Zotërimi Doktrinor: Gjoni 7:17

Provo ta thuash referencën e shkrimit të shenjtë dhe frazën kyç të shkrimit të shenjtë më poshtë ndërkohë që mbulon një nga tri pjesët. Pasi të ndihesh i çlirët për të thënë përmendsh një nga tri pjesët, mbulo një pjesë tjetër dhe thuaj disa herë të tjera referencën e shkrimit të shenjtë dhe frazën kyç të shkrimit të shenjtë. Vazhdoje këtë proces derisa të mund ta thuash gjithçka pa e parë.

Gjoni 7:17

“Në qoftë se dikush don të bëjë vullnetin e tij,

do ta njohë … doktrinë[n].”

Lexo thënien e mëposhtme nga Presidenti Dallin H. Ouks, i Presidencës së Parë.

Pamja

Official Portrait of President Dallin H. Oaks taken March 2018.

Ne duhet të kujtojmë se të fituarit e një dëshmie nuk është një gjë pasive, por një proces në të cilin ne jemi të detyruar të bëjmë diçka.

(Dallin H. Ouks, “Dëshmia”, Ensign ose Liahona, maj 2008, f. 27.)

• Si mendon se lidhet thënia e Presidentit Ouks me atë që dha mësim Shpëtimtari te Gjoni 7:17 ?

Gjej disa minuta për të shqyrtuar parimet te paragrafët 5–12 të pjesës “Marrja e Njohurisë Shpirtërore” të materialit Dokumenti Bazë i Zotërimit Doktrinor (2022). Zgjidh një nga parimet për ta studiuar më me kujdes.

• Si do t’ia shpjegoje shkurtimisht parimin që zgjodhe dikujt që mund të mos ketë njohuri për të?

Kur ti i kupton parimet e marrjes së njohurisë shpirtërore, ti mund të ndihmosh veten dhe të tjerët që të fitojnë një dëshmi ose të përballen me pasiguritë. Përdore skenarin vijues për të praktikuar ndihmën ndaj një miku.Në një bisedë me mikun tënd, Luisin, ai të thotë se nuk ka një dëshmi për [zgjidh një doktrinë]. Ty të kujtohet ajo që mësove nga Gjoni 7:17 dhe ti i shpjegon me bindje se ai mund të marrë një dëshmi për këtë doktrinë duke [shpjego se çfarë mund të bëjë Luisi për të marrë një dëshmi për këtë doktrinë]. Ti e kupton se Luisi është i acaruar ndërsa të thotë: “Jam munduar disa herë që ta bëj këtë gjë, por ende ndihem sikur nuk e di a është e vërtetë”.

• Cilat janë disa arsye të mundshme përse Luisi mund të ndihet sikur nuk e ka një dëshmi?

Duke përdorur parimet e marrjes së njohurisë shpirtërore, ndihmoje Luisin të kuptojë se cilat pengesa mund t’i duhet të kapërcejë për të fituar një dëshmi. Ti mund të përdorësh pyetjet vijuese ose të tjera që të vijnë ndërmend për të përgatitur një përgjigje për të ndihmuar Luisin.

Vepro me besim

• Si mendon, përse është e rëndësishme të vazhdosh të jetosh sipas mësimeve të Shpëtimtarit edhe nëse dëshmia nuk vjen në kohën që ne e duam atë?

• Çfarë dëshmie mund t’i japësh Luisit për përpjekjet që duhen për të fituar një dëshmi?

Shqyrtoji konceptet dhe pyetjet me një këndvështrim të përjetshëm

• Si mendon, përse Ati Qiellor mund të dojë që dikush si Luisi të dijë se si fitohet një dëshmi?

• Si mund të jetë të kuptuarit se një dëshmi vjen nga Ati Qiellor dhe jo thjesht me kohën, një gjë që mund ta ndihmojë Luisin? (Shih te Mateu 16:13–17 .)

Kërko kuptueshmëri të mëtejshme nëpërmjet burimeve të caktuara në mënyrë hyjnore

• Cilat janë disa burime të caktuara në mënyrë hyjnore që mund ta ndihmojnë Luisin të drejtohet te Zoti për ndihmë për të fituar dëshminë e tij?

Një shembull i përdorimit të një burimi të caktuar në mënyrë hyjnore do të ishte të kërkoje bisedën e Presidentit Dallin H. Ouks, “Dëshmia”, që është në dispozicion te ChurchofJesusChrist.org dhe t’i lexosh një thënie të shkurtër nga ajo që mund ta ndihmojë Luisin.

1. Shkruaje përgjigjen tënde për nxitjen në vijim në ditarin tënd të studimit.

Shkruaj një përgjigje për Luisin duke përdorur mendimet që të erdhën ndërmend gjatë reflektimit mbi parimet e marrjes së njohurisë shpirtërore. Ti mund të duash të përfshish një përvojë vetjake, dëshminë tënde dhe një ftesë që Luisi të veprojë me besim.