మౌఖికాలు మరియు ఇతర సమావేశాలు

ప్రార్థన, లేఖన అధ్యయనం మరియు నీతియుక్తమైన జీవనం ద్వారా మిమ్మల్ని మీరు ఆధ్యాత్మికంగా సిద్ధం చేసుకోండి. పరిశుద్ధాత్మ యొక్క గుసగుసలను వినండి.

సభ్యులు మీ వద్దకు మౌఖికం కోసం లేదా వ్యక్తిగత సవాలుతో సహాయం కోసం వచ్చినప్పుడు, తరచుగా వారికి అత్యంత అవసరమైనది పరలోక తండ్రి వారిని ప్రేమిస్తున్నారని తెలుసుకోవడం.

లేఖనాలు మరియు కడవరి దిన ప్రవక్తల మాటలు ఆత్మను ఆహ్వానిస్తాయి మరియు స్వచ్ఛమైన సిద్ధాంతాన్ని బోధిస్తాయి. ప్రేరేపించడానికి మరియు ప్రోత్సహించడానికి వాటిని ఉపయోగించండి, ఖండించడానికి, బలవంతం చేయడానికి లేదా భయాన్ని కలిగించడానికి కాదు (లూకా 9:56 చూడండి).

ఆయన వైపు తిరిగేలా సభ్యులను ప్రోత్సహించండి. బలపరచడానికి, ఓదార్పునివ్వడానికి మరియు విమోచించడానికి ఆయన శక్తిని పొందేందుకు వారికి సహాయం చేయండి.

సభ్యునికి ఎల్లప్పుడూ మౌఖికము లేదా సమావేశ సమయంలో ఎవరైనా తోడు ఉండే అవకాశం ఇవ్వండి. వ్యతిరేక లింగానికి చెందిన వారిని, పిల్లలను లేదా యౌవనులను కలిసినప్పుడు, తల్లిదండ్రులు లేదా మరొక పెద్దవారు ఉండేలా నిర్ధారించుకోండి. మీరు కలిసే సభ్యుని ప్రాధాన్యతలను బట్టి అతను లేదా ఆమె సమావేశములో చేరవచ్చు లేదా గది వెలుపల వేచి ఉండవచ్చు.

సభ్యుడు అనుమతి ఇస్తే తప్ప—మీ జీవిత భాగస్వామి లేదా ఇతర సంఘ నాయకులతో సహా—ఎవరితోనూ రహస్య సమాచారాన్ని పంచుకోవద్దు.

సభ్యునితో సమావేశమైనప్పుడు, అతని లేదా ఆమె పరిస్థితిని అర్థం చేసుకోవడంలో మీకు సహాయపడే ప్రశ్నలను అడగండి.

సభ్యుడు మాట్లాడుతున్నప్పుడు, శ్రద్ధగా మరియు జాగ్రత్తగా వినండి.

సభ్యుల పట్ల మీకున్న ప్రేమ కారణంగా, మీరు వారి సమస్యలకు వెంటనే పరిష్కారాలను అందించాలనుకోవచ్చు. అయినప్పటికీ, వారి స్వంత పరిష్కారాలను కనుగొనడంలో మరియు వారి స్వంత నిర్ణయాలు తీసుకోవడంలో వారికి సహాయపడడం ద్వారా మీరు వారిని మరింత ఆశీర్వదిస్తారు (సిద్ధాంతము మరియు నిబంధనలు 9:8 చూడండి).

తీవ్రమైన పాపాలను పరిష్కరించడంలో ఒక వ్యక్తికి బిషప్పు లేదా స్టేకు అధ్యక్షుడు మాత్రమే సహాయం చేయగలరు. వీటిలో కొన్ని 32.6లో జాబితా చేయబడ్డాయి. సభ్యుడు ఈ పాపాలలో ఏదైనా చేసినట్లయితే, అతను లేదా ఆమె వెంటనే బిషప్పు లేదా స్టేకు అధ్యక్షుడిని కలవాలి.

హింసను ఏ రూపంలోనూ సహించలేము. హింస యొక్క నివేదికలను తీవ్రంగా పరిగణించండి. ఎవరైనా హింసకు గురైనట్లు మీకు తెలిస్తే, హింసను పౌర అధికారులకు నివేదించండి మరియు బిషప్పు‌తో చర్చించండి. హింసను నివేదించడం మరియు ప్రతిస్పందించడం కోసం మార్గదర్శకాలు 38.6.2లో అందించబడ్డాయి.

సాధారణంగా, సంఘ నాయకులు ఈ విషయాలను నిర్ధారించడానికి సభ్యులను మౌఖికం చేస్తారు:

• విధిని పొందడానికి లేదా పాల్గొనడానికి సిద్ధంగా ఉన్నారా.

• సంఘములో ఒక స్థానానికి పిలువబడవచ్చా.

మరింత సమాచారం కోసం, 18.10.2 చూడండి.

దేవాలయం ప్రభువు యొక్క మందిరము. దేవాలయంలోకి ప్రవేశించడం మరియు అక్కడ విధులలో పాల్గొనడం ఒక పవిత్రమైన విశేషాధికారము. యాజకత్వ నాయకులచే నిర్ణయించబడినట్లుగా, ఆధ్యాత్మికంగా సిద్ధపడి, ప్రభువు యొక్క ప్రమాణాల ప్రకారం జీవించడానికి కృషి చేసే వారికి ఈ విశేషాధికారము ప్రత్యేకించబడింది.

ఈ నిర్ణయం తీసుకోవడానికి, యాజకత్వ నాయకులు LCR లోని ప్రశ్నలను ఉపయోగించి సభ్యుడిని మౌఖికం చేస్తారు (26.3 లోని మార్గదర్శకాలను కూడా చూడండి).

మెల్కీసెదెకు యాజకత్వాన్ని అనుగ్రహించడానికి స్టేకు అధ్యక్షుడు యాజకత్వ తాళపుచెవులను కలిగి ఉన్నారు. అతను ఎల్ఢర్ మరియు ప్రధాన యాజకుని స్థానాలకు నియమించడానికి కూడా తాళపుచెవులను కలిగి ఉన్నారు.

స్టేకు అధ్యక్షత్వ ఆమోదంతో, బిషప్పు Melchizedek Priesthood Ordination Record [మెల్కీసెదెకు యాజకత్వ నియామక రికార్డు]‌లో ఇవ్వబడిన ప్రశ్నలను ఉపయోగించి సభ్యుడిని మౌఖికం చేస్తారు.

బిషప్పు లేదా అతని సలహాదారుల్లో ఒకరు ప్రతి యౌవనునితో సంవత్సరానికి రెండుసార్లు కలుస్తారు. ప్రతి సంవత్సరం ఈ సమావేశాలలో కనీసం ఒక్కటైనా బిషప్పు‌తో ఉండాలి. యౌవనునికి 16 ఏళ్లు వచ్చిన సంవత్సరం నుండి, వీలైతే సంవత్సరంలోని రెండు సమావేశాలు బిషప్పు‌తో ఉండాలి.

యువతుల అధ్యక్షురాలికి కూడా విడివిడిగా యువతులకు పరిచర్య చేయాల్సిన బాధ్యత ఉంది. ఒకరి తర్వాత ఒకరుగా (లేదా మరొక పెద్ద వయస్కునితోపాటు) యువతులను కలవడం ద్వారా ఆమె దీన్ని చేయగలదు.

బిషప్పు తన వార్డులోని ఒంటరి వయో జనుల ఆధ్యాత్మిక పురోగతికి అధిక ప్రాధాన్యతనిస్తారు. అతను లేదా నియమించబడిన సలహాదారుడు ప్రతి ఒంటరి వయో జనునితో కనీసం సంవత్సరానికి ఒకసారి కలుస్తారు.

వారి పిలుపుల గురించి వారికి నివేదించే సభ్యులతో స్టేకు అధ్యక్షత్వములు, బిషప్రిక్కులు మరియు ఇతర నాయకులు వ్యక్తిగతంగా సమావేశమవుతారు.

నాయకుడు సభ్యుని సేవకు కృతజ్ఞతలు తెలుపుతాడు మరియు ప్రోత్సాహాన్ని అందిస్తాడు.

సంఘ నాయకులు వృత్తిపరమైన సలహాదారులుగా ఉండడానికి లేదా చికిత్స అందించడానికి పిలువబడరు. యేసు క్రీస్తు యొక్క బలపరిచే, ఓదార్పునిచ్చే, విమోచించే శక్తిపై దృష్టి పెడుతూ వారు ఇచ్చే సహాయం ఆధ్యాత్మికమైనది. ఈ ముఖ్యమైన మరియు ప్రేరేపిత సహాయంతో పాటు, కొంతమంది సభ్యులు వృత్తిపరమైన సలహా అందుబాటులో ఉన్నచోట దాని నుండి ప్రయోజనం పొందవచ్చు.