රැස්වීම් සභා ආරක්ෂා කිරීම සහ භාවිතය

සභාවේ සේවයේ නියුතු පහසුකම් කළමනාකරුවෙකු විසින් සෑම ස්ටේකයකම ඇති රැස්වීම් ශාලා පවත්වාගෙන යාමට උපකාර කරයි. ඔහු හෝ ඇය ප්‍රධාන අලුත්වැඩියාවන්, ගැඹුරු පිරිසිඳු කිරීම් සහ සාමාන්‍ය ගොඩනැගිලි නඩත්තු කටයුතු සංවිධානය කරයි.

අවශ්‍ය පරිදි, ගොඩනැගිල්ල පිරිසිඳු කිරීම සහ අනෙකුත් දේශීය කාර්යයන් ඉටු කිරීම පිළිබඳව ස්ටේක සහ කොට්ඨාශ ගොඩනැගීමේ නියෝජිතයින්ට උපදෙස් දීමට පහසුකම් කළමනාකරු උපකාර කරයි. ඔහු හෝ ඇය උපදෙස්, ද්‍රව්‍ය සහ උපකරණ සපයයි.

ඔහුට හෝ ඇයට සභානායකවරුන් සමඟ ගොඩනැගිලි වියදම් සමාලෝචනය කිරීමද කළ හැකිය.

සභානායකත්වය (හෝ කොට්ඨාශ ගොඩනැගිලි නියෝජිතයා) විසින් සාමාජිකයන්ට ගොඩනැගිල්ල භාවිතා කිරීම, රැකබලා ගැනීම සහ සුරක්ෂිත කිරීම පිළිබඳ උගන්වයි. සභානායකත්වය විසින් කොට්ඨාශ නායකයින්ට ගොඩනැගිලි යතුරු ද බෙදා හරිනු ලැබේ.

ගොඩනැගිල්ලේ සහ භූමියේ ක්‍රියාකාරකම් ආරක්ෂිතව සිදු කරන බවට ඔවුන් වග බලා ගනිති (බලන්න 20.7).

නඩත්තු සහ මෙහෙයුම් අවශ්‍යතා පිළිබඳව ඔවුන් සභාවේ පහසුකම් කළමනාකරු සමඟ සන්නිවේදනය කරයි. ඔවුන්ට පහසුකම් කළමනාකරු සමඟ අදාළ වියදම් සමාලෝචනය කිරීමද කළ හැකිය.

කොට්ඨාශ ගොඩනැගිලි නියෝජිතයෙකු කැඳවිය යුතුද යන්න තීරණය කරන්නේ සභානායකත්වය ය. ඔවුන් මෙම කැඳවීම ලබා දීමට තීරණය කරන්නේ නම්, සභානායකත්වයට වැඩිහිටි පිරිමි හෝ කාන්තා සාමාජිකයෙකුව කැඳවිය හැකිය. කොට්ඨාශ ගොඩනැගිලි නියෝජිතයකුව කැඳවන්නේ නැති නම්, සභානායකවරයාට මෙම වගකීම ඔහුගේ උපදේශකයෙකුට, කොට්ඨාශ ලිපිකරුවෙකුට හෝ සහකාර කොට්ඨාශ ලිපිකරුවෙකුට හෝ විධායක ලේකම්වරයාට පැවරිය හැකිය.

කොට්ඨාශ ගොඩනැගිලි නියෝජිතයා විසින් ගොඩනැගිල්ල පිරිසිඳු කිරීම හා නඩත්තු කිරීම සඳහා සාමාජිකයින් සහ ස්වේච්ඡා සේවකයන්ව සංවිධානය කරයි. පවතින සැපයුම් සහ උපකරණ සමඟ එක් එක් කාර්යය කරන්නේ කෙසේදැයි ඔහු හෝ ඇය ඔවුන්ට උගන්වයි.

සෑම ගොඩනැගිල්ලක්ම පිරිසිඳුව හා හොඳ තත්ත්වයේ තබා ගැනීමට උපකාර කිරීමට යෞවනයින් ඇතුළු ප්‍රාදේශීය නායකයින්ට සහ සාමාජිකයින්ට වගකීමක් ඇත.

පිරිසිඳු කිරීමේ කාලසටහන සාමාජිකයින්ට බරක් නොවිය යුතුය. නිදසුනක් වශයෙන්, ගොඩනැගිල්ලට ගමන් කිරීම අභියෝගාත්මක නම්, සාමාජිකයින් දැනටමත් ගොඩනැගිල්ලේ සිටින විට සතිපතා සිදුවීම්වල කොටසක් ලෙස ඔවුන්ට පිරිසිඳු කළ හැකිය.

කොට්ඨාශ සහ ස්ටේක මන්ත්‍රණ සභා සාමාජිකයින්ට ගොඩනැගිලි අලුත්වැඩියාව සඳහා අවශ්‍යතා වාර්තා කළ හැකිය. Facility Issue Reporting (FIR) (පහසුකම් ගැටළු වාර්තා කිරීමේ) මෙවලම භාවිතයෙන් මෙය සිදු කළ හැකිය.

නායකයින් සහ සාමාජිකයින් කළ යුතු දේවල්:

• ආරක්ෂිතව ඇතුල්වීම සහ පිටවීම සඳහා ශාලා, පඩිපෙළ, පිටවීම් සහ උපයෝගිතා කාමර පිරිසිඳුව තබා ගැනීම.

• ගොඩනැගිලි තුළ අනතුරුදායක හෝ ගිනිගන්නා ද්‍රව්‍ය භාවිතා නොකිරීම හෝ ගබඩා නොකිරීම.

• ගොඩනැගිලි අගුලු දැමීමේ ක්‍රියා පටිපාටි ස්ථාපිත කර අනුගමනය කිරීම.

• සභාව සතු උපකරණ සොරකම් වලින් ආරක්ෂා කරගැනීම.

• ජලය, විදුලිය, ගෑස් හෝ ඉන්ධන වැනි උපයෝගිතා වසා දමන්නේ කෙසේදැයි දැන ගැනීම.

අවශ්‍ය පරිදි, පහසුකම් කළමනාකරුට ගිනි නිවන උපකරණ, ප්‍රථමාධාර කට්ටල සහ උපයෝගිතා වසා දැමීමට ස්ථාන පෙන්වන සිතියමක් සැපයිය හැකිය. ආරක්ෂාව පිළිබඳ වැඩි විස්තර “Maintaining Meetinghouse” (රැස්වීම් නිවාස නඩත්තු කිරීම) තුළ (රැස්වීම් ශාකා පහසුකම් මාර්ගෝපදේශය) “Security and Lockup Procedures” (ආරක්ෂාව සහ අගුලු දැමීමේ ක්‍රියා පටිපාටි) තුළ සොයාගත හැකිය. තවත් බලන්න 20.7.

රැස්වීම් ශාලා යේසුස් ක්‍රිස්තුස්වහන්සේට ගරු කිරීමේ ආකල්පයක් පිළිබිඹු කළ යුතු අතර සාමාජිකයින්ට උන්වහන්සේ කෙරෙහි ඇති විශ්වාසය ගැන සාක්ෂි දැරිය යුතුය. මෙම කේන්ද්‍රීය විශ්වාසය පෙන්වීමට උපකාර කිරීම සඳහා යේසුස් ක්‍රිස්තුස්වහන්සේව නිරූපණය කරන චිත්‍ර රැස්වීම් ශාලාවේ ආලින්ද ස්ථාන වල තැබිය යුතුය.

හදිසි අවස්ථාවකදී, කොට්ඨාශ සහ ස්ටේක රැස්වීම් පැවැත්විය යුතුද යන්න ස්ටේක සභාපතිවරයා විසින් තීරණය කරයි. ඔහුට ගොඩනැගිලි සහ සභාවේ දේපළ ආපදා සහන ආයතනවලට සහ ඒ ආශ්‍රිත ප්‍රයත්නයන් සඳහා භාවිතා කිරීමට ද ඉඩ දිය හැකිය.

සක්‍රමේන්තු රැස්වීම් පරිශුද්ධය. මේ හේතුව නිසා, සක්‍රමේන්තු රැස්වීම් ඡායාරූප ගැනීමට හෝ පටිගත කිරීමට අවසර නැත.

සක්‍රමේන්තු රැස්වීම් සහ අනෙකුත් රැස්වීම් විකාශනය කිරීම හෝ ප්‍රවාහ කිරීම පිළිබඳ තොරතුරු සඳහා, බලන්න 29.7.