ලැබේ (බලන්න 24.3.3).

සියලුම ජ්‍යේෂ්ඨ ධර්මදූතයින්ව, ඉගැන්වීමට පුද්ගලයින්ව සොයා ගැනීමට සහ බව්තීස්මයට සූදානම් වීම සඳහා ඔවුන්ට උපකාර කිරීමට දිරිමත් කරනු ලැබේ. පහත සඳහන් අයට සහ ආකාර වලට සහය වීම සඳහා ද ජ්‍යේෂ්ඨ ධර්මදූතයින්ව පැවරිය හැකිය:

• සාමාජිකයින්ට සහ ප්‍රාදේශීය සහ දේශීය නායකයින්ට.

• සභාවේ අංශ සහ පහසුකම් වලට.

• පුණ්‍යායතන සංවිධාන වලට.

ජ්‍යේෂ්ඨ ධර්මදූතයින්ගෙන්, තරුණ ධර්මදූතයින් මෙන් එකම වේලාවක වැඩ කිරීමට, එකම ක්‍රියාකාරකම් සිදු කිරීමට හෝ එකම අරමුණු ඉටු කිරීමට ඉල්ලා සිටින්නේ නැත.

ජ්‍යේෂ්ඨ ධර්මදූතයින් සඳහා පැවරුම් දෙනු ලබන්නේ ප්‍රේරිතවරුන් ලබන එළිදරව් මගිනි. අපේක්ෂකයින්ට පැවරුමක් සඳහා මනාපයක් ප්‍රකාශ කළ හැකි නමුත් ඕනෑම පැවරුමක් පිළිගැනීමට කැමැත්තෙන් සිටිය යුතුය.

සාමාජිකයින්ට ඔවුන්ගේ නිවෙස් කොට්ඨාශයේ හෝ ස්ටේකයේ ඇති කැඳවීම් වලට අමතරව, ඔවුන්ට ජ්‍යේෂ්ඨ සේවා ධර්මදූතයින් ලෙස ස්වාමින්වහන්සේට සේවය කළ හැකිය. මෙම ධර්මදූතයින් සභාවේ අංශ, පහසුකම් සහ ධර්මදූතවල වටිනා සේවාවක් ලබා දෙති (බලන්න 24.7.1). ඔවුන් නිවසේ ජීවත් වෙති.

ජ්‍යේෂ්ඨ සේවා ධර්මදූතවරුන්ව කැඳවනු ලබන්නේ ස්ටේක සභාපතිවරයා විසිනි. ඔවුන් ඔහුගේ මගපෙන්වීම යටතේ සේවය කරති. ඔවුන් සෑම සතියකම සේවය කරන කාලය රඳා පවතින්නේ ඔවුන්ගේ ධාරිතාව, ඔවුන්ගේ ප්‍රදේශයේ සේවා අවස්ථා සහ ප්‍රාදේශීය සභාපතිත්වයේ මගපෙන්වීම මත ය.

පහත වගුව ධර්මදූත පැවරුම් වර්ග සාරාංශ කරයි.

අනාගතයේ ධර්මදූතයින් වීමට සිටිනා අය යේසුස් ක්‍රිස්තුස්වහන්සේ වෙතට සහ උන්වහන්සේගේ නැවත පිහිට වූ ශුභාරංචිය වෙතට ඔවුන්ගේ හැරීම ශක්තිමත් කරගැනීමට උත්සාහ කරති.

අනාගතයේ ධර්මදූතයින් වීමට සිටිනා අය ආත්මයාණන්ගේ සහකාරත්වයට සුදුස්සන් වීමට උත්සාහ කරති. ඵලදායී ධර්මදූත සේවයක් සඳහා මෙය අවශ්‍ය වේ (බලන්න දහම සහ ගිවිසුම් 42:13–14).

ධර්මදූත සේවය අභියෝගාත්මක ය. තරුණ ඉගැන්වීමේ ධර්මදූතවරුන් ඒ සඳහා කැපවිය යුතු අතර ඔවුන්ට සම්පූර්ණ ධර්මදූත කාලසටහනට අනුව වැඩ කිරීමට ශාරීරිකව, මානසිකව සහ චිත්තවේගීයව හැකියාව තිබිය යුතුය.

පවුලේ සාමාජිකයන්, සභානායකවරුන් සහ අනෙකුත් නායකයින් ධර්මදූතයක සේවය කිරීමට සූදානම් වීමට යෞවනයින්ට උපකාර කරති.

පවුලේ සාමාජිකයන් සහ නායකයින් සියලුම ධර්මදූත අපේක්ෂකයින්ව පහත දේවල් අධ්‍යයනය කිරීම සඳහා දිරිමත් කරති:

• මොර්මොන්ගේ පොත සහ අනෙකුත් ශුද්ධලියවිලි.

• මාගේ ශුභාරංචිය දේශනා කරන්න.

• තාක්ෂණය භාවිතා කිරීම සඳහා වන ආරක්ෂණ.

පවුලේ සාමාජිකයන් සහ නායකයින්, සියලුම අපේක්ෂකයින්ට ධර්මදූත ප්‍රමිතීන් අනුගමනය කිරීමට කැපවී සිටීම සඳහා උපකාර කරති. ඔවුන්ට ලැබිය හැකි පැවරුමට අදාළ ධර්මදූත ප්‍රමිති අත්පොත අධ්‍යයනය කිරීමට ඔවුන් අපේක්ෂකයින් දිරිමත් කරති:

• තරුණ ඉගැන්වීමේ ධර්මදූතයින් සඳහා: Missionary Standards for Disciples of Jesus Christ [යේසුස් ක්‍රිස්තුස්වහන්සේගේ ගෝලයන් සඳහා වූ ධර්මදූත ප්‍රමිති]

සියලුම අපේක්ෂකයින් වෛද්‍ය වෘත්තිකයන් ලවා ඔවුන්ගේ සෞඛ්‍ය සූදානම තක්සේරු කරගැනීම අවශ්‍ය වේ.

සෑම අපේක්ෂකයෙකු සමඟම සභානායකවරයා සහ ස්ටේක සභාපතිවරයා ගැඹුරු, අධ්‍යාත්මික බව සෙවීමේ සහ නඟා සිටුවීමේ සම්මුඛ සාකච්ඡා පවත්වති. ඔවුන් ධර්මදූත නිර්දේශ සම්මුඛ සාකච්ඡා ප්‍රශ්න භාවිතා කරති.

සභානායකවරයා සහ ස්ටේක සභාපතිවරයා විසින් Missionary Online Recommendation System [ධර්මදූතයින් සඳහා අන්තර්ජාලය තුළ ඇති නිර්දේශ පද්ධතිය] තුළ, එම සුදුසුකමේ සහ සෞඛ්‍ය සූදානමේ ප්‍රමිතීන් සමාලෝචනය කරනු ලබයි. සභානායකවරයා සහ ස්ටේක සභාපතිවරයා විසින් කිසිඳු සුදුසුකම් ප්‍රමිතියක් එකතු කරන්නේ නැත. එමෙන්ම ඔවුන් සම්මුඛ සාකච්ඡා ප්‍රශ්න වෙනස් කරන්නේ ද නැත.

අපේක්ෂකයෙකු සුදුසුකමේ ප්‍රමිතීන් සපුරාලීම හෝ ඔහුගේ හෝ ඇයගේ සෞඛ්‍ය සූදානම ගැන සභානායකවරයාට සහ ස්ටේක සභාපතිවරයාට කනස්සල්ලක් ඇත්නම්, ඔවුන් දෙදෙනා එක්ව සහ එම අදාළ පුද්ගලයා සමඟ සාකච්ඡා කරති. තරුණ අපේක්ෂකයෙකුගේ අවසරය ඇතිව, ඔවුන්ට ඔහුගේ හෝ ඇයගේ දෙමාපියන් සමඟද සාකච්ඡා කළ හැකිය. එම පුද්ගලයා බරපතළ පාපයක් ගැන පසුතැවිලි වන තුරු සභානායකවරයා සහ ස්ටේක සභාපතිවරයා නිර්දේශයක් ඉදිරිපත් නොකරයි (බලන්න 24.3.2.1). එම පුද්ගලයාගේ ශාරීරික, මානසික හෝ චිත්තවේගීය සෞඛ්‍ය මත පදනම්ව, සේවා ධර්මදූතයෙකු ලෙස පැවරීමට ඇති හැකියාව ගැන ඔවුන්ට සාකච්ඡා කළ හැකිය.

හදිසි අවස්ථා වලදී සභානායකවරයා හෝ ස්ටේක සභාපතිවරයා නොමැති විට, මෙම සම්මුඛ සාකච්ඡා පැවැත්වීම සඳහා ඔහුට ඔහුගේ උපදේශකයෙකුට බලය පැවරිය හැකිය.

දිස්ත්‍රික්කවල, ධර්මදූත සභාපතිවරයා හෝ පවරා ඇති උපදේශකයෙකු විසින් ධර්මදූත අපේක්ෂකයින් සමඟ සම්මුඛ සාකච්ඡා කර ඔවුන්ව නිර්දේශ කරනු ලබයි. දිස්ත්‍රික්ක සභාපතිවරු මෙම සම්මුඛ සාකච්ඡා පවත්වන්නේ නැත.

සමහර විට සේවය කිරීමට කැමති සාමාජිකයෙකුව පූර්ණ කාලීන ධර්මදූතයෙකු ලෙස කැඳවන්නේ නොමැති වන්නට පුළුවන. මෙය සිදුවන්නේ සෞඛ්‍ය අභියෝග, සුදුසුකමේ ප්‍රමිතීන්, නීතිමය ගැටළු හෝ වෙනත් තත්වයන්ට අනුකූල නොවීම නිසා විය හැකිය. ස්ටේක සභාපතිවරයාට ඔහුව හෝ ඇයව පූර්ණ කාලීන ධර්මදූත සේවයක් කළ යුතු බවින් නිදහස් කළ හැකිය.

අලුතින් කැඳවනු ලැබූ ධර්මදූතයින් දේවමාළිගාවේ බලයෙන් සැරසීමේ නියෝගය ලබාගෙන නොමැති නම්, හැකි සෑම විටම ධර්මදූත සේවය ආරම්භ කිරීමට පෙර ඔවුන් එය ලබා ගත යුතුය (බලන්න දහම සහ ගිවිසුම් 43:15–16; 105:33). සේවා ධර්මදූතයින්ගේ තත්වයන් ඉඩ දෙන්නේ නම් ඔවුන්ට ද මෙය අදාළ වේ.

බලයෙන් සැරසුණු සහ ධර්මදූතයින් ලෙස කැඳවීම ලැබූ අයට ඔවුන්ගේ ධර්මදූත සේවය ආරම්භ කිරීමට පෙර දේවමාළිගා නියෝග සේවකයන් ලෙස සේවය කළ හැකිය (බලන්න 25.5).

අලුතින් කැඳවන ලද ධර්මදූතයින්ට ඔවුන්ගේ ධර්මදූතය ආරම්භ කිරීමට පෙර සක්‍රමේන්තු රැස්වීමේදී කතා කිරීමට සභානායකත්වය විසින් ආරාධනා කරනු ලබයි. මෙය සාමාන්‍ය සක්‍රමේන්තු රැස්වීමකි. එහි අවධානය තිබිය යුත්තේ සක්‍රමේන්තුව සහ ගැලවුම්කරුවාණන් වෙතය.

ඔවුන්ගේ නිවස ඇති ප්‍රදේශයේ ස්ටේක සභාපතිවරයා විසින් සෑම ධර්මදූතයෙකුවම ඔහුගේ හෝ ඇයගේ ධර්මදූතය ආරම්භ කරන දිනයට හැකි තරම් ආසන්නව ඔවුන්ව වෙන් කරනු ලබයි. හදිසි අවස්ථා වලදී ස්ටේක සභාපතිවරයා නොමැති විට, ධර්මදූතයින්ව වෙන් කිරීම සඳහා ඔහුට ඔහුගේ උපදේශකයෙකුට බලය පැවරිය හැකිය.

ධර්මදූත සභාපතිවරයා හෝ ඔහුගේ උපදේශකයෙකු විසින් ඔහුගේ ධර්මදූතය තුළ ඇති දිස්ත්‍රික්කවලින් කැඳවනු ලබන ධර්මදූතයින්ව වෙන් කරනු ලබයි. දිස්ත්‍රික්ක සභාපතිවරයා ධර්මදූතයින්ව වෙන් කරන්නේ නැත.

නිවසින් බැහැරව සේවය කරන සහෝදරයෙකුව ධර්මදූතයෙකු ලෙස වෙන් කිරීමට පෙර ඔහු මෙල්කිසදෙක් පූජකවරය ලබා තිබිය යුතුය. සේවා ධර්මදූතයෙකු ලෙස සේවය කරන සහෝදරයෙකු ඔහුගේ තත්වයන්ට සුදුසු නම් මෙල්කිසදෙක් පූජකවරය දැරිය යුතුය.

සභානායකවරයා, ස්ටේක සභාපතිවරයා සහ සේවා ධර්මදූතයා යන අය එකට එක්ව සාකච්ඡා කර සේවය කිරීම සඳහා ඇති දේශීය අවස්ථා හඳුනා ගනිති. තරුණ සේවා ධර්මදූතයින් සඳහා, සේවා ධර්මදූත නායකයෙකු සහ ධර්මදූතයාගේ දෙමාපියන් හෝ භාරකරුවන් මෙම සාකච්ඡාවට සහභාගී වෙති.

ස්ටේක සභාපතිවරයා විසින් ධර්මදූතයින්ව නිදහස් කර නිදහස් කිරීමේ සම්මුඛ සාකච්ඡාවක් පවත්වනු ලබයි. දිස්ත්‍රික්කවල, සාමාන්‍යයෙන් ධර්මදූත සභාපතිවරයා හෝ පවරා ඇති උපදේශකයෙකු විසින් ධර්මදූතයින්ව නිදහස් කරනු ලබයි.

මෙම සම්මුඛ සාකච්ඡාව සඳහා පහත මාර්ගෝපදේශ ප්‍රයෝජනවත් විය හැකිය.

• ජීවිත කාලය පුරාම යේසුස් ක්‍රිස්තුස්වහන්සේගේ අනුගාමිකයෙකු ලෙස දිගටම සිටීමට ඔවුන්ව දිරිමත් කිරීම.

• ධර්මදූතයෙකු ලෙස ඔවුන් වර්ධනය කරගත් හොඳ පුරුදු මත නොවැටී සිටීමට ඔවුන්ට උපදෙස් දීම.

• තරුණ ධර්මදූතයින් සඳහා අධ්‍යාපනය සහ රැකියා ඇතුළුව අනාගතය ගැන සලකා බැලීමට සහ සූදානම් වීමට ඔවුන්ව දිරිමත් කිරීම.

• සෑම විටම දේවමාළිගා නිර්දේශයට සුදුසු ලෙස ජීවත් වීමට ඔවුන්ව දිරිමත් කිරීම.

නායකයන් ඉක්මනින්ම මෑතකදී නිදහස් කරන ලද ධර්මදූතයින්ට දේවසේවා පැවරුම් සහ කැඳවීම් ලබා දෙති. සුදුසු පරිදි දේවමාළිගා නියෝග සේවකයන් ලෙස සේවය කිරීමට සලකා බැලීම ද මෙයට ඇතුළත් වේ (බලන්න 25.5).

• MissionaryRecommendations.ChurchofJesusChrist.org (ප්‍රාදේශීය නායකයින් සහ ධර්මදූත අපේක්ෂකයින් සඳහා පමණි)